بعد غياب سنتين

part _26

الضابط : لازم اتطلعونه من المستشفى لان خطر عليه هيه امبينه اجت منهزمه من الخطفه او  جماعته جاي يدورون عليه هسه

محمد : اي انريد انطلعه اذا خليناهه هنا يرجعون يخطفوهه

الضابط : اي صح كلامك

علي : زين شلون عرفت جاي يدورن عليه

_صاحبي استوه خابرني او كال ثلث زلم ملثمين واحد يركض او واحد يسأل حته واحد اجه سائل شرطي كايله مواصفتهه و من سائلينه كايللهم اختي او ضاعت من عدنه

محمد : استلم هاي جاي يدورون عليه

الضابط : انه رايح للمدير المستشفى اكله يطلعونه على مسؤليتي

علي : لا سيدي شني السالفه احنه خواله او حنه نتحمل مسؤليته

الضابط : لا خويه انه المستلم قضيته او اني مسؤل بيه او لازم تطلع على مسؤليتي حته اتصير بأمان يمكم انه رايح للمدير

محمد : لا سيدي احنه خواله او مسؤلين بيه

الضابط : حتلو خواله بس ما يطلعونه اني راح اطلعه على مسؤليتي

سكتو الولد والضابط راح او محمد كال

_فشله من الضابط خل اروح وياه

علي : اي روح وياه محمد

هز راسه او راح بره الضابط زفرت بحيره التفتت على علي باوعتله او هوه كال

علي : ابوج اشكد كوا....

زينب : ياكوا.... دسكت هسه تلكا يفور دم من سمع شهل رجعت

_اي والله ما اعرف ليش يكره اذا هيه ما مسوتله شي

_مو كوا.... يشوف دم سنونه او لايشوفه النعال ابو زربه

_من انعل هيج ابهات اي والله

_خل ادك على عبير خل تاخذ البنات اتصعدهن فوك مادام سمع شهل رجعت راح يذب حركته بيهن

_اي دكي عليه

_موبايلي بالبيت نسيته

زفر او دخل ايده بجيبه طلع الموبايل او كال

_هاج او كليله خل تاخذهن الغرفتي يكعد كلليه لا يطلعن لحد ما نجي

هزيت راسي اخذت الموبايل منه او دكيت على عبير بره دقيقه ردت

عبير : الوو

زينب :  الو هاا عبير اكلج اخذي البنات وديهن الغرفة علاوي لاتخليهن ينزلن لحد ما نرجع

_خوش بشري شنو طلعت شهل وشلونه

_ زينه طلعت مصوبه او دخلوهه عمليه

_عززه اي شني طلعت

_اي او دخلت بغيبوبه

_يااا اصخام الصخمني هسه ساره شنو حاله