سمو الأميرة بنفسها علي الحدود وسط كل النزاعات والتوتر اللي في المملكة ؟
بصتله بخضه وانا مصدومه ازاي حد من شعبنا عرفني وأنا بلبس غير مَلَكي!
انت مين وازاي تيجي هنا وعرفتني ازاي أصلا؟
أنا أقدر أعرفك في اي وقت واي مكان يا سمو الأميرة، يلا بقا عشان أوصلك للقصر.
اتفضل انت امشي أنا معرفش انت مين بس معنديش خلق اتناقش معاك لسه فامشي بهدوء
سيبته وروحت قعدت جنب الشجرة، للأسف المكان اللي بحبه ومكنش حد يعرفه هضطر اغيره عشان الإنسان المتطفل دا عرفه، معرفش ازاي عرف اني الأميرة بس رغم انه لابس لبس عادي لكنه باين عليه من العيله المالكة لأحد ولايات المملكة اكيد
قعد جمبي واتكلم،
حلو الكلام دا في مصلحتي هقدر أشوفك لوقت أطول
انت كدا تخطيت حدودك و واحد متطفل ومزعق وكمان بتتكلم معايا ولا كأني سمو الأميرة بنت سلطان المملكه دي!
اتفضل امشي بدل ما يكون ليا تصرف تاني انت في غني عنه!
سمو الأميرة انتي اللي مش موافقه ترجعي القصر وقت زي دا ممكن اللصوص ياخدوكي أسيره والمملكة في حالة تزعزع والدنيا مش امان..
مخلتوش يكمل كلامه وركبت الفرس بتاعي وجريت بسرعه،
كنت ناويه اتخانق وفي الاخر اخلي الحراس يتصرفوا معاه في القصر بس للأسف لمحت قافلة جايه من بعيد ومينفعش أظهر اكتر من كده انقذوه مني
دي تجاهلتني! بقا أنا السلطان فارس اللي محدش يقدر يرفع عينه وهو بيكلمني يحصل فيا كدا؟
شوفت القافلة معديه فعرفت هي جريت ليه، فركبت فرَسي ورجعت القصر تاني..
سمو الأميرة سمو الأميرة
نعم يا فاطمه في اي خضتيني!
جلالة السلطان طلب تروحيله غرفة الاجتماعات دلوقت..
حاضر جايه،
القصر دا محدش يعرف يرتاح فيه خالص كدا
وصلت الأوضه ودخلت الجو كان هادي، يبقا اكيد في مشكله جديده..
جلالتك طلبتني!
تعالي يا سُهيله، ركزي معايا عشان الوضع بقا أسوء وشكلنا داخلين علي حرب!
حرب! هو اي اللي حصل تاني مش كان خلاص اتفقوا والموضوع اتقفل؟
في صبي من القبيلة اللي كانت معارضة علي تنظيم القوافل غدر بالقبيله من ولاية بكر التانية وخد كل البضاعة، فطبعًا مش هيسكتوا وفي أربع ولايات كمان في صفهم فكدا هتقوم حرب علي المملكة كلها..
دخل أحد الحراس ووجه كلامه للسلطان..
معذرة جلالتك، لكن سلطان ولاية بكر في الخارج وطلب يدخل في أمر ضروري
خليه يتفضل.
دخل سلطان ولاية بكر وباين عليه الغضب،
السلام عليكم، سموك اكيد عرفت اللي حصل وأنا مش هقدر اسكت، لكن جيت استشيرك واطلب من سموك التدخل، لاني وشعبي نظن بك الحكمه والخبره فسلطان الممكلة عنده الكلمة الأخيره..
أهلا بيك ، انا عارف اكيد, لكن لازم التفكير عشان نقدر نتصرف بحكمه، وباذن الله نقدر نتخذ قرار صائب وفي محله..
بعد ما خرجت من عند بابا وأنا بفكر ان ازاي غلطه واحده بس تقدر تقلب مملكه كامله، وكل رد فعل لازم يتاخد بحكمه عشان ميضيعش المملكة كلها!
عدي يومين وكل أمراء المملكة بيتجمعوا عشان يتناقشوا في حل يرضي كل الأطراف، فجأة لقيت دوشه في أوضه القصر الكبيرة وفاطمه جايه تجري عليا ..
سمو الأميرة الحقيي السلطان بيزعق وشكل في حاجه كبيره.
جريت عند الأوضه، وأول مدخلت لقيت بابا بيبصلي بغضب وجمبه الولد اللي قابلته عند الشجره!
انت بتعمل اي هنا؟
بصلي وبابا اتكلم بصوت عالي وهو بيشاور عليه،
سمو الأميرة هتتجوز السلطان فارس
بصيتلهم بصدمه،
نعم! ممكن أفهم جلالتك اي اللي بيحصل ؟
يتبع...
دنيا محمد
