روحي تحتضر

part 170

فمكان آخر وبالضبط فالغابة

تحت ضوء القمر  كان كيعكز وهو كينهج : ش شحاال باقي
شاف لعندو كيمسح ليه لعرق لي فجبينو بشيفونة : قربنا للطريق
كحب حتى ضراتو لجرحة لي فجنبو برك عليها كيستجمع قوتو عاد نطق كيورك على لحروف بسباب لمجهود لداير : خاص نلقاها رهاااف واقعة ليها شي حاجة خاطري ممهنينيش غادي نكافأك على هادشي كامل غي عاونا اشنو سماك لله بعدا
...... :  سميتي لحاج محمد اولدي
بيازيد كينهج : شكرا الحاج الله اطول فعمرك يارب
لحاج محمد بتاسم : اميين صبر راه مبقا والو للطريق
بيازيد عينيه مضببين واخة لحاج محمد كيسيني بضوء لبيل لمعاونهم : رهااااف فينك فين مشيتي
لحاج محمد هبط عينو لجنبو لاحظ الدم مبقاش كينزف بزاف .. بتاسم حيت عرف لعشبة لغادي تساعدهم فهاد لحالة : لحمدالله هاد السنين لضاعت فهتمامي بالعشوب ممشاتش هاكاك غي صبر اولدي خاص تصبر مبقا والو يلله تحمل
بیازید هز راسو باه وهو كيجر فرجليه بزز باقي راسو كيحرقو كيتفكر رهااف كيبغي احماق معارفش فين اتكون دابا خايف تكون وقعات ليها شي حاجة ..  داز لوقت حتى وصلو للطريق
لحاج محمد : على سلامتك ها طريق قول ليا فين خليتي سيارتك
بیازید کینطق بزز : قريبة للجرف
لحاج محمد : اجي من هنا هاد جيهة كتدي للجرف
بيازيد قلبو كيضرب عقلو مع رهاااف : الحاج قول للولادك اقلبو فالغابة خاص نلقاها
لحاج : كون هاني غي نوصلك ونتكلف بهاد لموضوع لغابة حافظها قنت بقنت مغادي اوقع ليها والو
سكت كيزيد فضوء لبيل : شكوووون تمااا !!
شاف لعند بيازيد : واقيلة شي واحد داير كسيدة
بيازيد حس بقلبو مشا وجاا : شش شوووف شكون الحاج
لحاج محمد : حاول توقف على رجليك هاني جاي
بيازيد حيد ايدو من على دراعو و وقف شاد جنبو بسيف حامل رجليه باش میطیحش
شافو قاطع لحس : لحااااج شكون لدار كسيدة
لحاج محمد : واااشهاد لبنت شعرها عسلي
بیازید حس بشي صاعقة نزلات عليه : كك كفاااش !!؟

صبر وكابر ومشا لعندو كيجر فرجليه حتى وصل لعندها مخرج عينييه : ر ر رهاااف شش شواااقع
بدا كيضرب على حنكها وهو مزال مصدوم : رهاااف حلي عينيك ر رهاااف
لحاج محمد سكت معارف ميقول كيشوف كشكوشة خارجة من فمها وايدها مرخية : ياربي ميكونش داكشي لفبالي بصح
بيازيد تفزع خايف : ش شنوو فبااالك !!  هدر الحاج
لحاج محمد : واقيلة لصعاتها للفعة
بقا مبلوكي فبلاصتو دار شاف لعندها داك الساعة : رررهاااااااف
لحاج محمد بدا كيسيني بالبيل على جسمها كامل باغي اعرف فين لصعاتها حتى فيكسا شوفاتو على رجلها : متخااافش
بيازيد شاف لعندو كينهج : شنو عرفتي
لحاج محمد مجوبوش جبد داك لحمالة لكان هاز حلها وخشا ايدو كيقلب على قرعة صغيرة
بیازید کیشوف جبهت رهااف لمغيبة ومرة مرة كيهز عينو عند لحاج متأمل انقدهم من هاد لحالة
لحاج محمد : هز راسها نمسح ليها هاد لكشكوشة
بیازید هز راسو باه هز راسها داك الساعة مبقاش مسوق للجنبو : دير شي حاجة عفااك

لحاج محمد شافو هز راسها وحطو على حجرو شد طرف من جلبابو قطعو و بدا كيمسح ليها بالشوية حتى مبقا والو بيازيد مفاهم والو غي ساكت وعقلو معاها کاره راسو حيت هو السباب : ياربي تفيق
لحاج محمد : كعد وجها شوية نشربها هاد لوصفة
بیازید هز راسو باه و نفد داكشي لقال لييه حتى بدا كيشرب فيها شي كيدخل لفمها والأغلبية كيدفق
حتى كمل ورجع سد لقرعة : صباح تحل عينيها انشالله
بيازيد عاد رجعات فيه الروح : واش هاد لوصفة ضد سموم للفاعي
لحاج محمد : تماما الله كيبقا الشافي
بيازيد تنهد بضيق : ياربي تشافيها
لحاج محمد : جنبك بدا كينزف متفورصيش بزااف واخة داك
لعشبة كتعقم لجرح وتحبس نزيف ولكن خاص لمراقبة الطبية بيازيد مبقا باغي والو غي تحل عينيها باش احيد إحساس الذنب هادشي لكيقول مع راسو : شحال ايكون فالوقت دابا ؟
لحاج محمد علا راسو للسما كيشوف النجوم والقمر : اتكون 2 دصباح خاص شي واحد اعاونا نهزو لبنت ونزيدو من هاد لبلاصة تقدر تخرج لينا شي حاجة انا معنديش مشكيل مولف غي نتوما هادشي جديد عليكم
بيازيد جنبو عطاه لحريق كيسمع ليه خلاه حتى كمل وجمع للوقفة شاد الصداع بزااف ممسوقش للجرح لي غادي اتعفن ويدود لييه ستجمع قوتو وتحنى لعندها هزها بين ايديه معندوش لوقت اسمع للحريق لشاعل فجنبو

لحاج محمد خرج عينيه : حماقيتي اولدي رااك مريض مقادر توقف حتى نتا
بيازيد سبقو كيتبت فرجليه ليصدقو مكركبين بجوج نطق بزز : غي زيد الحاج عارف شكاندير

لحاج محمد تنهد عرفو من النوع لمكيسمعش لهدرة بزاف لفراسو فراسو : الله اخرج هادشي على خير