,,فنفخت رماد الحيرة فيها ,,,صارت جمرا يشتعلني
أطفأت بصمتي كل قناديلي ,,الا قنديل دخان يشتعل بماء المغتسل بنار ظمآي للعشب ,,
,,,عمري عشب يخضر خلال الظل المتلاشي ,,خلف نزيف من هو قلب الماء ,,,
,,قلبي مضمار ,,يتسابق فيه خيول من احلام ,,في صمت تراودني ,,,أورتني زرعة في الأرض ,,,,غير الأرض ,,تتعشب ,,تتضأل في ارض مقفره,,,أورتني تمتد من باطن الأرض المزروعة بالثلج ,,لينساب الدم صبارا ,,
,,,فأخضر في الأرض ,, و أبحث عن شمس تحميني من فيظ الظل
,,,,أبحث عن غسق الفجر ,,,عن حبات تأويني
,,,,,أبحث عن,,,,,
عيني مرفأ الاحزان ,,,عيني لؤلؤة تبحث عن غسق,,,,,غرق بريئا ,,,
تتساقط درات البحر صادرا,,,أغتسل بجمر الماء ,,,فيرويني البحر جفافا ,,
,,,يزرع غيمات سجوني ,,
,,,,في أحضان الشمس ,,,و أحلامي تغرق بين ضفاف جفوني ,,,,
,,,يعيي,ي غبق ارشفة من ريحان يختزن الحلم الأخضر,,,,تروى بدماء الصبار
,,,,,يناديني القاع موارا ,,,ومرارا يلفظني
,,,,,,,,أعطتني شمسا ,,,قالت أطفئيها
,,,,,,,فقلت ومن يطفئني ,,,,(باي سندس**غلقات كتابها من بعد مادونات فيه بعد الأسطر كتوصف فيه حالتها ,,,حطاتو تحت وسادتها المصنوعة من اللحاف الصلب و حلات شمعة بين يدياتها الصغيورين البويض,,وتوجهات بيها نحو النافدة العالية الصغيرة كترقب السماء و النجوم كتأمل في عظمة الكون هدا هو حالها ديما
بطلتنا سميتها *شمس الليل*اه شمس الليل ماتجيكمش غريبة ,,هي اسم على مسمى فهي دايرة بحال الشميسة المنورة في عتمة الليل,,جمالها خلاب دات عيون كريستالية باللون الازرق الفاتح كزرقة السماء في صفائها ماكينش لي ماشفهمش و تاه في بحورهوم ,,بشرتها بحال ضياء الشمس و شعرها طويل ورطب فايت المؤخرة ديالها كيشكل هو ووجهها متضدان جميلان ,,وجنتين مشدودتين و موردين و نيف منقاد و الفم صغير و حمممممر مثمر ,,دات ملامح هادئة و بريئة ,,جسم مثالي و ممشوق ,لي شافها كيقول سبحان لي صورها و خلقها ,,كيقولو الجمال الا جمال الروح ,,,واش غنقولو بوحدة جامعاهوم بزوج,,,سنها صغير ستة عشر سنة و لي داز عليها كثيييير و كثيييير و باقي غيدوز ,,,داقت من العداب ما يكفي باش لواحد يفقد السيطرة على روحو ولا يقتل راسو ولا يتل شي حد,,ولكن هي لا داكشي عاد مازادها إيمان و تشبتها بالله سبحانه و تعالى ديما حامدة الله و شاكراه ,,هي فرد من افراد عائلة غير محسوبة منهوم حيت بكل بساطة نابدينها كيف كتقول ,,,تتكون من خمسة افراد الاب لي خاصو يكون الحامي هو سبابها في عدابها ساعة ربي خداه ,,مرت الاب الله و اكبر باقين عاقلين على القصة ديال سندريلا و زوجة الاب هي هادي كتجسد فيها بشرها و حقدها ,,حاثم خمسة وعشرين سنة شد الباك و ريح الارض عاطيها غا السكرة و السهير و الدريات ,,ياسر ثلاثة و عشرين سنة شد الماستر في علم الفلك بميزة èسن جدا و دابا كيحلم يخدم في الخارج ,هو الظريف فيهوم وكاملين و كيحن في بطلتنا واخا من بعيد (دابا تعرفو كيفاش)و أخيرا و ليس أخيرا جناة لا علاقة مع شمس لا في الجمال لا الاخلاق نسخة طبق الاصل من مها عندها ,تسعطاش العام عندها السيزيام هاد العام شابعة دوبلاج,,,عاد بطلتنا الجميلة شمس الليل لي علاش كتدور أحداث هاد القصة نخليها تحكي ليكوم بلسانها
السلام انا سميتي شمس الليل اسمي مشتق من كلمتان متضادتان شمس و ليل ,,شمس كيقولو على جمالي لي بسبابو كرهت الجمال و مايجي منه وليل ؟(تنهدات)كتعني حياتي لي كلها ظلام في ظلام ,,,باركة ديما وسط هاد ربعة ديال الحيوط الباب مسدود من برا ماكنعرف الليل من نهار من غير هاد السرجم الصغير لي مدوي علي شوية ,,,لا ههه انا ماشي في الحبس,,لا انا مسجونة في بيتي ولكن واش هو نيت بيتي؟من كنعقل على راسي وانا كنحس بلي انا غير مرغب في ,,ماما لي كنت كانتعتاقد بلي هي ماما عمرها حساتني بالدفئ و الحنان ديما السب و الشتم و العنف من طرفها و التمييز بيني و بين خوتي و خصوصا جناة كونات في قلبها الحقد و الكره رغم انا مدرت ليهوم والو ,,,,كان بمجرد كيجي شي ضيف لهنا كيسدو علي فواحد البنيقة باش تاحد مايشوفني ,,,المدرسة ؟دخلت ليها غي بالطليب و الرغيب ,,,ديما كنمشي ليها مبهدلة حيت بكل بساطة كنلبس غي حوايج جناة حتى كيشيطو عليها و يبداو يبهاثو عاد كتصدقهم علي كيف كتقول و رغم دالك كنجي انا الاولة في المدرسة ,,كنت عزيزة على الكل من الصغير حتى الكبير و الاساتد كانو كيبغيوني ,,,كان عندي حب كبييير المطالعة كبر معايا من صغري ديما عزيز علي نكتاشف و نعرف اشياء بزااف من خلال الكتوبة ,,كلشي كان كيشكرني و يمدح اخلاقي و جمالي لي هو سر تعاستي ,,,شي لي كان كيعصب ماما ديما واكلة عندها قتلة ديال العصا بلا سبب ظهري منقوش باحتراف بسباب الكابلي ديال الضؤ نعريه تبهرو بجمال النقش و النحت لي فيه تقراو خطوطو ,,بابا؟ههه هداك اكيشوف و ساكت عمرو دواني ولا تكلم معايا و سقسى علي ولا على حالتي ولا قال حتى بنتي ,,,لي كان كيوقف معايا بعد المرات هو ياسر و غي بالتخبية بطبيعة الحال كان ديما كيجيب لي الكتوبة و الروايات بلا خبار شي حد حيت لا حصل انمشي فيها انا ,,دازت اعوام وكلما انا كنكبر و حقدهم كيكبر ليا و خصوصا جناة حيت كلشي ماكانش كيحملها و ديما كيديرو مقارنة بيني و بينها رغم انا كنبغيها ,,كتمشي تشكم لماما و تقول ليها بلي كنضحك عليا الناس ,,كناكل قتلة ديال العصا رغم داكشي كله كدوب انا اصلا عمرني هضرت على عيوب الاخر ولا ديتها فيهوم داكشي منه لمولاه انا شكون لي غنتاقدو ,,عمرني تشكيت ولا قلت اه عمرني صرخت ,,عارفة داكشي ماعندو لاش يفيدني ,,,اصدققائي هوما كتوبتي لي كيسافرو بي العالم ديالهم عالم الخيال و العلم ولا كتاب دكرياتي كندون في اشعار بسيطة ,,,,حتى لوواحد النهار لي غنكتاشف فيه الحقيقة
معاناتي بدات هادي ثلاثة سنين واخا هي من ديما بادية
*****فلاش باك ثلاث سنوات
كانت عندي ثلاثة عشر سنة كنقرى في الكاطريام كيف العادة جاية من المدرسة مع الستة فرحانة جبت نقطة ممتازة في الرياضيات ,,,دخلت للدار حتى كنسمع الغوات في غرفة النوم ديال بابا و ماما و حيت كان غواتهوم مجهد سمعت كلشي ,,,,
خديجة ;جات فاطمة الطنجاوية ليوم قالت ليك حتى هي باغا شمس الليل لولدها ,,,واش كل نهار نبقا نرد وحدة ,,كل نهار تدق علي وحدة ,,(بالغوات)بسييييف وهي خيطي بيطي لديك المدرسة ياك قلت ليك ماتخليهاش تخرج
حسن شد راسو بين يديه و كيحاول يتهدن;الله يهديك يا هاد المرا ,,الدرية باقا صغيرة ما عارفة والو ,, راك شفتيها مقابلة غي قرايتها ,,اش نديرو لا كانت هي زوينة و عاطية العين
خديجة;انا قررت هاد المدرسة لي جابدة علينا هاد النحل انحبسها منها ,,شي نهار تصدق جايبة لي شي حرامي من الزنقة
حسن;تي نعلي الشيطان ,,اش كتخوري ؟,,واش تضيعي الدرية و تبركيها من القرايا حاجة تافهة
خديجة دارت يديها في جنابها و طرطقات عينيها;شوووف نقول ليك النهار لي جبتي فيه ديك البرهوشة لهنا قلتي ديري فيها مابغيتي ,,ولا عزات فيك حيت هي بنت فيك النصرانية لي كنتي طايح معاها عنداااك ,,عندااااااك تصحابنييي دوزتها لييييك
حسن طلع ليه الدم ;:اوووووف اوووف منك السيدة ماتت وشابعة موووت من ولدات شمس ونتي باقا كتجبدي نفس السينتة عيت من هاد الموال يخخخخ ,,عرفتي اش ايجيك مليح ديري لي بغيتي راه هي قتليها نتي قاع غا هنيني من نكيرك
خديجة;ايوا من اللول ديرها
**لحت الشكارة من هول الصدمة ,,كيفاش ؟يعني انا بنت الحرام ياه على زمن ,,انا نتيجة غلطة بين ماما وبابا,,شكون ماما ؟ديما كنت كنتساءل سبب التعامل الخايب ديال ماما بغيت نقول مرت با ,,قول انا بنت عشيقة راجلها ههه وانا كنقووول علاش كتكهرني ؟بديت كنتمشى بخطا ثقيلة كنحس برجلي ماحاملينيش فاشلين و دموعي شلال ,,,ياه على سخرية الاقدار ,,بئس لزمن لم يرحمني ,,لهاد الدرجة حاملين في قلوبهم من جهتي,,,لهاد اللدرجة قلوبهم كحلة,,شنو دنبي انا يلا جيت لهاد الدنيا بلا علمي,,والله لو طداو إدني مني لكنت قلت ليهوم خليوني في بطن أمي حتى الاختناق ,,حتى المامات,,شنو دنبي انا لا كنتت نتيجة علاقة غير شرعية ؟شنو دنبي؟,,هزيت راسي و عيني شلال و قلبي باكي دم ,,انا ش درت في هاد الدنيا باش نتعاقب هكا؟علاش انا ديما لي كنعاني ,,ديما انا لي كنخلص اخطاء الاخرين ,,علاش يا ربي واش انا ماشي بشر؟معنديش قلب و أحاسيس ؟دوزت اكفس ليلة في حياتي بلا عشاء بلا والو اصلا ايكون عاجبهم الحال تهناو مني دوزت ديك الليلة غا بزز كانت طويلة كحلة مظلمة ,,,
يتبع....
