بين قيود الدنيا

part 8

_مهدي:هلا يبعد أبوج هلا بالعزيزه وغالية

_تانيا: مشتاكتلك مهدوي كومه

_مهدي: يبعد عمر مهودج اني هم والله

_تانيا: جدو كال راح تجي تاخذني اعيش يمك
صحيح

_مهدي: اي صحيح

رديت علي والفرحة مبينة على صوتي
_تانيا: صدك يعني مثل قبل من جنت عايشة يمكم
_مهدي:اي

من الفرحة رجعت حضنته حيل ونزلت من حضنه
اكمز بنص الاستقبال وهو واكف يباوع عليه ويضحك اجة جدو دخل شافني اكمز ضحك وباوع عليه مستغرب سئل مهدي
_ابو وئام: هاي شبيها

رد علي مهدي يضحك
_مهدي: لان درت راح تروح تعيش يمي

ضحك جدو ورد علي
_ابو وئام:لو ندري هيج تفرح جان من زمان دزيتها

ضلو يحجون بيناتهم لحد ما مهدي كام وسلم
على جدو واجه عليها كالي
_مهدي: يلا تونه سلمي على جدو علمود نروح

هزيت راسي ورحت على جدو سلمت علي
ورجعت يم مهدي لزمت ايدية طلعنه من الاستقبال جدو صاح على عابد

_ابو وئام: عابد خليت جنطت تانيا بالسياره

_عابد: اي يابة خليتهه

_ابو وئام: ماشي شوف مهدي خلي تانيا بعيونك الاثنين ودير بالك عليها لان هل طفلة انظلمت
اهنا

_مهدي: بعيوني اخليها عمي اصلا تانيا بنتي
قبل لا تصير بنت عمي

_ابو وئام: اعرف بيك ما راح تقصر وياها بس للامان عليها

_مهدي: تدلل عمي

سلم على جدو وصعدنه بالسياره وما سلمت بس على جدو لان كلهم يريدون اروح ما ابقى يمهم

صعدت بالسيارة فرحانة واحجي ويه مهدي واسئلة عن يقين وعمة.. فرحانة بشكل وأخيرا
خلصت منهم وراح ارجع اعيش يم بابا مهدي

:- وصلت للبيت بابا مهدي نزلت من السيارة اركض ومهدي يصيح وراية ديري بالج لا توكعين
انتبهي واني ما هامني شي اريد بس اوصل على
عمه ويقين اسلم عليهن..

دخلت للمطبخ شفت عمتي ويقين كاعدات شافتني يقين طفرت من فوك الميز اجت تركض عليه حضنتي واني حضنتها واثنينه كمنه نكمز وعمتي
تباوع علينه وتضحك.. وخرت من حضن يقين ورحت على عمتي اسلم عليه وهم جعصتهه بحضني

دخل بابا مهدي للمطبخ سلم على امه وكعد على ميز الطعام وخرت من حضن عمتي وطفرت كعدت بصف يقين و بابا مهدي واباوع عليهم صبت الاكل عمه لان اني و بابا مهدي أجينه وقت عشاء
كعدنه ناكل ونسولف

:- وراها مرت الايام والسنين عايشة احسن عيشة يمهم ومدللة دلال ومرتاحة والضحكة مالتي ما تفارك وجهي ابد وعيوني تشع بالفرح تعودت على الأجواء الحلوه وضحكاتنا اني ويقين الي تعلو في البيت وخابصين البيت خبص بصياحنة وهوستنة ومحد يحجي ويانة ابد بس
طبعا ما تدوم الفرحة ابد اليه