. بَــسـم ﷲ
| الـرحمـنٰ الـرحـيـم |
بـقـلـمي:-Shahd Hisham
'عـواصـف الـاقـدار'
لاتنسون التصويت والتعليق بين الفقرات فضلاً وليس أمراً🦋✨
|ــــــــــــــــــــــــــــــــــــــــــــــــــــــــــــ|
رقــيــه:-
جسمي يوجعني وعيوني ماكدر افتحهم وبس مشهد الحادث يمر بدماغي بكل لحظه
اسمع صوت بنيه بس ماعرف منو
:-تكدرين تفتحين انتِ بخير لو اصيح الدكتور
هيه تحجي واني احاول افتح عيوني وبعد معانات كدرت اباوع للضوه درت عليها جانت ممرضه
رقــيــه:-جسمي يوجعني
:-اكيد حبيبتي الحادث كلش خطر والحمد لله عده ع خير
رقــيــه:-اريد ماي اريد
ماكملت كلامي من حسيت بوجع بصدري طلبت منها تطلع تشوفلي اي شي يخفف الالم انفتح الباب ودخلت ماما تبجي
بلقيس:-ياروحي يابنتي ولج شحال گلبي لو صايرلج شي
رقــيــه:-مابيه شي لاتخافين
دخلت سكونه خطيه وجهه احمر وواضح عليها جانت تبجي ومانايمه
حضنتني والدكتور دخل وره شويه يطمن عليه
د. طه:-والله عدت بخير وشلون نجيتي مادري
رقــيــه:-الحمدلله ربي كتبلي عمر جديد
د. طه:-بس الولد الي وياج ماكعد من بعد العمليه لحد الان
عاينت عليه بأستغراب ياولد
رقــيــه:-منو تقصد
سَـكـيـنـة:-أمـجـد رقــيــه شبيج غير جنتو سوا
وهنا استرجعت شلون ذب روحه كدام الموت في سبيل اني ماتأذه وصدموني اكثر من كالو صارلي يومين نايمه و أمـجـد بغرفه خاصه ممنوع احد يدخل عليه
انطوني مسكن الالم نمت وكعدت ع وجود اخواني وابوي يتحمدولي ع السلامه ويستفسرون من الطبيب اذا اكدر ارجع للبيت
د. طه:-تكدرون تطلعوها بس تاخذولها مجموعة ادويه وعلمود ايدها تخلولها كف
هز راسه عــبــاس وساعدني اكوم جابولي كرسي متحرك هوا ضل بالمستشفى واني رجعت لبيتنه
لكيت تلفوني كومه رسايل جايتني وكلها من رامي
رقــيــه:-تكدرون تعوفوني وحدي اريد انام
وماما من خوفها عليه راحت هيه و سَـكـيـنـة اول مافتحت الخط اجاني صوته الخايف عليه وشلون مشتاقلي واني احجيله تفاصيل الحادث
YOU ARE READING
عـواصـف الاقـدار
Mystery / Thrillerمـاذا لـو عـاد الـمـسـافـر؟؟ لايوجد وصف يعبر عن هذه الروايه لذالك كل ماتريدون معرفته ستجدوه في داخلها عندما تتعمقون بداخل اسوارها 🔥
