<<قصر آل سعد>>
كانت عايله آل سعد تحب النظام وكانوا كلهم يصحون بوقت محدد عشان الفطور نقدر نقول ابو مشاري مشاهم على هالنظام من لما دخلوا القصر
العايله كلها متجمعة على الطاوله وقاعدين يفطرون والصمت عام المكان كسر هالصمت ابو مالك وقال: ابو مشاري شنو قررت بخصوص الشركه الي بنعقد العقد معاها
ابو مشاري: والله مادري ياخوي للحين مو عارف نعقد معاهم ولا شنو
ابو كرم: أنا اقول انه لازم نقعد معاهم اول ونشوف شنو بيسوون وبعدها نقرر على هالاساس
مشاري:وانا بعد اقول نفس ماقال عمي إبراهيم لان لنا شهر وما عقدنا هالعقد
كرم:خلاص اجل خير انشالله اليوم أتواصل معاهم ونلتقي بالشركه
مالك:يعني أنا وعبدالله نجي الشركه مالتكم اليوم
ابو مشاري:اي اليوم كلكم بشوفكم بالشركه العقاريه بنسوي اجتماع ونقرر شنو يصير من بعدها
ابراهيم: خير انشالله يلا كل واحد ع شغله
فهد: يلا تروفه قومي عشان نروح الجامعه
ترف: اوك بس بشوف ريما بتجي معنا سيارتها بالتصليح
فهد:ماشي يروحي لا تتأخرون أنا أنطركم بالسياره
راحت ترف عند ريما : ريموه يلا تأخرنا
ريما: يلا خلصت خل ننزل
نزلو وشافوا ريهام
ريهام: بجي معاكم
ترف:يلا تعالي تأخرنا على فهد الحين يفضحني أنا خلصوني
نزلو وراحو السياره وريما طبعها تستحي دخلت وسلمت وريهام سلمت بنص الطريق مسكت ريهام تلفون فهد : فهود افتح تلفونك نشغل اغاني
فهد: انزين عطيني التلفون أنا اشغل
اخذ التلفون وشغل اغاني وصلو للجامعه ونزلو
ترف: ريموه شوفي هذاك شلون قاعد يطالع فيك
ريما: ترف بس شسوي له
فهد سمع وقال:إلا ريما للحين تستحين ضحكت ترف وقالت : ايي لا تشوفها الحين وبتذوب لانك بس قلت هالكلمتين ضحك فهد
وقالت ريما: بس ترف شفيك لا ما استحي من شنو استحي يعني خلاص أنا بروح الكلاس وراحت
بعدها فهد قال لترف مكانها اهيا وريهام لانهم جديدين للحين وراح
<<بيت حمد>>
غرفه جمانة
تسلل ضوء الشمس على غرفه جمانة بعد نومه صعبه لها ومانامت إلا ساعتين
صحت جمانة من نومها واهيا تقول الحمدلله طلع الصباح راحت الحمام واخذت شور وطلعت لبست بنطلون جينز عريض وجاكيت ابيض قصير حطت ميكب خفيف ونزلت كانوا الكل قاعدين على طاوله الفطور سلمت على امها واختها وقعدت
حمد: ليش تأخرتي أنا كم مره قايل الساعه تسعه الكل يكون تحت
جمانة: انزين الساعه الحين تسعه ونص شالفرق يعني
حمد بصراخ: لا وتردين بعد قليله ادب هذه آخر مره اشوفك نازله بهالوقت الساعه تسعه الكل يكون هنا فاهمه ماردت جمانة وتجاهلته طرق الطاوله بيده وصرخ: فاهمه
جمانة بصراخ: فهمت خلاص وقامت إلا امها تمسكها
مهره: حبيبتي خلصي فطورك وبعدها قومي
جمانة: شبعت ماما
حمد: احسن لاتأكلين وانتي خلها تروح الي ما يلتزم بأوقاتنا ماياكل معانا ويلا ذلفي
جمانة طالعت الجوهره الي كانت ساكته وشافت عيونها كان فيها غصه بس ماتقدر تقول شي وقالت: الجوهره أنا انتظرك برا خلصي فطورك ولحقيني اوك حياتي
الجوهره: اوك
طلعت جمانة السياره وكانت بتبكي نزلت منها دمعه مسحتها بسرعه وقالت :مو هذا الي يبكيني اخذت نفس وبعدها جات الجوهره
الجوهره: حبيبي جوجو انتي بخير
طالعت فيها جمانة وقالت:اي ياروحي مافيني شي عادي تعودت وحركت السياره ومشت
الجوهره:انزين جوجو أنا احبك ترا تعرفين
ابتسمت جمانه وقالت : اي وانا اموت فيك والله
الجوهره: مادري ليش بابا يعاملك كذا بس ترا اهوا يحبك
جمانة حست بغصه وقالت بينها وبين نفسها اي يحبني وحيل بعد وماتدري انه ابوها حقير ووده يطردني من حياتهم كلها مو بس من بيتهم
عند مشاري
كان بالسياره اهوا وكرم يسولفون
كرم: مشاري مر جيب قهوه ما اصحصح بدون قهوتي أنا تعرفني يعني
مشاري: ايي أعرفك اكيد انت صاحب مزاج اقول لا تخليني أصفقك من متى تشرب قهوه انت
كرم:مادري اشتهيت الحين تكفى
مشاري:خلاص تمام
عند جمانه والجوهره
الجوهره : جوجو شرايك نشرب كوفي
جمانه: تم
الجوهره: يسس انزين خلاص ع حسابي اوك
جمانة: إذا على حسابك ماعندي مشكله وضحكو
راحو يأخذون قهوه وكان زحمه حيل عند السيارات ونص ساعه وبتبدأ المحاضره
جمانة: حبيبي جوجو أنا بنزل اخذ قهوه لان عندنا محاظرات بعد نص ساعه وزحمه حيل عند السياره
الجوهره:اوك انزل معك
جمانة: لا ماله داعي بنزل بسرعه وبجيك
الجوهره: تمام
نزلت جمانه كان تلفونها يتصل وكانت فرح ردت عليها
جمانه: هلا فرح
فرح: وينك انتي المحاضره بتبدا
جمانه: الجوهره تبي قهوه وزحمه ونزلـ.. ماكملت كلامها إلا وصاقعه بواحد طالعت فيه واهوا طالع فيها جمانه ناطره يعتذر
طالع مشاري فيها: ماتشوفين انتي عميه
جمانه: عمى يعميك هييه لاتخليني افصل عليك
مشاري: اقول هص هص ويلا اعتذري
طالعت فيه جمانه من فوق لتحت وقالت: ناس ما تستحي مشت وكملت كلامها مع فرح
مشاري تاخر ع الشركه وماكان يبي يكبر السالفه وأخذ القهوه ومشي
دخل السياره وقال:كرم وقسم إذا بعد مره تقول تبي قهوه رح أصفقك
ضحك كرم وقال شفيك ليش معصب
مشاري: وحده داشه فيني وتقول ما تستحي انت خلاص جب لاتسولف متنرفز منك وكان يبي يطلع إلا سياره مسكره عليه زفر بضيق ونزل ضحك كرم ونزل معاه
كرم جاه ضحك هستيري مو طبيعي
مشاري: كرم بفصل عليك والله
راح مشاري عند السياره شوي وإلا جايه نفس البنت طالع فيها وقال: اقول حركي سيارتك اخرتيني
جمانه طالعت فيه وقالت: هيي انت لا تنافخ بعدين ليش كل شوي طالع بطريقي شنو تراقبني انت اكيد حمد حاطك مراقب مهووس فيني مايقدر
مشاري: يابنت الحلال منو حمد اخلصي حركي سيارتك بطلع
جمانه:انزين لا تنافخ
طالعت كرم وكان واقف عند السيآره ويطالع فيها وقالت:بشنو صافن انت ابعد
كرم: منو هذه الي معاك
جمانه: ويع اقول ابعد مصدق روحك انت
سحبه مشاري وقال:فشلتنا كرم كان يطالع بالسياره وقال:إلا ما اعرفها ياولد حلوهه
حركت جمانه سيارتها طالعت الجوهره فيها وقالت:جوجو
جمانه: نعم
الجوهره:منو هذول ومنو هذا الي كان قريب من السياره
جمانه طالعت فيها وقالت: ويع شكثر اكرههم هاذا واحد وانا داخله القهوه دخل فيني قليل هالادب لا ومايعتذر بعد والثاني مادري عنه يسأل يقول منو هذه الي بسياره بعد
الجوهره: سال عني
جمانه: اي شفيك
الجوهره: لا ولاشي بس يعني ماتوقعت بس حلوين ها
جمانه: ويع ماحبهم لا بخيرهم ولا بشرهم
الجوهره: جمانه ليش تكرهين كل رجال الكره الارضيه حبيبي مو كلهم نفس بعض
جمانه حست بغصه داخلها واهيا تتذكر وقالت خلاص الجوهره لا تصدعين راسي ويلا انزلي وصلنا .
لاتنسون النجمة المتابعة تحفيزا لاستمراري
الكاتِبة : رُوح .
ŞİMDİ OKUDUĞUN
أن تـحـب مـرة أخـرى
Bilim Kurguتظن أن الجميع يتشابهون ولكن يأتي شخص يغير نظرتك وممكن أن تحب مرة أخرى
