سجن العثمان

part 2

ما جاوبها من الالم بس يون بسبب جرح راسة

دخل الدكتور ورا ممرضة سوة شغلة وقبل لا يطلع كام عمي ليث يسأل عن حال ابنة
- دكتور شنو وضعة

- لا تشغل بالك بس يحتاج راحة لان الجرح جان عميق

- يحتاج مراقبة لو نطلعة

- لا بليل تكدرون تاخذو يجي دكتور ثاني يشرف عليّ عنده خفر..

هز راسة عمي و الدكتور طلع عمي آزاد كال لـ عساف
- كوم أخذ اخواتك رجعهم

هز راسة وطلع كدامنة اخذت ايد سوزان وطلعتها وياية
وصلنة لـ سيارتي تعبانة وما عندي اي حيل أسوق انطيتة السويج وكعدت ورا ..

وصلنة للبيت وصف سيارتي ودخل اخذ سويج سيارتة وطلع

دخلنة أجتي باجي نهلة تركض لـ سوزان
- سوزان شصار لاخوج

- صحى بس جرح كال الدكتور عميق

خلت ايدها على صدرها ونزلن دموعها
- ييمة أبني ما كالو شوكت يطلع

- بليل

كعدت باجي متوترة رغم مشاكلها ويا أمي
بس اشوف ماما مقهورة عليها وعلى حالها..

رحت نمت على التخم المغرب واجتي بيبي وجدي
دخلو للبيت جانو بين عمتي أم رغد
- ولج نهيله صدك أبنج بالعمليات

- اي عمة، الله ليوفق الجان السبب

تباوعلي وتحجي، بيبي شالت عكازتها وصاحت
- يااع نهله امتعينچ ما تدعين ربج يصير بخير شبيج گلبـج أسود

تجاهلتها باجي وطلعت من الصالة راحت لغرفتها
، كلت بيني وبين نفسي اكيد تريد تطلع سمها عليّ
اني شدخلني بالسالفة..

أجتي تقى كعدت يمي وخلت راسي بحضنها وهمست
- ما عرفتي شلون أنضرب

هزيت راسي بلا ودرت وجهي على بيبي كعدت وصاحت امي
- بلا آمر عليج هيفار جيبيلي القران على الكومدي

هزت راسها امي وراحت تجيبة وأنطته الها وبيبي طلعت الفوطة تلبسها صفنت عليها

بشرتها بيضة و شعرها الابيض مخلي شكلها أحلى..
رغم تجاعيد وجها والجفن بس واضح وضوح الشمس عيونها لونهم أزرق

كعدت تقراءة قران وجدي دخل لغرفتة أسمعة يتصل ويحجي ويا عمي آزاد...

مر الوقت وصار اليل أجو دخلو اركان للصالة ساندة
عساف يمشي بهدوء وكفت باجي نهلة وصاحت
- يمة أبني راح يموت

تقربت منة تبوس باركان وتحجي
- الله ليوفق الجان السبب يمة يروحي شعليك بالناس وتدافع الهم

همس بصوت تعبان
- يوم كافي

بعدت عنة باجي نهلة.. وعساف نومة على التخم رحت للمساعدات
- ام خالد بلا آمر عليج بس عصير برتقال لـ اركان