زينه: زين اني شنو بيه هسه؟
الدكتور : كسر برجلج اليسار ورضوض بايدج وان شاء لله مابيج غير العافيه
زينه: شكرا دكتور
الدكتور: عفوا واجبي
حجاها وطلع وبقيت بحيره لا اكدر انهزم واخلص ولا اكدر اتقبل موضوع هالناس ولا حتى اكدر ابقى بالمستشفى اخاف يلكوني بعد تفكير وفتره طويله صار الليل ودخلت الممرضه تتطمن عن حالتي
زينه: ممكن سؤال؟
الممرضه: اكيد اسألي
زينه: الناس اقصد اهلي بعدهم هنا؟
الممرضه: طبعاا كاعدين برا ابد ماقبلو يرحون
زينه: عادي تصيحين احد منهم بس اريد مره
الممرضه: طبعا ثواني واصيحهم
زينه: تسلمين
راحت شويه ورجعت دخلت ويه بنيه شابه وكلش حلوه عيونها كبار وواسعه وطويله ورشيقه دخلت مبتسمه وعينها مدمعه تقربت مني وحجت
_ مجاي اصدك رديتيلنا
زينه: انتي منو؟
_ انه رفيجة عمرج الي جنتي ماتفاركينها
زينه: جنت؟
غيد: اي انه غيد بنت عمج جنا مانتفارك ودوم سويه من انفكدتي تدمرت وظليت وحيده
زينه: اني شلون انفقدت؟
غيد: من صار الانفجار مالكيناج بعد شكد دورنا بس مالكينالج اي اثر
زينه: شوكت صار الانفجار؟
غيد: من زمان هواي يمكن كضن 5 سنين بس جنها عمر
مادري ليش ارتاحيتلها بس اكو شي بداخلي رافض يصدك هالقصة بس اتخذت قراري راح اروح وياهم واكون بنتهم حتى لو جنت مو بنتهم اريد اخذ فرصتي بالحياة
زينه: سولفيلي بعد عن حياتي قبل
غيد: جنتي حيل طيبه وحلوه ومرحه تحبين اللعب هواي وتضوجين من الدراسه ومن جنا نلعب لازم تلعبين وياه واذا هو ماكو تبطلين وتبجين حد مايجي يلا تردلج ضحكتج
زينه: منو هو ؟
غيد: من تشوفينه تعرفينه هو مايدري هسه ولو درى يجي ركض ، هبه الي طيفها مايفاركه
واسمها مايوكع من شفته
سكتت مستغربه عن منو تحجي وشلون اعرفه اذا هم ماعرفتهم يمكن تقصد ابوها لهبه الي هي اني حسب مايكولون صفنت عليها افكر شديصير ؟
زينه: غيد
غيد: كولي يابعد اهلي
زينه: احجيلي عنكم مداعرفكم
غيد: من عيوني ، احنا عايله جبيره كلش ومن نرجع للبيت راح تتعرفين عليهم كلهم
زينه: عايشين سوه؟
YOU ARE READING
"البياض الجاثم"
Romanceفي قلب البياض الجاثم تغرق الأنفاس والروح بين الضباب تبحث عن الإحساس الظلال تلاحقنا والمدى يغشي العيون وفي أعماق الفراغ لا نجد إلا الجنون.
Part 2
Start from the beginning
