زينه: تفضل؟
انفتح الباب ودخلت غيد مبتسمه وكالت
غيد: صباح الخير
زينه: صباح النور
غيد: شبعتي نوم؟
زينه: اي
غيد: اجيت اساعدنج حتى تغسلين وتغيرين هدومج لان الكل منتظرج عالريوك
زينه: احس ماكدر اكعد وياكم
غيد: شني هاي ترا انتظرناج 5 سنين وماتجين تكابلينا
زينه: لا مو هيج بس استحي
غيد : كومي كدامي يلااا
اجت ساعدتني وكمت جايبيلي عكازات امشي عليهن اخذتني للحمام الي داخل الغرفه غسلتلي وطلعتني بدلت وحطت شال على راسي واخذتني برا جانو حاطين طاوله شكبرها وكلهم كاعدين حولها ومترأس الطاوله رائد كاعد ومعصب عاكد حاجبه ويباوعلي لحد ماكعدت كلش خفت منه شكله يخوف
زينه: صباح الخير
الكل: صباح الخير
رائد: شلون صرتي ؟
زينه: الحمدلله احسن
زيد: عااا والله وكت هبه ردت وكاعده ويانه!!
مسار: الف الحمدلله والشكر
غيد: اي والله الحمدلله والشكر
رائد: زيد
زيد: يبعد روحي؟
رائد: انجب واكرمنا بسكوتك
زيد: تدلل يالغالي
رائد: يلا بسم الله
الكل بدأ ياكل واني ابد ما اشتهي حاسه بغربه وأريد بس اختفي عن عيونهم بس وين اروح طاح الفاس بالراس امي كامت تسويلي لفات وتنطيني غصب اكلت وعيني على رائد وارجف من الخوف نظراته ابد مو طبيعيه دار وجهه على زيدان وصاح
رائد: قندره انت ليش متلاغي ويه الزلمه امس ؟
زيدان: اول شي احترم نفسك ولاتكول قندره ثاني شي يستاهل هو العال بيه
رائد: ايباااخ ياهو يعلمني الاحترام؟ انت ابو الشوارع؟
زيدان: ترا عيب عليك
رائد: اي عيب علي ، بله كلي شسوالك وعال بيك؟
زيدان: چا شني يروح يكل لإبراهيم ترا زيدان باع الالنترا لابو حسن لان سمع بيك رايدها واجاني ابراهيم يسب ويغلط كضيته وكتلته
رائد: وانت كدرتك بس على ماهر؟ صدك لو كالو ابوي ماكادر بس على امي
زيدان ضاج وكام من مكانه وراح ورائد ظل يسب ويغلط عليه وامه ماراضيه وتدردم
رائد: تظل قندره ابن قندره والله ماتصيرلك چاره الزعطووط الخنيث عود زعل وعاف الاكل
هناء: لعد من تصيحون وتغلطون عليه زعطوط هو؟ حقه يزعل
YOU ARE READING
"البياض الجاثم"
Romanceفي قلب البياض الجاثم تغرق الأنفاس والروح بين الضباب تبحث عن الإحساس الظلال تلاحقنا والمدى يغشي العيون وفي أعماق الفراغ لا نجد إلا الجنون.
Part 2
Start from the beginning
