💕عند سيسيليا💕
كانت لابسة كسوة في المارو طويلة وكمامها طوال سامبل ولاصقة على منحنياتها تتبين فورمتها لي واعرة خصر نحيل وهونش واسعين شوية شعرها كان مسرح ومطلوق وراها كانت جالسة حدا حسناء وليلى فوق واحد الفوطوي تتكتب داكشي لي خاصهم لافتتاح الجمعية كانو العيالات الآخرين حتى هما تما كيهدروا ويناقشوا سيسيليا كانت تتبان قمة في الرقية والأناقة مع شخصيتها الهادئة وقليل فين كانت تتدخل اصلا غير تتكتب وعقلها مع ويليام قليل فين ولات تتشوفو وقليل فين هدروا وعقلها حابس غير فداك الكوليي لي لقاتو ماعطاهش لحسناء وماعطاهش ليها اذن لمن هذاك الكوليي مع گاع هادشي لي طرا مالقاتش الوقت فين تهدر معاه وماعارفاش كفاش تجبد معاه الموضوع حيت تتحس عندو أشياء اهم ولكن ماقادراش غير تنساها وتدوزها عندها احساس بلي شي حاجة ماشي هي هديك
فيقها من سهوتها صوت نسرين لي شافت فيها مبتسمة : "حسناء وش هادي بنتك ؟ تبارك الله فنة" حسناء دارت ليها ديك الضحكة الصفرة وعنقت سيسيليا بجنب : "الله يحجبها" نقزت واحد المرة معهم :"اويلي حسناء انا لي فبالي عندك غير الاولاد لا؟" سيسيليا تبسمت باحراج نقزت ليلى :"ايوا راه سيسيليا خطيبة ويليام يعني ولات حتى هي بنت حسناء" العيالات كلهم ضحكوا :"وهااانتي الدري كبر ولا يخطب ولكن خدا وعرف اش خدا الله يخليها ليكم" سيسيليا تزنگت وهبطت راسها حشمانة العيالات ضحكوا كنزة دايرة رجل على رجل :"ولكن ما شفنا لا خاتم لا خطوبة ماهدرو عليها لا في مجالات لا والو شهادشي احسناء زعما راه راجلك صاحب وحدة من احسن شركات تصنيع السيارات وعلى مانعرف ويليام هو لي غادي يترأسها من وراه يعني حشومة يدير خطوبة مامسموعاش گاع"
ليلى ماحملتهاش بقات تطلع وتهبط فيها بزز باش شدت لسانها ولكن ماقدرتش تحكم في عينيها حسناء شافت فيها بابتسامة راقية: " هههه مي ا حبيبة حنا درنا غير حفلة صغيرة بيناتنا ولكن الخطوبة باقا انشاءالله حتى يكبرو هما شوية ويتأكدو من مشاعرهم حنا مازربانينش" نقزت واحد المرأة جالسة حدا ليلى :"وصافي البنات اراااو عليهااا شي تزغريييتة يلاااه" ليلى ضحكت وبدات وكملوا معاها العيالات كاملين :"صلى وسلاااااام علىىىىى رسووووول الله الااااا جاااااي الااا جااا سيييدناااا محمد الله معااااه الجاااي العاااليييي رورورورورورورورورورووووووي" (تحية لأي بنت قالتها باللحن 😂😂) العيالات كلهم زغرتوا من غير كنزة لي محافظة على رقيها زعما وسيسيليا لي تزنگت :"شكرا بزاف" ليلى طبطبت عليها
كنزة مبتسمة :"ايوا صافي البنات يلاه نرجعوا لموضوعنا دبا من لي الامور تهدنت والحمدلله بناتك ا ليلى رجعوا بخير ونتي ا حسناء وليتي شوية يلاه نديرو الافتتاح مايمكنش نبقاو نأجلوا فيه" ليلى غير تتشوف فيها نقزت واحد المرأة هاديك لي كانت حدا ليلى : "اه بعدا اختي ليلى سمحي ليا ماجيت شفت ياسمين راه غير مع الخدمة والشغل راك عارفة" ليلى تبسمت ليها :"لا لا كوني هانية راك صونيتي وسولتي الله يكثر خيرك" نسرين تبسمت ليها :"غدا غانجي أنا ومهدي والأولاد ياك فراسك" ليلى أومأت بابتسامة :"وي مرحبا بيك اتنورونا" نقزت مراة اخرى :"هي تاحنا معروضين حشوما تمشي غير نسرين" ليلى ضحكت:" الالة مرحبا بيكم كاملين والله" كنزة نقزت :"ولكن ديك الدار لي في كارتي كوبا محال تجمعنا كاملين واصلا يقدرو يجييو حتى دووك الجيران وتخلطونا معهم اوو" نطقت بتكبر وعلا
ESTÁS LEYENDO
من الأسلحة إلى الورود 🖤🥀
Romanceبنت زوينة وغير نية يسوقها القدر إلى اخطر الاحياء بالدار البيضاء ، لتقابل قدرها و تخرجه من عالمه المظلم إلى عالمها الوردي و البريء 💞🌺 #دارجة _مغربية #رومانسيا_❤️#كوميديا #دراما
