سما: باوع عليه خالد بنطرة
خالد: سما منيلج جهاز؟
سما: نور اشترته الي ماعندي احد بس رقمها ورقم منذر
خالد: لازم نحن مانشرفج بس هما ومخليه بس ارقامهم
سما: لا ليش متشرفوني بس ماعندي ارقامكم
خالد: بعد باجر تصادقين وتحبين ومادري شسوين ونحن مانعرف اهمشي منذر ونور يعرفون مو كومي جيبي جهازج اشوفه ياويلج لو تأخرتي لحظة وحدة
سما: متت خوف من كلام خالد واجّه بالي كلام عقلي نشف الدم بيه من الخوف حتى بعد ماعرف شون اكوم وامشي بس شفت شمس على درج
صعدت قبلي وصعدت وراها بسرعه فتحت الجهاز مادري شون حذفت الرقم ونزلت انطيته هو ضل يتصفح ويشوف وشمره عليه وراح
ريحانة: بس شفت سما صعدت عيب خالد قابل هي صغيرة وتفتش جهازها
خالد: شعليج انتِ بكيفي اختِ وداشوف جهازها
ريحانة: لا والله تريد تسوي بيها عقدة نفسية مثل من جانت صغيرة خليتها من خيالها تخاف شويه خاف الله بيها وعوفها
شمس: بعدني هسه نازله واسمع كلام خالد صعدت اركض مادري منين اجاني الحيل بس خفت على سما وهي صعدت خليتها ماترتبك وتمسح
الرقم وهي اصلاً ماكاتبه اي اسم على رقم بس خفنا لا يدك ويخبث بس الحمدلله عدت على خير
علياء : والله يما زين البيت كله طرطور عند ست سما مامعتبره احد وبكيفها خط وجهاز وعدها رقمهم لا ابوها يعرف ولا اخوانها بقيه يعرفون
منذر: اسمع كلامهم عن سما وماتحملت طلعت ديلا على اساس ابوها شكد يعترف بيها لسما واخوانها خالد هسه شك بيها ولو شويه بعد حتى
صاحب يخلي وياها ولـ علي هذا هم اعتبره اخ؟ ولا انتِ ولا منو اريد افهم عوفوها ومالكم اي دخل بيها داحجي مااحسه غير اغمى عليه
سما: من منذر طلع فعلاً حسيت بس هو يلي يفيدني بحياتي كلها هو الوحيد الـ اكدر اسمي حزام ظهري بس يما من وكع اخذ حيلي كله
ريحانة: اطلعي سما خالد بعد ماطلع روحي صيحي
سما: طلعت لخالد وياريتني ماطلعت لباب الحوش واشوفه واكف هو وعقيل بس صحت الحك خالد منذر ماعرف شبيه
خالد: فوتي شطلعج هسه اجي سوى طريق وفتت اني وعقيل شلنا واخذنه للمستشفى طلع عندو ضغط والحمدلله ضربته جلطه بس راحت مااثرت الحمدلله
الدكتور: شنو يصير الك المريض
خالد: يصير اخويه شنو بيه دكتور
الدكتور: انتبهُ عليه حيل متأذي الحمدلله ضربته جلطه وعدته على خير يمكن مرة ثانية ماتعدي واهمشي لا يعصب ولا يضوج والاكل يكون منتظم حالته شويه متوترة حيل
YOU ARE READING
قلب خلف الأسوار
Mystery / Thrillerكانت طفلتهم، لكنهم عاملوها كذنب. كبرت بقلبٍ مخنوق خلف أسوار الصمت والقسوة حتى جاء من سمع وجعها دون أن تتكلم، فهل يكون الحب بابها الأول إلى الحرية أم قيدًا جديدًا؟ بقلمي :نـبـأ الأحـمد 🖤.
"part 12"
Start from the beginning
