لجين ، بنوتة عمرها ٢٠سنة طالبة جامعية مرحلة ثالثة قسم لغة انكليزية .
بنوتة جميلة عيونها عسلية وشعرها ناعم وقصير ولونه بني وطولها ١٦٢ ووزنها ٥٠شوية ضعيفة
توفت امها عندما كان عمرها ١٥سنة وعاشت مع ابيها الذي رفض ان يتزوج بعد وفاة امها . كان اباها يعاملها بلطف ومحبة وكان كألام والاب لها
اليوم اول يوم للجامعة
لجين كانت متحمسة جدا لانها ستذهب الى الجامعة وترى صديقاتها لانها اشتاقت لهن كثيرا .استيقضت صباحٱ وغيرت ملابسها وركبت في السيارة واتجهت للجامعة ووعندما وصلت وجدت صديقتها عند بوابة القسم ركضت لها واحتضنتها
لجين :حبيبتي اشتاقيتلج كووومات كومات
سارة :اني هم اشتاقيتلج كومة شلونج
لجين: الحمدالله بخير انتي شلونج شخبارج
سارة.: تمام الحمدالله وعندي خبر يخبل الك
لجين: شنو الخبر احجيلي بسرعة
سارة: راح اصير ام واكو نونو هنا ،واشارت الى بطنها
لجين: بربج ، ياعمري انتي فرحتلج والله الله يگومج بالسلامة وديري بالج ع نفسج وع النونو يمة فديته من هسة حأموت عليه ،ولج اذا بنوتة اتسميها ع اسمي
سارة: عوووع هو من حلاته لاسمج علمود اسمي بنتي عليه
لجين.: انجبي اصلا اسمي يجنن وغصب عليج تسميها ع اسمي
احمد: شبيجن صوتج عالي شكو ،
لجين: تعال شوف مرتك القزمة ماعاجبها اسمي
احمد: دامشي هي نخلة ليش تعيبين ع مرتي فديتهة للسنفورة خومة مثلج يرادلج درج يلا الواحد يگدر يصعد ويحجي وياج ،
لجين: بسيطة احمد ويلة ولي منا اريد اشبع من صديقتي صارلي كومة ماشايفتها
احمد: يعني هاي احسبهة طردة
لجين: اي گشر موز جوة رجلك يعني اتزحلك منا ولي يلا
لجين: سارة امشي يلا نروح للكافتريا ناكل شي لان جوعانة
سارة: سبحان الله شگد تاكلين وابد ما تسمنين
لجين: سارة اگول حبيبتي شبيج اليوم انتي ورجلج عليه
سارة: تعالي حبيبتي وحضنت لجين احبج شسوي
لجين.: عمة بعينج ع هيج حب امداج يا بومة
سارة: هههههههههههههه
بعدها حضرت المحاضرات واكملتها وعادت الى المنزل
لجين: بابا حبيبي وينك اشتاقيتلك
بحثت لجين في جميع غرف المنزل ولكنها لم تجده استغربت لجين وبعدها اخذت الهاتف واتصلت بأبيها لكن والدها لم يجيب ع الاتصال وبعدها اعادة المحاولة وسمعت صوت رجل
الرجل: نعم من معي
لجين: اااانت منو !! بابا وين !! ليش تجاوب ع تلفونه
الرجل: حضرتك منو !
لجين: انت الي منو !
الرجل : انا عبدالله محمد
لجين: شعليه بأسمك فضني ابوية وين !
الرجل: هي انتي تكلمي معي بأسلوب جيد
لجين.: استغفر الله لك ابوية وين
الرجل: ابوك مات
لجين: ماذا تقول وين ابوية اريدة لتجذب عليه فدوة
الرجل: تعالي الى مستشفى .........،
لجين اخذت السيارة وذهب الى المشفى وعندما سألت الموضفة الاستعلامات ارشدتها الى غرفته
لجين: صدمت عندما رأت ابيها وهو ممدد على السرير ،صرخت لجين وتمنيت بان يكون حلم
لجين فتحت عينيها بعد ان اغمى عليها ووجدت نفسها في غرفة بيضاء وبجانبها رجل يجلس على الكرسي وعندما ركزت في ملامحه انه ابيها
تحركت لجين بسرعة وقالت ابي الحمدالله انك بخير تدري حلمت حلم غريب حلمت انك ميت وبدأت بالبكاء
الاب احتضن لجين لا حبيبتي لتخافين مابية شي بس تعرضت لحادث بالسيارة وخدوش بسيطة
لجين: بابا حبيبي خوما بيك شي طمني عنك
الاب: حياتي وداعتگ مابيه شي
لجين: بابا الله لا يحرمني منك
الاب: ولا يحرمني منج يا عمري انتي
احم احم
نضرت لجين للرجل الذي اصدر هذا الصوت
الاب: تفضل ابني
الرجل: لا عمي مشكور حبيت اطمن عليك قبل ان اغادر
الاب: شكرا لك ابني الحمدالله نحن بخير
وفجاءة صرخت لجين: بابا تلفونك وين !!
الاب لا اعلم اين وضعته بس ليش تسألين عليه
لجين وهي معصبة :لان اكو حيوان رد علية وگال انك متت ،استغفر الله بس لو اشوفة الة اكسر راسة واحد مطي خوفني وردت اموت من وراه
الاب: هدي يا ابنتي الحمدالله جميعنا بخير
وفجاءة نضر الاب وقال: عبدالله حياك الله ليش واكف تعال اگعد وكلنا نطلع سوة بس خلي اروح اجيب الدوة للجين
لجين نضرت الى عبدالله بعين واحدة ورفعت حاجبها
اما عبدالله قال عمي خلي اجي وياك خاف تحتاج شي
الاب: لا ابني مااحتاج شي انت ارتاح
لجين بداخلها: كلشي ميحتاج ابوية بس تعال اكعد الة اسمطك سمط
عبدالله جلس ع الكرسي وفرك رأسه بيديه وقال: شلونج هسة احسن مووو !
لجين: بابتسامة شريرة اكيد احسن لان شفتك يا حيوان ،انت هم عندك عقل شلون هيج تحجي وتصدمني
عبدالله: اگول احترمي نفسج السانج اطول منج
لجين: اني محترمة غصب عنك بس انت مطي
عبدالله: انتي يا بنيه لمي روحج وعرفي شنو تحجين ويا من تحجين
لجين: دولي قابل ويامن داحجي مثلا ويا وزير يلا كوم منا مااريد اشوف شكولك
عبدالله بداخله شعور غريب ومصدوم من كلامها لانها اول فتاة تتحدث معة هكذا ، ولا تتملق له
لجين اشارت بيدها هييييي وياك داحجي ترة هم مطي وهم متسمع الله يصبرني مااعرف البلاوي منين تجي
عبدالله نضر اليها بطريقة ارعبها وقال: اتكلمي عدل وياية
لجين خافت من نضراته لكن لم تحب ان تبين له وقالت: گوم اطلع منا يلا اني ماناقصني شكول تعبانة مثلك
عبدالله استغفر الله انتي لسانج يرادلة قص اصبريلي اني الي راح اربيج من جدة وجديد وعلمج شلون تحجين عدل
لجين: خايب دطير گال يعلمني گال انت گلك واحد مطي
خرج عبدالله من الغرفة وهو يشتعل نار من كلامها واسلوبها معه وقرر ان يفعل لها شئ ليكسر غرورها
