صباح جديد وحياة جديدة بالنسبة للهنوف لان اليوم ملكتها صحت وهي ودها ترجع تنام ما تبي تسوي اي شي من كثير ماهي تعبانة نزلت للمطبخ ولقت راشد وامها
راشد:صباح الخير يا وجه الخير
الهنوف ابتسمت بتعب:صباح النور
جواهر:يلا افطري عشان نروح الصالون وتراني جبت لك فستاتين بجيبهم واجي
الهنوف:يمة ما ابي بلبس اي شي
جواهر ضربتها بخفة:اقول انطمي ملكتك ذي
الهنوف:طيب طيب
راشد جلس يضحك وناظرت فيه الهنوف:يا حمار تضحك؟ يارب يصير فيك زيي
راشد فطس من الضحك:مجنونة والله
الهنوف عصبت وقالت بصوت شبه عالي:يممةة ما بحظر الملكة
جواهر:طيب انا اعلمكك
الهنوف:لا يالغالية امزح معك
جواهر ضحكت وجت وهي معاها الفساتين واحد لونه بيبي بينك والثاني برغندي
الهنوف ناظرت بالفساتين:ما ابي ولا واحد
جواهر:بتختارين واحد وغصب عنك
الهنوف:بس يمة ماكملت كلامها وقالت جواهر:الهنووفف
الهنوف:طيب طيب ابي البيبي بينك
جواهر:كنت ادري انك بتختارينه يلا روحي البسيه
الهنوف:حاظر
راحت لبسته شافتها جواهر وبكت:كبرتي؟
الهنوف:لا للحيني صغيرة
جواهر عصبت:الهنوف
الهنوف:يمة وش ذا السؤال اكيد كبرت
جت رزان وشافت الهنوف شهقت:تجنني
الهنوف:منجد؟
رزان:لفي اشوف
لفت الهنوف وقالت رزان:مرة حلو اكيد بتضيع علوم خالد اذا شافك
ضربتها جواهر:يا قليلة الادب من علمك تقولين كذا
رزان وهي حاطة يدها على ظهرها:يمة الله يهداك مو كذا المزح
جواهر:وليه شايفتني امزح معك؟
راحت جواهر للمطبخ تكمل شغلها ناظرت الهنوف رزان وضحكت:يربييي شكل امي لما تعصب يخليني اضحك غصب
رزان جلست بالارض وهي تضحك:والله انك صادقة عصبيتها تضحكني
جا راشد وشافهم وهم يضحكون:اللهم سكنهم مساكنهم
رزان:رح غرفتك يلا قلدت صوته:اللهم سكنهم مساكنهم امش من هنا
ضحكت الهنوف:انا اول مرة اشوف وحدة تسوي كذا عيب رزان ذا اخوك الكبير
رزان:بلا كبير بلا بطيخ
ضحك راشد وراح للمطبخ شاف امه وهي تسوي حلا وجلس ياكل ناظرته جواهر بعصبية:للمعازيمممم
راشد ضحك:يمة وش فيك قطعة وحدة ما تضر
جواهر:الا تضر ويلا امش من قدامي
راشد:يمة
جواهر:هلا
راشد:ابي اخطب
جواهر:منجدك؟ من ذي الي تبيها؟
راشد:مرام
جواهر بصدمة:مرام بنت اخوي؟
راشد:ايوة
جواهر غمزت له:كنت حاط عينك عليها؟
راشد ضحك:احس نفسي اتكلم مع خويي يمة وش فيك
جواهر ضربته بالقدر:وشو خويك؟ الحين تبيها ولا لا؟
راشد تذكرها وابتسم:ابيها وببقى ابيها
جواهر:الله يا رشود
ـــــــــــــــــــــــــــــــــــــــــــ
عند الهنوف لبست فستانها وكان شوي ويجون المعازيم وحطت ميك اب خفيف دخل مشعل وانصدم من شكلها:تدرين انك تشبهين جواهر
الهنوف:امي اكيد اشبها
مشعل:الا بسألك
الهنوف:وشو
مشعل:من البنت الي جات لك بالمشفى
الهنوف غمزت له:تبيها؟
مشعل:بلا استهبال وش اسمها؟
الهنوف:اسمها ريما وش تبي فيها؟
مشعل طلع من غرفتها وناظرت فيه الهنوف:طيب يا خالو انا اعلمك
ناظرت بنفسها بالمراية وقالت:الله يالهنوف وش ذا الجمال
دخلت جواهر وناظرت الهنوف:ما شاء الله وشذا الزين
الهنوف:يمة احس الفستان اوفر شوي
جواهر:لا ماهو اوفر يجنن عليك ما شاء الله يلا انزلي تحت خالد ينطرك
الهنوف ارتبكت ونزلت للمجلس وشافت خالد جالس عالكوشة ابتسمت بتوتر وتقدمت له قام خالد لما شافها وباسها على راسها وجلسوا الحريم يزغرطون مسك يدها وجلسوا وكانوا مرة متوترين ناظرها خالد وهو يقول بقلبه(بتعذبني بجمالها ذي) ناظرت فيه الهنوف وشافته مركز معها ويناظرها وارتبكت ونزلت راسها ابتسم خالد بعدها الكل طلع وبقى خالد والهنوف والمصورة
المصورة:يلا يا عريس امسك خصرها وناظر فيها
الهنوف انصدمت وكانت تبي تتكلم لانها ما طلبت كذا قرب لها خالد وهمس:لاتخافين كم صورة بس
الهنوف بنفس همسه:لكن انا ما طلبت كذا
قال خالد بهدوء:الهنوف
الهنوف:طيب
تصوروا وكانت الهنوف تبي تروح لغرفتها وشافت امها
جواهر:على وين؟
الهنوف:لغرفتي خلصت الملكة
جواهر:اعرف لكن خالد يبي يشوفك شوفة شرعية
الهنوف بينها وبين نفسها(ويعع توني كنت معه وش يبي فيني):طيب
راحت لغرفتها وجلست تعدل الميك اب حقها وهي نفسها ماتدري ليه سوت كذا وبعدها رشت من عطرها المفضل ونزلت لخالد كان خالد جالس وسمع صوت الباب وناظرها:ادخلي
الهنوف دخلت وجلست بعيد عنه ضحك خالد:تراني ما بعضك تعالي اجلسي جنبي
قامت وجلست جنبه وقالت:تراني مغصوبة عليك لاتحسب إني جيتك برضاي
خالد تنهد بضيق:طيب؟
الهنوف:بنتزوج وبعدها بشهرين او ثلاث نتطلق ونقول لهم اننا ما تفاهمنا
كان وده يقول كيف اتركك لكنه قال:طيب الي تبينه بيصير وطلع من المجلس وهو متضايق
ــــــــــــــــــــــــــــــــــــــــــــــــــ
عند البنات كانوا جالسين ويحشون بالي رايح والي جاي
ريما:بنات شفتو ام فستان اصفر
ديم:يربييي شكلها ما اتخطى
الهام:يععع كريهة ذي
مرام:اتركونا من البنت تتوقعون الهنوف وش قالت لخالد
ديم:اكيد قالت له انها مغصوبة
ريما:ما اعتقد الهنوف تسويها
الهام:الا بتقول له كذا
جت صالحة ونادت الهام:الهام تعالي ابيك
الهام:طيب
راحت الهام لامها
صالحة:روحي لمجلس الرجال ونادي لي سعود
الهام:يمةة وانا احسب شي مهم طلع سعود
صالحة:انطمي وروحي ناديه لي دورته ولا لقيته
الهام ضحكت:طيب يمة
راحت الهام لمجلس الرجال وكان ما فيه احد وجلست تنادي سعود بصوت شبه مسموع عند فارس كان برا المجلس يدخن وسمع صوت ودخل وشاف الهام بكامل زينتها ولابسة فستان ناعم وجلس متصنم ناظرت فيه الهام وقالت:فارس ما شفت سعود؟
فارس:ها؟
الهام:سعود وينه؟
فارس:ما ادري بعدين انتِ ليه طالعة كذا؟
الهام:عادي مافي احد
فارس عصب:تستهبلييننن؟ وشو اللييي ما فيهه احدد
الهام انصدمت منه:كيفيي اسوي الي ابيه من انت عشان تقولي كذا
فارس مسك يدها وقال وهو معصب:الهاموه مرة ثانية اذا شفتك بذا اللبس يا ويلك
الهام بصوتها الناعم الي ذوب فارس:لا تصرخ علي انا ماني بزر عندك
فارس ترك يدها وطلع من البيت بكبره مسح على شعره وكان معرق ويحس نفسه يتنفس بصعوبة وقلبه يدق بسرعة وقبل لا يروح شاف خالد
خالد:ها فروس على وين؟
فارس:بروح البيت
خالد:لاتصير نفسية الحين بنجلس حنا والعيال
فارس:وين العيال ما اشوف بس انت
ابتسم خالد وقال فارس:انت وراشد للحينكم؟
اختفت ابتسامة خالد:ايوة
فارس ناظر فيه وغمز له:صاير تضحك كثير وخاصة اليوم
خالد:انطم بس
فارس:شفتها وضيعت لك علومك
خالد عصب:انقلع
فارس ضحك وراح لبيتهم وهو للحين يحس نفسه مو فاهم مشاعره
دخل خالد المجلس وشاف الكل متجمع وجلس جنب الهنوف ناظرت فيه الهنوف بصدمة وقالت بهمس:رح اجلس جنب ابوك
ابتسم خالد:ابيك انتِ ابي اجلس جنبك
الهنوف توترت وناظرت فيه وشافته للحين يناظرها ويبتسم ناظرهم عوض وقال بصوت سمعه الكل:شكل خالد والهنوف جازت لهم الفكرة
ناظرت الهنوف بخالها وابتسمت بتوتر وقرصت خالد
خالد صرخ:وش فيك
الهنوف وهي تمثل الابتسامة:اسكت فضحتنا
جلسوا كلهم يضحكون وقالت صالحة:من الحين مسيطرة كفو يا بنيتي
خالد بغيرة:من متى صارت بنتك ذي بنتي انا وبس
ناظرت فيه الهنوف بصدمة وابتسمت بخجل قام خالد وحاوطها بيده وكانت ما تبان من مثر ماهي صغيرة
جواهر بمزح:يمة بنتي وينها
ضحك خالد:ما عندك بس رزان الهنوف صارت لي
عند البنات ناظروهم وقالت مرام:يربيي شكلهم كيووتتت مرةة
راشد كان يسمعها وقال:والله انتِ الكيوت
مرام انصدمت:وش قلت؟
راشد:قلت ابي قهوة
مرام بغباء:طيب رح صب لك
راشد ضحك وقالت ديم وهي تهمس لمرام:قالك انتِ الكيوت
مرام:منجد؟ انا كيف ما سمعته
ديم:لانك حمارة
الهام:بهذي صدقتي يا ديم
مرام:يعني انا حمارة؟
ريما:لا مو انتِ الي جنبك
ضحكوا البنات وقالت مرام بزعل:طيب انا اعلمكم
عند مشعل كان يتأمل ريما مع كل حركة منها يتحرك شي بداخله يعرف انه حبها لكن كيف بذي السرعة حبها وتعلق فيها دقه راشد وقال وهو يضحك:تبيها وتعشقها بعد
مشعل:مو شغلك
راشد:طيب يا خالي العزيز
مشعل:مبين علي؟
راشد:اي مرة
مشعل:ياخي مدري وش اسوي المشكلة إني بعد كم يوم ارجع للخارج
راشد:طيب ليه ما علمتنا
مشعل وهو يناظرها:ما ابي اشغلكم
راشد:وشو ما تبي تشغلنا كم يوم وتروح؟
مشعل:بعد اسبوع
راشد:طيب وبترجع؟
مشعل:ارجع بعد ثلاثة شهور
راشد:كثييرر
مشعل:وش اسوي
راشد:صالح جيب لي موية
صالح:طيب
راح للمطبخ وشاف رزان تبكي وقال:وش فيك يالبزرة
رزان ببكي:ماني بزرة
صالح:ياليل الحين وش فيك؟
رزان:ما عطوني بان كيك قالت كذا وانفجرت بكى صالح فطس ضحك:من جدك؟ تبكين عشان اكل انتِ كبيرة وشو ذا
رزان:مالك دخل
صالح:طيب بس متى تخلصين بكى كمل كلامه وهو يضحك
رزان ببكي:بعلم راشد عليك يا حيوان
دخل راشد:كأني سمعت اسمي
رزان:تعال شوفه يضحك علي
راشد:عيب يا رزان تراك كبيرة
عند مرام سمعت صوت بالمطبخ وعرفت انه راشد دخلت وناظرت برزان:رزاني شفيك؟
راشد بينه وبين نفسه(ياليتني رزان)
ضمتها مرام وقالت رزان وهي تأشر على صالح:شوفي ذا يضحك علي
مرام ناظرت صالح:مو من جدك؟تراها صغيرة
صالح:مو صغيرة دلوعة
مرام:دلوعة بكيفها انت وش عليك منها؟بطل حركاتك ذي
صالح:طيب طيب
دخلت لطيفة وقالت:وشلونك يا راشد
راشد:بخير الحمدلله انتِ وشلونك
لطيفة:انا بخير دامني شفتك
ناظرتهم مرام وابتسمت وناظرت براشد ولقته للحين يناظرها نزلت راسها وهي مرة مستحية وتقول (كيف يناظرني كذا وامي معنا يربيي ذا ما يستحي)
ــــــــــــــــــــــــــــــــــــــــــــــــــ
عند وليد للحينه يدور الهنوف ويتمنى يشوفها راح اخذ له شقة عشان يرتاح وبعدها بيروح يدورها مدري وش سوت فيه من لما جا السعودية وشافها لخبطت حياته بعد كم ساعة قام ولبس ولقى بيتهم وهو كان واقف بعيد ويشوف بنات يركبون سيارة نفث سيجارته وقال بتنهيد:باخذك يالهنوف(ما كان يدري انها مخطوبة) راح لبيتهم وشاف الهنوف من بين البنات قرب لهم وقال:الهنوف
الهنوف عرفته وقالت بتوتر:هلا وليد
وليد:وش اخبارك
الهنوف:بخير وانت؟ كانت علامات استفهام عند البنات ما يعرفونه
طلع خالد لانه كان بيوصلهم للمول وشاف وليد وعرف انه نفس الولد الي كان يتكلم مع الهنوف يحس ان نار اشتعلت بصدره كيف يتكلم مع الهنوف قام وراح لوليد وعطاه بوكس وطيحه بالارض وهو يقول:يا حيوان من انت عشان تكلم زوجتي
صرخوا البنات ويبون يقومون خالد عن وليد لكن ما قدروا سمع فواز صراخ وراح يبي يشوف وش في وشاف خالد وهو متضارب مع واحد وراح له وقومه عن وليد وقال:خالد الله يهداك وش فيك
خالد:يتكلم مع زوجتي ذا الخسيس والله ما اخليه كان يبي يكمل على وليد لكن فواز مسكه:اذكر الله يا خالد ما يصلح تسوي كذا
قام وليد وانحاش خاف لا يقتله خالد
فواز ناظر ديم وعرف انها نفس البنت وهمس لخالد:من ذي ام العباية الزرقة
خالد ضربه:انا وين وانت وين
فواز:الحين قولي من هي
خالد ناظر ديم:ذي ديم بنت صديقة امي
فواز:طيب
خالد:شتبي ليه جيت؟
فواز:الحين انا جيت عشانك وتقولي كذا
ناظر فواز بديم ولقاها تناظره وقال بصوت سمعه الكل:شفيك يا حلو
ديم:قليل ادب قالت له كذا وركبت السيارة وناظرت خالد قبل لا تركب:يلا تعال وصلنا بنتأخر
فواز:انا اوصلك
ديم بعصبية:انت وش دخلك؟رح بيتكم وخلني بحالي
فواز ضحك وقال لخالد:يلا انا بروح وكلمني اذا تبي شي وغمز لديم وراح
ديم وهي تناظر خالد:شفته؟ والله اذا لقيته وسوى ذي الحركاتك بنتف شعره
ضحكوا البنات وقالت الهام:عاد انا اول مرة ادري ان فواز كذا جريء
ديم:حمار مو جريء
ضحكوا على ديم وبعدها راحوا المول شروا الي يبونه ورجعوا
ــــــــــــــــــــــــــــــــــــــــــــــــــــ
ثاني يوم خالد كان طالع من بيتهم وشاف وليد ومعه مسدس ضحك وقال:جايب لعبة معك؟
وليد:واذا صوبت عليك وطلع مو لعبة
خالد:تحسبني بخاف منك؟
قام وليد وضرب خالد وجت الطلقة بصدره طاح خالد ما قدر يتحكم بنفسه عند الهنوف سمعت ذا الصوت واخذت طرحتها وكانت تبي تشوف من الشباك وشافت خالد طايح بالارض وكله دم وطلعت تبي تروح له ولقت راشد بالحوش وبكت:راششدد خالدد
راشد:شفيك وش فيه خالد
الهنوف ببكي:خالد متصاوب وطايح
راشد انصدم وطلع لخالد وشافه طايح ركض له وحط راسه على رجله وقال:من سوا فيك كذا؟
خالد:يهمك؟
راشد:قم بوديك المشفى
قام وتكى على راشد
راشد:الهنوف جيبي مفتاح سيارتي
الهنوف وهي للحينها تبكي:طيب
ركبت ورا مع خالد وهي ماسكة مكان الاصابة ويدينها كلها دم راحوا المشفى و وصلوا نزلت الهنوف ونزلت خالد معها ناظر فيها وقال:اخاف اتكي عليك وينكسر لك عظم
ضحكت الهنوف وسط بكائها وقرب خالد ومسح دموعها:ليه البكى يا حياتي
راشد ناظر فيهم وقال:يا اخ خالد اترك عنك الرومانسية وامش بيسوون لك عملية
خالد ضحك ودخل لغرفة العمليات وبعدها حطوه بغرفة خاصة عشان يرتاح قامت الهنوف وجابت له موية:اشرب ذي موية دافية تفيدك
خالد:يا زين الي يخاف علي
استحت الهنوف ومن الخجل كبت الموية كلها عليه وضحك خالد:قلنا انك مستحية بس مو كذا
الهنوف وهي تمثل انها ما سمعته:اسفة والله بجيب لك ملابسك
خالد مسك يدها:كيف وانا ما جبت معي؟
الهنوف:جبت لك
خالد:منجد؟
الهنوف:ايوة
خالد بخبث:طيب من يبدل لي ملابسي ترا مكان الاصابة للحين يوجعني
الهنوف:لا عاد ذي انت تدبرها
ابستم خالد وهو يشوفها كيف خايفة عليه خاف انه في يوم يتركها او احد يغصبه يتركها تعلق فيها صار يعشقها ومجرد انه يتخيل بيوم يتركها يحس الدنيا تضيق عليه هي الي نورت حياته هي شفت له كل جرح فيه
ناظرت فيه الهنوف:وجهي فيه شي؟
خالد:لا بس انتِ مزيونة وش اسوي
ضحكت الهنوف وراحت تجيب له ملابسه وطلعت تنتظره يلبس وشافت صالحة والهام
صالحة:ها وش صار على خالد؟
الهنوف:بذي الغرفة
دخلت صالحة وهي ما كانت تدري وكمان الهنوف راح عن بالها انه جالس يلبس فتحت الباب وسكرته بسرعة صرخ خالد:يمةة تراني كبرت وش ذا
الهنوف مسكت ضحكتها:يووهه نسيت اقولكم انه يلبس
ضحكت الهام وناظرت وراها ولقت التوأم وحصة ومعهم فارس اختفت ابتسامتها وصدت ماتبي تشوف وجهه
حصة:ها وشلون خالد
ناظرت فيها الهام:بخير يا عمة
قامت ديم وريما معها ومسكوا وحدة اليمين والثانية اليسار ديم:شفيك؟
الهام:اسألي اخوك
ديم غمزت لها:وش سوا اخوي
الهام:ديم بلا مزح ترا مالي خلق
ريما:ديم شوفيها واضح انها معصبة
فتح باب الغرفة خالد وهو لابس البجامة بالمقلوب
ناظرت فيه الهنوف وضحكت:خالد بجامتك
دخلوا الغرفة كلهم وقال خالد وهو يناظر فيها:وش اسوي ما عندي احد يساعدني
صالحة:ليه ما ساعدتيه يالهنوف
الهنوف استحت مرة وجها قلب لونه احمر ناظرها خالد وابتسم وهو ماسك خدها:يمة شفيك على زوجتي تراها تستحي
الهنوف استحت بزيادة وبعد خالد عنها وراح ينسدح عالسرير وهو للحينه يناظرها
عند الهام كانت واقفة وسمعت صوت فارس وراها وهو يقول:اسف على ليلة امس
ناظرت فيه الهام:فارس سكر السالفة
فارس:طيب رضيتي ولا لا؟
الهام:لا
فارس ناظرها وابتسم عرف انها تتغلى عليه ونزل لمستواها:وش الي يرضيك
الهام:مافي شي يرضيني قالت كذا ودخلت للغرفة وجلست جنب ريما وديم
ديم:ما قلتيلي شفيكم انتِ وفارس
الهام:بعدين اقولكم
ريما وديم:طيب
جا مشعل لما درى بخالد دخل الغرفة وشاف ريما وهذا الي ما كان يبيه ما كان يبي يشوفها ويتعلق فيها اكثر
شافته الهنوف وضمته قدام خالد:خالوو
خالد:ابعدي عنه
مشعل ضحك:وشو تبعد عني ذي حبيبة خالها
ناظرت ريما بمشعل وقالت لالهام:من ذا؟
الهام:خال الهنوف
ريما:متزوج؟
الهام:لا ليه تبينه؟
ضربتها ريما:انطمي بس استغربت لانه حليوة ومعضل ودكتور ومو متزوج
الهام:حليوة اجل؟
ريما:خلاص يا الهام
الهام بضحك:طيب
ناظر مشعل بريما وقالت لالهام:يربيي ليكون سمعنا
الهام:لا ما سمعنا يناظر فيك
ريما:ليه؟
الهام:وتسألين بعد؟لانك صارووخخ يا بنت
ريما:منجد؟
الهام:ايوة يا مزة
ضحكت ريما وناظرت بمشعل الي للحينه يناظرها ابتسمت له وهي ما تدري ليه سوت كذا عند مشعل وهو يسأل نفسه ابتسمت لي؟ ناظرت فيني؟ دخل فارس وسلم على مشعل وجلس شوي قريب من الهام ناظرت الهام فيه وصدت وجلس يبتسم يحسها طفلة حركاتها تضحكه
عند خالد كانت الهنوف جنبه وقال:كيف تنادين مشعل كذا؟
الهنوف:ذا مو مشعل ذا خالو
خالد:فديت خالو انا
الهنوف استحت وناظر فيها خالد وابتسم انفتح الباب ودخلوا عوض وجواهر ومشاري ومرام وراشد
عوض:الحمدلله عالسلامة
خالد:الله يسلمك يبة
عوض:في شي يوجعك؟
ناظر خالد بالهنوف وقال:ايوة قلبي يعورني
الهنوف استحت وراحت وراحت لمرام
مرام غمزت لها:اشوف انكم تطورتوا
الهنوف:لا تطورنا ولا شي بس ولد عمك فيه جفاف عاطفي
ضحكت مرام وبعدها بشوي سمعوا صوت هواش وطلعوا صالح ورزان وهم يتهاوشون مين بيدخل اول طاح صالح وطاحت فوقه رزان قام صالح وهو يقول بمزح:يمةة وش ذا صايرة دبة من كثر الاكل كسرتي عظامي
مرام:صالح وش قلت لك؟
راشد:اخوك مصخها من امس وهو يتهاوش مع رزان
مرام:وانا وش دخلني
راشد بصوت عالي:كيف وش دخلك اخوككك ذااا
جلسوا يتهاوشون بصوت عالي صرخ سعود:خلااصصص انتو مو بزران
ضحكوا الكل عليه وقال راشد لمرام:اعذريني تحمست
ضحكت مرام:عادي ولا يهمك انا بعد تحمست
عند خالد انزعج مرة:انتو جايين تزورون مريض ولا تغثونه
عوض:لا مريض ولا شي
خالد ناظر بأمه:جوعان
صالحة:جبت لك اكل لكن اخذوه يقولون لازم ياكل اكلات صحية
قام سعود وعطى خالد برتقال:خذ اليوم تاكل بس ذا كمل كلامه بضحك
خالد:يمة ابي اكل
صالحة:من وين اجيب لك؟الهنوف تعال وكلي زوجك
الهنوف:طيب يا عمة
قامت وسوت له البرتقال وجلست تأكله ناظرها خالد وابتسم قالت الهنوف:صاير مجنون
خالد:انا؟
الهنوف:لا الجدار شرايك؟
ضحك خالد وجلس يتأملها عض اصبعها متعمد
الهنوف ضربته:يعورر خلودد شفيك
خالد فهى فيها:وش اسمي؟
الهنوف:خلود
خالد ابتسم وحط يده على قلبه:اخخ ما اتحمل ترا
الهنوف ضحكت وناظرها وهي تضحك وقال:ذي الي ضيعت علومي(يقصد غمازتها)
استحت الهنوف وقامت وقالت له:خلاص يا خلود اكلت كثير
ضحك خالد عند ديم كانت تبي تجيب لها قهوة او عصير او اي شي كانت تحس بكتمة فتحت الباب ولقت فواز قبالها وعصبت كانت تبي تروح تشرب لها شي عشان تروق لكن لما شافته عكر مزاجها
فواز ناظرها:شفتي؟ التقينا مرة ثانية هذا يعني بيننا نصيب
ديم:مجنون
فواز:اي والله مجنون فيك يا ديم
ديم:من وين عرفت اسمي؟
فواز:مو مهم
ديم عصبت وقال فواز:ابي اشوف خالد
ديم:ادخل ولا تطلع ما ابي اشوف خشتك
ضحك فواز ودخل يسلم على خالد
عند ديم نزلت تجيب لها شي تشربه مع ان مزاجها تعكر لكن قالت مستحيل اخلي واحد زيه يتحكم بمزاجي من هو عشان اسوي كذا بنفسي نزلت وجابت لها قهوة وكانت تبي تروح للغرفة وشافت دكتور جاي لعندها
الدكتور:انتِ قريبة خالد؟
ديم كانت نفسيتها فخشمها:ششتبيي؟
الدكتور:اففف اموت بالعصبيين
ديم:انقلع عن وجهي
شافهم فواز وهو طالع من الغرفة وراح و وقف جنب ديم ومسك يدها وناظر بالدكتور:شتبي من زوجتي؟
الدكتور:اسف ما كنت ادري انها زوجتك
راح الدكتور وديم سحبت يدها من يد فواز وقالت:استاذ فواز من متى انا اعرفك عشان اكون زوجتك؟
فواز:احلى استاذ فواز سمعتها عيدي تكفين
ديم:شايفنيي امزححح معككك؟؟
فواز:وش فيك لو انا مو هنا كان سوا فيك شي
ديم بعصبية:لا شكراً اعرف ادافع عن نفسي
فواز بمزح:تراني مسكين
ديم:الا سكين يا ويلك يا فواز اذا طلعت لي مرة ثانية بقتلك
فواز ناظر لعيونها:ما يحتاج انتِ قتلتيني بعيونك
ديم توترت ولا عرفت وش تقول ودخلت الغرفة وهي متوترة سبت نفسها وهي تقول افف يا ديم ليه سكتي له بيتمادى ذا الحيوان جلست جنت الهام
الهام:وش فيك؟ ليكون فواز؟
ديم بزعل:ايوة ما ادري وش اسوي له كل ما اروح مكان الاقيه قدامي تعبت منه وبنفس الوقت اخاف ما اشوفه مرة ثانية
الهام همست لها:تحبينه
ديم:مستحيللل
الهام:وتعشقينه بعد
ديم:الهاممم
ضحكت الهام على ديم وهي مو ناوية تعترف بحبها لفواز....................
انتهى البارت💗
YOU ARE READING
حتى عيوني واضح فيها غلاك
Romanceالقصة هذي عبارة عن اثنين اهلهم جبروهم على الزواج ومع الوقت تعلقو ببعض وصارو يعشقون بعض لكن فجأة اهلهم يفرقونهم«خالد والهنوف» الكاتبة:ايلاف محمد🇮🇶
