سما: ماتخوفني شنو تريد تسوي سوي
عقيل: اها واذا اكول لخالد اختك تحجي وياي وهذا رقمها
سما: شنو تكول لخالد ليش شسويتلك اني؟
عقيل: ماتسمعين كلامي واني الي مايسمع كلامي اجر اذنهُ جر واعلمه منو عقيل
سما: متت بدمي احس صفرت ياربي اذا يعرف خالد يموتني على ايده والله لا فدوة حباب لا تسويها وتكول لخالد شتريد اسويلك والله
عقيل: عفيه بالحبابة احب النسوان تسمع كلام وتمشي عدل مايصير الكم جارة اذا ماواحد يكرصكم
سما: روح اكرص اختك وامك شكو جاي عليه ؟
عقيل: لا لا يا سما هذا الكلام الي اشرف منج اختِ وامي على اقل مايحجون ويا رجال غريب بليل
سما: خوش لعد الله وياك وسديته بوجهه وكعدت ابجي راحت عيوني من البجي ونمت
شمس: اجيت اول شي ادك الباب ماكو صوت سما يمعودة ماكو فتحته اشوفها نايمه شعجب نايمه مرات سما تنتظرني نسولف شويه اني وهي يلا يجوز تعبانة ونامت وهم نور الصبح تجي من وكت
ريحانة: كعدت الصبح ونزلت شفت منذر كاعد برا وصافن مشكلتي ماعرف اواسي احد يعني شنو راح اكله ماعرف ولا ادري طلعت يما صباح الخير
منذر: صباح النور
ريحانة: ليش هيج عيونك دم منذر بيك شي؟
منذر: مابيه شي عفتها ورحت لغرفتي ادري شكل عندي ضغط لان خشمي ينزف وعيوني صارت دم
ريحانة : نغزني گلبي خفت لا بيه شي ومايحجي يما اسم الله عليه
فتت للبيت جان ابويه وامي كاعدين صبحت عليهم وسويت ريوك وكعدنا نتريك بعدها ابويه طلع وامي مالها دخل باحد كعدت على صفحة عادي
علياء: ليش ماكاعدت لي هسه سما وشمس
ريحانة: ترا بعد وكت خليهم هسه شويه ويكعدون وطلع خالد كعد
خالد: ماشفتهُ منذر كاعد لا
ريحانة: كاعد منذر قبل شويه شفته بس خالد عيونه حمر دم خاف بيه شي ومايحجي
خالد: هاي عيونه من البارحة ونوب خشمه نزف يمكن شكله عندُ ضغط هسه اتريك واحاول اخذه غصباً عليه
ريحانة: داسوي ريوك لخالد نزلت سما وكعدت اكلت ويا وكالت نور راح تجي اليوم كل الهلا بيها من يوم رجعت لعيالها بعد ماشفنها هواي صار
سما: اي تكول ليش داجي مادري بس جنت احجيلها عن منذر وكالت باجر اجي عليه
ريحانة: يعني تجي العصر لو هسه؟
سما : لا هسه الصبح كالت اجي
ريحانة: اي عبالي حالها حال غريبين تجي العصر
خالد: بعدها نور زعلانه من عدنا ؟
سما: سكتت شجاوبه ليش انتم السويتهُ قليل قابل
ريحانة: ماعرف والله بس اضن اي اني ماعندي تواصل وياها بس هي عدها رقم سما
أنت تقرأ
قلب خلف الأسوار
Mystery / Thrillerكانت طفلتهم، لكنهم عاملوها كذنب. كبرت بقلبٍ مخنوق خلف أسوار الصمت والقسوة حتى جاء من سمع وجعها دون أن تتكلم، فهل يكون الحب بابها الأول إلى الحرية أم قيدًا جديدًا؟ بقلمي :نـبـأ الأحـمد 🖤.
"part 12"
ابدأ من البداية
