Winter Flower

Chapter 1

5:30 a.m

Ka alarm chu a rawn ri ral ral a, rang zetin ka off a mut leh mai ka tum. Mahse lawkin vawiin hi ka college tan ni tur ani!!! Engtin nge ka theihnghilh theih zawkk. Khum atang chuan ka in perh tho nghal a, ei rawng bawl turin choka lam ka pan nghal. Ka buai vek hi ani tawp. Ka hmanhmawh bawk a chaw ei chu ka peih nghal vat. Ka U ka va kaithova, alo tho ve nghal mai. Chaw chu kan ei a, chaw eikham chuan ka tifel leh sawk sawk a, intifai turin bathroom ah ka lut nghal zat. Bathroom atanga ka chhuah chuan eng kawr nge ka hak ang awwwww.... tiin ka in ngaihtuah buai leh rih. Ka U bathroom lut tur chu ko leh in ka hak tur min ngaihtuah pui turin ka ti a,min lo hre thiam hle in min thlanpui ve nghal sawk sawk.

College chu ka thleng ta a, room ka zawng buai viau mai. US ah highschool ka zawh hnuin Mizoram lamah ka u bulah college zawm leh tum ka ni a, naupan tet atang Mizoram ah ka awm ngai silova ka bo dawn lek lek. Rei fe hnuah ka class tur chu ka hmu ta, a hmasa ber ah chuan ka thu a, midang chu an thian te nen an inbia a, an nui a, an hlim hmel kher mai. Tumah hmelhriat ka nei ve bawk silo, thian siam ka harsat thin bawk si, mahse mahni a awm chu ka tihthan loh pawh a ni chuang lo.

Ka hming chu Carmellia Malsawmzeli ania, kum 19 ka ni ve tawh.  Unau pahnih kan ni a, Ka u chiah hi Lawyer niin Aizawl ah a awm a, ka nu leh pate erawh hna avangin US lamah an la awm thung. Ka u hi nula senior lam tawh ani a, a buai thin bawk nen in lama lo pui turin min dah ani tawp mai, mahse a pawi ka ti lo zawk. Lehkha thiam thei leh rilru chak deuh mai hi ka nia, kan class ah pawh topper ka ni ngei2 thin, ka chhungte hian lehkha ka zir nasa lutuk hi min hau thin hial a, mahse ka ngaithla ngai em em chuang lo. Thian leh len khawthawn vel hi ka buaipui ve lem lo va, lehkha ka zir tih loh vah chuan Kdrama en leh thawnthu bu chhiar hi ka tih ve leh chu ani mai. Ka chhungte pawh hian thian kawm a, leng tam ve deuh tur te hian minti thin nghe2. Mahse ka peih hlawl lo ani ber.

"A thut theih em? " ti ri avang chuan ka ngaihtuah na atang chuan ka harh zawk mai. Ka hawi chho chu mipa 2 hi an lo nia, hnung lam ka hawi zet a, an lo thu khat vek tawh tih ka hmuh chuan hrechhuak zawk in "Aw theih lutuk e" ka ti nghal sawk sawk. An lo thu ve mai bawk a. Biak pawh kan inbiak zawm lem lo, an thian dun chuan an inbe ru sur2 a, engtin nge thian ka siam ve ang aw tih te kalo ngaihtuah mai2. Chutih lai tak chuan Professor alo lut a, Introduction leh roll call a neih hnuah a chhuak leh nghal a. Class atang chuan chhuak in campus te chu ka fang vel mai mai a. Next period chu Botany period ani dawn a, classroom lam panin ka kal leh. Class ka thlen chuan tlar hmasa ber ah chuan ka thu nghal a. Earphone vuah a kalo tukverh lam ka hawi lai chuan ka dar ah hian minlo khawih a, ka hawi let chu nichin lawka ka bula thu te zinga pakhat zawk hi alo nia. Earphone chu ka pawtthla a, "Ka lo thu ve" atia, ka lo bu sawk sawk. "Khawnge i thianpa kha" biak loh tawp aiah ka ti a. "Maths a core a ani chu" alo ti ve mai bawk. Biak tur dang awmlo ta chu hming te kan in hrilh a, Brandon Lalhmingsanga ania, a fel reuh phian, a tawng duh ve hle. Kan subject lak alo inang vek a, Botany kan core a, physics minor ah kan la ve ve bawk, a thianpa pawh khan physics chu minor ah la in Maths a core ve thung. Hmelhriat dang a neih bikloh avangin kan inkawm ve deuh chawt a. Class zawh ah chuan 1st day na te anih avangin kan bang hma a.

In ka thlen chuan eitur noodles vel ka lei te chu siamin k drama ka en pah a, ka lo la mutthluk san daih zui. Dar 4:30 pm velah ka harh hlawl a, zanriah tur rawng ka bawl nghal sawk sawk, a ei tur kan tam lem loh avangin ka bawl zo hma ang reng hle. Ka u lo haw nghak pah deuhvin ka intifai a, ka chhuah leh chuan ka u pawh alo thleng ve chiah a. A intih fai ve hnuah chaw kan ei a, chaw ei lai chuan college chungchang te chu min zawt a, ka vawiin hun hman dan te chu kalo hrilh ve sawk2. Lehkha zir ringawt buaipui lo tur leh inti hlim a, thawveng taka awm turin min hrilh pah bawk. Topper ka ni thin ka tih tawh kha, ka chhungte hian eng pressure mah min pe in, zir nasa turin min tur ngailo, mahse hlim taka ka marks vanga ka chhungte lawm hmel hmuh ka duh thin. An lawm reng bawk a mahse keimahah ka duh ang marks ka hmuh loh chang te hian ka chhungte chu lungawi lo tur leh ka laka thinrim tur angin ka ngai thin a, depression ka insiam ta thin a. Mahse chutiang chu ka chhungte rilru ani hauh lo thung. Anni chuan ka thiltih engkimah an lungawi vek a, ka hlimna a pawimawh ber thu min hrilh thin. Mahse lehkha zir ka peihna erawh ala ngai reng thung.

"Enge i ngaihtuah vung2 zel a" ka u in alo tih chuan ka harh chhuak zawk a, ka nuih tlawn ta vel tawp. "Thil ngaihtuah vung2 zel suh ka tih thin kha, ka biakna che pawh engmah i hrelo anih kha" lungawi lo zet chuan a ti a. Hei vang te hi ania thian pawh ka neih ngai loh. Ka naupan lai khan best friend ka nei thin a. A hming chu Emily ani, tudang mah kan ngai lo va kan in kawm chawt mai ani. Keimah min hrethiam bertu leh ka nihna ang ang a min kawm duhtu awmchhun niin ka hre thin. Mahse vanduai thlak tak maiin Class 8 kan nih laiin thluak cancer vangin min boral san a, ka tuar thiam lo hle a, kha ta tang khan tumah hi best friend tia koh tur ka nei leh tawh lo. Ka mumang ah te hian ka hmu fova, kan lo inkawm thin a, mahse ka harh chhuah dawn lamah hian "Carmellia, hetianga khawhar taka hun hmang reng lo hian inti hlim la, thian tam tak nei la, nuam tak leh thawveng takin I damlai ni tehi hmang ta che" tiin min hrilh ziah thin. Ni e, keipoh in chu chu ka tum ve tho mahse tumah hian mi pangngai tak hmuh hian min hmulo va, 'ani chu topper ania, a nerd lutuk a rilru ah lehkha zir chiah a awm' ti te in ka hnung lamah min sawi thin. Ka u bulah tumah min hmelhriat Tu an awmloh na ah nun bul tan tha turin ka awm ta ti ila a dik tho vang. Mahse ka tum ang hian ka awm thei ngawt ang em... Ka hre tawh biklo le..

End of chapter 1