"رناااا يلا كومي كعدي !" .."رنااا الساعة سبعة ونص بعد متلحكين "
-اااه اي كعدت مام
هكذا كل يوم استيقظ على صوت امي وهي تناديني لاذهب الى الجامعة نهضت من السرير وفتحت الستائر منظر الحديقة والمسبح من النافذة هو اجمل منظر للاستيقاظ عليه فتحت النافذة واخذت نفس عمييق شاهدت العصافير قليلا ومددت جسمي لابدأ يومي المزعج في الجامعه 😒
اوه نسيت اني رنا رزاق عمري ٢١ سنة وادرس صيدلة سنة ثالثة عايشة بمصر اني وماما وبابا وماعندي اخوان او خوات (المدللة) ماما طبيبة اسنان وبابا رجل اعمال معروف وكاعدين بتجمع سكني بي ١٥ عمارة سكنية واربع جامعات و٦ مولات ومدينة العاب ومدينة مائية بابا شريك بهذا التجمع السكني وية احد اصدقائة العراقين محمد حسن وتقريبا هو اقرب الاصدقاء لبابا جانوا سوة بالعسكرية وبالاعدادية هم فهو البيست البيست وكذلك مرتة كلش صديقة ماما عندهم بنية اسمهة ياسمين عمرها ٧ سنوات وابنهم الجبير علي خامس طبية واذا يكولولي عندج فرصة تقتلين انسان واحد اختار علي 😊
تكدرون تكولون احب الدراسة اكثر منة
خلي انطيكم مواصفات عني 😁 طبعا طولي معتدل ١٥٦ ووزني ٥١ جسمي حلو بيضة عيوني سود كبار وشعري اسود طويل يوصل لنص ظهري تقريبا ودائماً احب اسوي كيرلي احب انوع بلبسي جينزات فساتين تنورات ..الخ
خرجت من الحمام وانا الف المنشقة حولي اتجهت نحو المرآة سرحت شعري وجففتهة واخذت مصفف الشعر وصففته كيرلي وضعت الخفيف من مساحيق التجميل الفاونديشن والبلّش والايلاينر والمسكارا والقليل من احمر الشفاه واتجهت الى الخزانة انظر الى الملابس لحوالي ربع الساعة الى ان اخترت الملابس جينز سكني فاتح اللون (ثلجي) تي شيرت نيلي لاكوست وحذاء رياضي لاكوست ايضا حقيبة طويلة وارتديتها جانباً رششت البارفان التقطت محاضراتي ونظرت نظرة اخيرة في المرآة اعجبت بنفسي 😂 ونزلت الى الطابق السفلي
وجدت امي وابي على مائدة الطعام ابي يقرأ الصحيفة امي تقرأ كتاب طبي وليندا تضع الطعام راتني وابتسمت لي قلت صباح الخير قبلت ابي وامي واخذت اكبر قطعة بان كيك ووضعت القليل من النوتيلا فوقها 😍 لففتها بالكلينكس نظرت الى الساعة ٨:٣٠ اتجهت نحو الباب لوحت بيدي الى امي وابي وقبلت امينة وخرجت واقفلت الباب
بدأت امشي بالممر الطويل وصولا الى المصعد لاجد اخر انسان اريد ان اراه في هذا الصباح علي 😤
نظر الي بطرف عينه وقال "رنا"
نظرت اليه بنظرة اشمئزاز "علي"
وصل المصعد وفتحت الباب اردت ان اخذ المصعد الاخر لكنني تاخرت صعدت مع هذا الغوريلا ودخلت وقفت وراءه لكي لا يراني
لكنني اراه بوضوح كان يرتدي جينز اسود غامق وتيشيرت اسود ذو العنقv وكان التيشيرت يبرز عضلاته الجميلة وعضلات يده والعروق التي تظهر شعره سبايكي كان الاسود يليق به فهو اسمر قليلا طوله ١٨٩ والعطر الذي يضعه ملأ المصعد قبل دخولنا حتى بل ملأ البناية باكملها كنت انظر اليه فترة المصعد كلها حتى ان صوته ايقظني من تفحصه وقال "يعجبج الي دتشوفي " وابتسم ابتسامته الحقيرة الجميله 😏
فتحت عيني وصدمت ورايت ان باب المصعد من الداخل عبارة عن مرآة في هذه اللحظة اردت ان "اطم" روحي تداركت الموقف وقلت
"شايفة احلى" ووقف المصعد وخرجت مسرعة نظرت اليه بطرف عيني ووجدت ابتسامته تختفي .. قلت بنفسي شكد ثولة امداني
خرجت ووجدت احلام وحسام ينتظروني بجانب العمارة بسيارة حسام ...احلام وحسام اصدقائي من الطفولة لكن انا احلام افترقنا عن حسام في الكلية فلقد ذهب لدراسة الطب وانا واحلام اخترنا الصيدلة لكننا ما زلنا بنفس قوة علاقتنا اسرعت الى المقعد الخلفي وركبت السيارة وقلت "صباح الخير"
احلام وحسام "صباح النور "
حسام : حلوة مثل كل يومية ..قالها لي وهو ينظر لي من المرآة
شعرت بوجنتاي تحمر قليلا حسناً حسام وهو بالصف العاشر اخبرني باعجابه لي لكنني لم استطع ان ابادله الشعور فلم اكن انظر له سوى كاخٍ لي اتفق معي ان انسى كلامه وان لا اجعله يؤثر على علاقتي به واخبرني ان وجودي الى جانبه يكفيه 💔
احلام: شوكت اخر محاظرة الج ؟
رنا: اممم ب ١ يمكن يعني خلص ب ٣ ونص
حسام: امر عليكم لعد ب ٣ ونص انروح للمول نتغدة ونفتر صارلي اسبوع مشايفكم عدل
احلام: اووووي فدووة للي يشتاق النا ..ووضعت يدها على خده وقرصته
حسام نظر لي من المرآة وابتسم ابتسامة خفيفة نظرت له ووجدت بعض الحزن بعينه لكنني ابتسمت له الى ان قطعت نظراتنا بصوت احلام
احلام:ااااااه رنا حفلة التجمع الخميس ومشترينة هدوم مادام حسام ويانة خلي نشتري اليوم
رنا: اها صحيح بس ترة ماريد اروح تدرين بية ماحب هالحفلات اضافة الى انو علي موجود
حسام: وانتي شنو الج علاقة بعلي ؟ اعتبري كاي واحد بالحفلة
رنا : طبعا اعتبرة كاي واحد بالحفلة بس تذكرون الماضي الاسود مالتة وياية ولحد الصف الثامن جنة اني وياه نتعارك وتدرون بية ما اطيقة
حسام : اني حجي للحفلة وياكم وما اعتقد يكدر يجي يمج او يحجي وياج اذا اني موجود
احلام : يييييي يعني حتجين اخيراً !!!
رنا: علمودكم حجي والله 😒
احلام:يبييييييي حسام استعد اليوم حتشيل علاليك من علاليك
حسام: لا الله يخليكم ما اجي وياكم
احلام: لعد منو يجي ويانة اذا انت متجي ... نظرت له بنظرة ال puppy eyes
حسام :اوكي بس رح ابقى بس ساعتين اذا ازيد اعوفكم واروح
احلام : اي عود ميخالف
بقينا ندردش انا واحلام الطريق باكمله عن الفساتين التي نشتريها وحسام كان على وشك الانتحار وبقي كل خمس دقائق يهددنا بانزالنا من السيارة ونحن نضحك عليه الى ان وصلت انا واحلام الى الجامعة ولوحنا لحسام وذهب هو الى جامعته وضعت احلام يدها بيدي ودخلنا الى الكلية التقينا بصديقاتنا الاخريات وبقينا نتحدث بحفلة التجمع ومن سيحضر وماذا نشتري ....
كانت المحاضرات الاولى والثانية كالموت البطيء لي انا واحلام الى ان دق الجرس وكانت استراحة النصف ساعة اتجهنا الى الكافتريا
