غيد: اي من نروح راح تشوفينهم
زينه: شوكت يطلعوني
غيد: الدكتور كال بالليل يعني بعد شوي
زينه: اريد انام
غيد: نامي يابعدي نامي
بقت يمي لحدما نمت وفزيت من حسيت احد شالني فتحت عيني اباوع هذا الرجال الي علساس اخويه شالني وخلاني عالكرسي وصار يمشيني والمره الي هي امي تمشي بصفه وتبجي والباقين ورانا طلعنا من المستشفى واني ادعي ربي ان مايخيب ظني بهالقرار صعدوني بسياره اني وامي واخويه وغيد ويانه والباقين بغير سياره مشت السياره والكل ساكت مامرتاحه ماعرف ليش
وصلنا يم بيت كلش جبير وكف السياره ونزل طلع الكرسي من الصندوق ورجع نزلني عالكرسي وصار يمشيني احسه يسويها من ورا خشمه ماهتميت دخلنا للبيت مبهورة بحجمه وجماله واتلفت اباوع بالوجوه فرحانين بجيتي او رجعة بنتهم
سلمو عليه واحد واحد واني ردي ابتسامه لا أكثر
منال : حبيبتي ياروح اختج اني منال تتذكريني ؟
زينه: لا
زيد: ها يابنت العم اكيد تذكريني انه ،انه ياهو؟
زينه: ماتذكر
مسار : كافي عوفوها ماتذكر شي الدكتور مايرضى نضغط عليها
غيد: اي ياعمه خلني اودنها لغرفتها تريح
مسار: اي حبيبه انه اجي وياج
تعرفت عليهم كلهم اختي منال واخوي رائد وامي مسار وبنت عمي غيد وولد عمي زيد وزيدان واختهم نارين وزوجات عمي معن ابو زيد وزيدان اسماء وهناء
اخذتني امي للغرفه الي علساس غرفتي رحت وياها واجت غيد ويانه احس ارتاح من غيد وياي دخلني للغرفه اباوعلها نظيفه وريحتها حلوه خلوني عالسرير وكعدت امي يمي لزمت ايدي وطبطبت عليها بحنيه وكالت
مسار: من يوم الرحتي كالولي بنيتج ماتت وانه اكللهم ماماتت وراح تردلي ويضحكون علي عبالهم تسودنت بس والله مو مسودنه انه احسن احسنج عايشه بس بعيده، مانظفت غرفتج ولا خليت ابنادم يكرب صوبها حتى ماتروح ريحتج وما انساها
انقهرت عليها كلش وحسيت بشعور غريب حسيت اريد انام بحضنها من كد ماحنونه واني مفتقده هالحنان بحياتي حاربت دمعتي حتى ماتنزل واضعف كدامها ، الي نقذني من الموقف صوت صياح برا الغرفه كان شخص ديتعارك فزيت خايفه وهي لزمتني
مسار: اسم الله بنيتي اسم الله الرحمن لاتخافين هذا رائد اخوج يصيح عليهم علمود الشغل لاتخافين يارويحتي
هزيت راسي اي وهي كامت وكالت
مسار: انه راح اروحن اذا احتاجيتي شي بس خابريني
طلعت وسدت الباب خليت راسي عالمخده غارقه بافكاري الي سويته صح لو غلطانه اني داستغل ام فاقده بنتها كثرن اغلاطي هواي بس الله ربي يغفرلي نمت هالليله ضميري مامرتاح .
كعدت ثاني يوم على صوت طرقات الباب
YOU ARE READING
"البياض الجاثم"
Romanceفي قلب البياض الجاثم تغرق الأنفاس والروح بين الضباب تبحث عن الإحساس الظلال تلاحقنا والمدى يغشي العيون وفي أعماق الفراغ لا نجد إلا الجنون.
Part 2
Start from the beginning
