_ كافي ولج لاتتعبين امي الي جاي تكوله صحيح وهاي تحاليل الDNA موجوده
زينه: شتحجون انتوو؟!! داكللكم امي متوفيه وماعندي اخوه عندي بس اب !!!
_ چا وينه ابوج ؟
زينه: انت معليك
_ سولفي عدل لا اكص لسانج انه اخوج
زينه: انتو شبيكم اكيد مخربطين بيني وبين بنتكم
_ انتي بنتنا هبه الي فقدناها
زينه: هبه منو؟؟ اني اسمي زينه
_ شوفي التحاليل
زينه: خاف غلطانين؟
شفت التحاليل مطابقه بس مستحيل شنو هبه شنو هم اهلي شنو فاقديها وين جانو طول هالمده راسي وجعني وتعبت اريد بس انام
زينه : اريد انام عوفوني
بعد اصرار مني وتدخل الممرضه يلا طلعو وعافوني تعبت من التفكير ونمت لان ماكدر اصدك هالموضوع ميدخل عقلي نمت وغفيت حسيت بصوت شخص يسولف وياي فتحت عيني شفت وحده واكفه فوك راسي ماكدر اشوف ملامحها بس واكفه تحجي بصوت هادئ ومريح ركزت بيها دترتل آيات وتمسح على شعري حسيت نفسي ارتاحيت وابتسمت بعدين صارت تحجي وتكول
_ روحي وياهم حتى لو جنتي مو بنتهم روحي شوفي وجربي حياتج هناك يمكن عوضج هناك اسمعي مني وروحي .
فتحت عيوني ومبتسمه أدركت ان هذا حلم مو حقيقه بس تأثيره قوي عليه حسيت براحه مو طبيعيه وفكرت بكلامها يمكن صدك فرصتي هناك ليش ما اجرب ؟ بس خفت خفت اجرب واندم خفت يطلعون اسوء من عليا ووسام خفت يكونون جذابين حطيت هواي احتمالات وفكرت هواي
بس تذكرت شي جنت ناسيته من الهوسه الي صارت دخل الدكتور ابتسم لي وكال
الدكتور: شلونج اليوم؟
زينه: اني زينه دكتور بس
الدكتور: الجنين؟
زينه: اي ؟
الدكتور: اني اسف الله يعوضج
زينه: شنو يعني ؟؟
الدكتور: ماكدرت انقذه
ضجت واختنكت صح جان ممكن يكون عثره بحياتي واني بعمر صغير بس مادري حبيته وعالاقل جان عندي امل اكو شخص من دمي ولحمي بهالدنيا مايعوفني بس هذا قدري وحظي
الدكتور: انتي متزوجه صح ؟
صفنت على سؤاله شنو اجاوبه دنكت راسي متجاهله الرد عليه وهو منتظر جوابي بس ايس وكال
الدكتور : على كل حال اني مانطيت خبر لاهلج عن الجنين اذا تحبين انتي احجيلهم
زينه: دكتور
الدكتور: نعم؟
زينه: هم صدك اهلي؟
الدكتور: والله التحاليل تكول اي اهلج
YOU ARE READING
"البياض الجاثم"
Romanceفي قلب البياض الجاثم تغرق الأنفاس والروح بين الضباب تبحث عن الإحساس الظلال تلاحقنا والمدى يغشي العيون وفي أعماق الفراغ لا نجد إلا الجنون.
Part 2
Start from the beginning
