غيد: هسه ارتاحي حتى العصر اوديج لمجان تحبينه جنتي
زينه: ماشي
كعدت بمكاني اتأمل الغرفه شكد حلوه تفاصيلها معقوله صدك هاي اني مسويتها لو غيري اذا جنت اني او غيري فكلش ذويقه شفت صوره صغيره على الميز جريت العكازه وكمت امشي على كيفي وصلت للميز سحبت الصوره تشبهني هواي لدرجة بديت اصدك هاي اني رجعت لفراشي اذا هاي اني لعد الي باعني منو ليش جذب عليه احتاريت هواي تعبت من التفكير ياريت لو صدك اني الي بالصوره وترجعلي ذاكرتي وافتك بس شنو الفايده كلش خايفه منهم نظرات البعض مخيفه ومو طبيعيه .
العلاج كلش تعبني من اخذه اظل انعس وكل شويه انام بعدما نمت فزيت على لمسات بوجهي وشعري فتحت عيني وباوعت هاي مسار كاعده يمي وتسولف بهمس مافهمت كلامها بس معناه انها فرحانه برجعتي ابتسمت لا إرادي من هالموقف جنت اتمنى امي عايشه حتى انام بحضنها وتلعب بشعري وتأخذ كل تعب بيه ، من شافتني كعدت كالت
مسار : كعدتج يمه؟
زينه: لاا
مسار: خوش چا كومي وياي حتى تتغدين
زينه: ماريد ماشتهي
مسار: ليش يمه مو سويتلج برياني جنتي تحبينه
زينه: برياني؟؟
مسار: اي يمه
صفنت عليها شحب منه هو اني ماكلته مره وحده بحياتي ابويه جان يسوي بس طماطه وبيض لو اصلا مايجيب وابقى بدون اكل وعليا جانت تدز كله جاهز ومره وحده من البنات الي اجو جانت تعرف تطبخ سوتلنا برياني ، المهم هزيتلها راسي وكلت
زينه : وين غيد ؟
مسار: تردين غيد يمه؟
زينه: اي
مسار: هسه اصيحنها الج
راحت طلعت برا وصاحت غيد ورجعت يمي كالت
مسار: اجتج يمه
فعلا ثواني واجت غيد دخلت وهي تمسح ايدها بملابسها من المي
غيد : ها عيوني رايدتني؟
مسار: اي بنيتي رادتج مثل كبل جانت ماترضى انه اداريها تكول صيحيلي غيد
غيد: اذا تريدن عيوني اشلعهن الها صدك جذب
كومتني غيد نفس الشي هم حطتلي شال على راسي وكالت
غيد: ماكو زلمه بالبيت بس اخاف يرد واحد منهم
طلعنا ودتنا للمطبخ جانن النسوان كاعدات يسون زلاطه منال وأسماء وهناء كاعده على صفحه لازمه موبايلها وكاعده ولا يمها صبن غده وكعدنا ناكل وغيد كامت عزلت اكل على صفحه وكالت لمنال
غيد: منال خابرتي رائد يدز احد ياخذ الاكل ؟
منال: اي دزيتله رساله
غيد: خوش
كعدن يسولفن يخططن يرحن للسوك ويتسوكن نواقص وبعد هواي سولفن خلصنا اكل جان كلش طيب ، كامت اسماء سوت جاي والبنات لمن المواعين وغسلنها اندك باب البيت وطلعت غيد ودت الاكل للولد رجعن نظفن البيت وكملن راحت غيد سبحت وبدلت واجتني
غيد: تعالي اخذج لمجان تحبينه
زينه : وين؟
غيد: تعالي وتشوفين
اخذتني طلعنا من البيت ودتني لحديقه ورا البيت وكفنا وكالت
غيد: جنتي تحبين هاي الحديقه ٢٤ ساعه تلعبين هنا حتى مره جان يوم ميلادج ال 15 عود ردنا نحتفل بيج دكيتي الا هنا بالحديقه حتى بجيتي عاد من شفناج قفلتي صدك سوينالج هنا
لحظه عيد ميلادي ال15؟؟ يعني قبل سنتين واني قبل سنتين ماجنت يمهم وهبه الي يحجون عنها مو اني
زينه: قبل ما اختفي بشكد جان هاليوم؟
غيد: بسنتين كبل ماتختفين بسنتين
هسه تأكدت معناها هبه هسه عمرها 21 واني عمري 17 ضجت مدري ليش داعيش حياة شخص ثاني ياترى شلون جانت حياتها وهي وين هسه معقوله ميته لو عايشه ياترى وين عايشه .
رحنا كعدنا على صفحه ساكتات نتأمل ونفكر غيد واضح عليها مهمومه وضايجه خطر على بالي سؤال وكلتلها
زينه: غيد لعد اهلج وين؟
غيد: اهلي متوفين
زينه: هاا الله يرحمهم اني اسفه
غيد: لا عادي من جنت صغيره ابوي استشهد بعدها امي تمرضت وتوفت ، الله يرحمهم
زينه: يعني هسه انتي وحيده؟
غيد: لا عندي الي ماخلاني احس بغياب ابوي ولا امي الي يخاف علي مثل الماي بالصينيه يخاف علي من النسمه
زينه : منو هو ووينه؟
قاطعنا صوت هوسه صارت داخل البيت كمنا نشوف شكو دندخل وصار بوجهنا رجال يشبه رائد حتى نفس الهيئه وشعره مخربط وتعبان ويلهث عبالك جان يركض باوع علي بدهشه ونزلت دمعته ونزل كاعد عالارض لزم كلبه بيده وكال بنبره مخنوكه وصوته بي رجفه
_ ولكم عينوني راح حيلييي....
يتبع.....
《《《《《《《《《《《《《《《《《《《《《《《《《《《《《《《《《《《
يممه الحماااس ❤️🔥❤️🔥❤️🔥
توقعاتكم ؟
اللهم صل على محمد وآل محمد 💜
الحمدلله. 🖤
YOU ARE READING
"البياض الجاثم"
Romanceفي قلب البياض الجاثم تغرق الأنفاس والروح بين الضباب تبحث عن الإحساس الظلال تلاحقنا والمدى يغشي العيون وفي أعماق الفراغ لا نجد إلا الجنون.
Part 2
Start from the beginning
