روحي تحتضر

part 170

سكت كيرجف خايف اخسرها غي كيخرج وادخل فالهدرة دابا على الله اصبر راسو ضرب فران مفاجئ لقاهم كيتسناوه بالبياس ناويين ادخلو للمريضة داك الساعة عرف انه الأوطيل لخبرهم
نزل طير ودار حل الباب خرجها وحطها على لبياس بينما لمسعفين دخلو بيها طيرين مصدومين من الحالة لجاتهم فهاد الليل
شد الطبيب من ايدو قبل ادخل نطق بنبرة مختالفة وهادئة : بغيتها تصح خاصها تصح مبغيتش نعاود هدرتي
الطبيب عرفو واصلة بيه لعظم وهو ارتب على كتفو : لمريضة فآمان وغادي تصح متخافش
ساجد هز راسو باه وقلب الدورة للوطو حط راسو على زاج دلباب تنهد ملقا ميقول اول مرة كيحس براسو مربوووط تفكر هدرت أنيس " ان حالتها غادي تزيد تدهور الى متعالجتش " كمش عينيه کيلوم فراسو محاملش لموقف مباغيش اعيشو اصلا كيحس بقلبو كيتشنق عليه شعور خيب بزااف

فقصر آل عمران

كانت جالسة فالشرفة كتعزف على لكيتار ديالها منساجمة مع الاغنية اولا نقولو انها كتكدب على راسها باش تعايش مع وضعها الجديد .. لعزلة تحتل صدارت حياتها وعلى توالي لثاني مرة فالحب لاحت لكيتار طافجة كترجف وحنيكاتها كيطلقو الصهد : روكييي
اجييي روكييي فييينك 《 سمعاتو جاي لعندها كينبح 》
ذهب رجعات شعرها لور : كيف كتشوفني كنبان عادي ياااك هاااا مبيناش فيا عميا زعما ؟ شوووف راه غادي نتعالج ونوريهم ذهب شكااا تسوى هدر اتبقا ساکت
تنهدات كتضحك على راسها بالغدايد : شكاندير انا حماقيت !!
سمعات الدقان فالباب عرفاتها اتكون لخدامة : تفضلي
سمعات لباب تحل وصوت كيقرب لعندها : انسة ذهب ها كأس دلويزة لطلبتيه
ذهب حركات راسها باه : شكرا
سمعات تيلي ديالها كيصوني: اجي شوفي ليا اشمن رقم كيصوني لخدامة نفدات كلامها : مكتوب يوسف ا انسة
لخدامة : انسة سمحيلي على تجرئي ولكن تقدر تكون شي حاجة مهمة حيت بزااف دالاتصالات من هاد النمرة
ذهب شكات فاش كانت كتعزف صونا فداك لوقيتة : قلللت اري نمرة نهرسها
لخدامة مزادتش معاها لهدرة مدات ليها لكارط حتى تسمعااات طاااق صوت تهراس ورماتها بعجرفة فالأرض
ذهب : ودابا سدينا هاد الصفحة
قوات راسها كتحاول متضعفش : لمهم خودي هاد تيلي انا مبغيتوش
لخدامة خرجات عينيها من كترت لفرحة : انسة واااش كتهدري بصح زعما اولي ديالي
ذهب بتاسمت : وي خوديه لمهم ميكونش عندي
لخدامة : شكراا بزااف شكرا مرة أخرى
ذهب كتافات بابتسامة بشوشة ونطقات بعدما سمعات لباب تسد : سعداتك حيت شي حاجة بسيطة فرحاتك انا مبقيتش كنفرز بين الضحك والبكا
تنهدات : ياك اروكي قول شي حاجة اتبقا ساكت
عرفات راسها بدات كتخربق عوتاني وهيا تقلب الدورة كتحسس بايدها حتى تخشات فبلاصتها وطلقات لعنان لدموعها متنكرش انها بغاتو من اعماق قلبها وغادي توحشو واخة تكدب راسها ولكن للقلب
کلام آخر حاولت تحبس تنخصيصها : صافي اذهب سكتي من لبكا شتت صااافي
داز لوقت حتى غفات كتفكر انها عمرها اتشوفو مزال خاصها تولف على لوضع الجديد واخة صعيب لحال عليها