(مالي هوا الاهواها )🔥

١٢

اهلا اهلا حبايبي
كيفكم ❣️🥺

**

🩷 داخل القصر صار هدوء غريب، كأنهم تعبوا من الفرح والدموع والتهاني.

في غرفة البنات، يارا متمددة على سريرها، ميّ حاطة راسها على رجلينها، رغد والهنوف جالسات حولهم.

ميّ تقول بصوت ناصي:
"يا الله يا يارا، صدق صار لك خطيب؟"

يارا تتنهد وتبتسم:
"إيه، بس أحس كأنه حلم."

رغد تقول:
"احمدي ربك حلم وتحقق، يا حظك والله."

الهنوف تطالعهم وتقول:
"تتوقعون لو أنا أخطب، أبكي زيك؟"

يارا تضحك بخجل:
"أنتي أول من بيزغرد ترى."

ميّ ترفع حاجبها:
"لا تنسوننا يوم الملكة الكبيرة."

يارا تبتسم وتضمهم كلهم:
"ما فيكم غريبة، كلكم خواتي، والله ما أفرح إلا وأنتم حولي."

**

🩵 في غرفة الأولاد، عبدالعزيز جالس يطالع سقف الغرفة، سعد جنبه.

سعد يقول:
"يا ولد مها، خلاص تراها كتبت لك، نام وارتاح."

عبدالعزيز يضحك بخفة:
"ما أصدق إنها ملكتي، والله ما أصدق."

صقر يضربه ضربة خفيفة:
"خلاص يا رومانسي، حرام علينا العزوبية."

عبدالله يقول:
"الله يهنيكم، ويجمعكم على خير."

محمد، وهو يفتح عيونه النعسانة:
"بس تكفون خفّوا سوالف حب، نبي ننام."

وضحكوا كلهم، والليل هدي فوقهم.

**

🩷 في اليوم الثاني، الضحك والوناسة ماليه القصر.

نجلاء واقفة عند المجلس تقول:
"يا بنات، وين يارا؟ نبي نزينها للضيوف!"

أسماء من المطبخ:
"قولوا لها لا تجي إلا وهي مبسوطة، نبي صور تشرح القلب."

خلود تضحك وتقول:
"يا رب يتمم لهم على خير، ويجمعهم بحلاله."

**

🩵 يارا طالعة من غرفتها، لابسة عبايتها، شعرها مربوط بفيونكة ناعمة.

الهنوف تصرخ:
"ياااااي تجننين!"

ميّ تصفق:
"يلا يا حرمة عبدالعزيز، الليلة ضيوفك."

رغد تقول:
"قسم بالله لو ما تضحكين قدامهم بزعل."

يارا تحاول تتماسك:
"يا بنت الحلالون ترى خايفة."

ميّ تمسك يدها:
"خوفك حلو، بس ثقي إنك أحلى عروس."

**

🩵 تحت، عبدالعزيز ينتظر عند الباب، يناظر ساعته.

سعد يصفق على كتفه:
"على مهلك، ما راح تهرب."