الدم المُعتق

part1

ايلان : انتِ هم محسوبة على الامهات الله ياخذج

اسيل : هاي الدموع كلها على مراد ههههههههاي

ايلان : خرا عليكم ما تهموني منج اله

اسيل : اي شبيج يا ماما قابل تعزي علية

ايلان : لو تدرين شكد اكرهج بس لو تدرين

اسيل : اكرهج عدال كرهج الية بس ابقى امج حبيبتج

ايلان : نهايتج بأيدي والله وحشة الاكول اسمة كبالج وتذكري كلامي

اسيل : طالعلج السان يحتاجلج تأديب بعيني

ايلان : اعلى مابخيلج اركبي ما تهزين شعرة مني يا قذرة

عفتها و مشيت طبيت للغرفة دموعي تجري على خدي سنين اتوسل بيها تطلعني من هاي القذارة و هي بكلمة وحدة تغير حياتي سنين اتوسل تكلي اني بتمن و اني بت حرام لو لا سنين و سنين اتوسل تخليني اداوم مدرسة حالي حال البنات الاشوفهم بالشارع بس هاي كلها ما سوتها كل عذابي و قهري و ضيمي من امي

مراد الوحيد الواكف بضهري و حاميني من الجلاب البهالمستنقع وهسة لافت علي حتى تستفرد بية

نمت وكعدت على اصوات الجهال كلها تتحضر حتى ياخذونهم يوزعوهم على التقاطعات و الشوارع كل واحد مكانه الي يجدي بي و احنه الاكبر منهم يا اما نمسح جام يا اما نبيع مي و علج و اذا صحتلنا الفرصة نجدي هم حالنا حالهم كمت لبست قمصلتي و عدلت شعري و نزلت وياهم للطارمة التجمع هنا غسلت وجهي بالحنفية و رحت يم المجاميع صار مقابيلي مراد درت وجهي عنه

_ صباحو

ايلان : صباح النور عليمن فرحانه من صباحية الله ترا مطلعيج تجدين مو ماخذيج سفرة

_ هههه اهم شي ما ابقى مكابلة سحر و امج و حبايبهن الكح**'

ايلان : هم صدك يلة امشي

_ مشيت اكلج متزاعلين انتِ و مراد

ايلان : جمان راح ادوسج انتِ ويا مالي خلكج من صباحية سدي نعالج و امشي

جمان : مشيت مشيت وكبر الج و للتسألج

راحت قبلي صعدت بالكية واني وراها ردت اصعد و جرني مراد من ايدي خزرته ما هدني سحبني على جهة

مراد : عيونج لا اعميهن

ايلان : لا تلزمنييييي الف مرة اكلك انت قذر لا تلزمني