الدم المُعتق

part1

_ مراد انت جنت وياها ؟

ركز نضراته علية صافن شوية و هز راسة بلا

_ لتجذب كول انت ما اريد اخلي الجكارة بحلكي اذا انت تلعب روحي

مراد : مو اني

_ لعد منو

مراد : ما ادري عوفيها و اخذي نفس يلة

هزيت راسي و خليتها بحلكي اخذ نفس منها اني ادخن وهو العلمني هالشي اخذها من عندي ياخذ نفس و يرجعليها دا تخلث و طلعت هي من الباب ياوعتلنا و اشرتله

- تعال يلة حميتلك الماي

فتحت عيوني بقوة و باوعتله بنضرة عتب شمرت الجكارة و رحت اركض للحنفية اغسل بحلكي و ابجي ما كدرت اتحمل و رجعت اتقيأ من جديد و هو وراي يلم شعري و يمسح على ضهري اني روحي رايحة اريدة يبتعد مني هو كل ما يطخني اني نفسي تكلب التفتت علي و دفعته بقوة وعطت بوجهاا

_ ابتعددددددد عنيييييي راححححح اموت الله ياخذكككك روحي تلعب تتقرب مني شكووووو مو سألتك سألتككك ليش تسوي هيج بيةةةةةةةةليششششش

مراد : يلة كافي ما الزمج غسلي وجهج و طبي

عافني وراح يدخل للبيت تقدمت هي علية متخصرة و واكفة يمي

- شبيج لجج ليش تصيحين علي

_ خرا عليج ابتعدي من يمي شبيكم اليوم تريدون تموتوني جاي اكللكم ابتعدوووو منييييي وخريييي

دفعتها رجعت علية لزمتني من شعري مد راسة هو من الباب عاط بيها قبل ما تحجي

مراد : اسيللللللللل ايدججج راح تنكسر هديها و وخري من يمهااااا بسرعة

هدت شعري و راحت علي تدردم علية وتغلط وصلت يمة لزمها من شعرها عتها شمرها بالغرفة و رجع طلع وكف مسافة عني

مراد : كومي ايلان

ايلان : شتريدددددد بشنو مضايقتك كعدتي هنا كتلك اختنكتتت و طلعتتتت

مراد : ميخالف اخذتي هوا كومي ردي لغرفتج

ايلان : الله ياخذك يا نذل تدري شكد اكرهك

مراد : عليمن تخبلتي و انا لخاطرج رحتلها

ايلان : ناركم تاكل حطبكم امداك انت وياها ما تهموني بس من تسوي هذا القرف لا تتقرب منيييي لا تتقرببببببب جاي تموتني

مراد : خلصتي يلة كومي ولي لغرفتج

نزلت دموعي مسحتهن بقوة و رحت طبيت مريت من يم الغرفة جان واكفة بالباب و تباوعلي بتشفي و ضحكة استهزاء مرسومة بوجها باوعتلها بقرف و تفلت بالكاع يمها