သာယာတဲ့မနက်ခင်းလေးတစ်ခုမှာ…(ဂယူးဗင်းအတွက်တော့မသာယာပါသော) မျက်တွင်းဟောက်ပက်နဲ့ထမင်းစားခန်းထဲသို့ဂယူးဗင်းဝင်လာခဲ့သည်။
"ဂင်မ်ဂယူးဗင်း နင့်မျက်ခွက်ကိုလဲနင်မှန်ထဲမှာပြန်ကြည့်ဦး မျက်တွင်းက 165 ပေလောက်နက်နေပြီ ဘာအလုပ်အကိုင်မှလဲမရှိဘဲကို ညဘက်တွေစောစောစီးစီးအိပ်လေ!"
စားပွဲမှာဝင်ထိုင်လိုက်တာနဲ့ မားသားကြီး၏ဆူပူကြိမ်းမောင်းမှုများအားခံရလေသည် ဂယူးဗင်းကတော့ နေတိုင်းလိုလိုဆိုတော့ရိုးနေပြီဖြစ်ရာ ဘာမှပြန်မတုံ့ပြန်ပဲ ပေါင်မုန့်မီးကင်ကိုသာတစ်မြုံ့မြုံ့ဝါးနေလိုက်သည်။
"ဂယူးဗင်း အဖေ့ company မှာအလုပ်ဝင်မလား?"
"ဟင့်အင်"
ဂယူးဗင်းကိုအဖေကအခွင့်အရေးပေးပါသော်လဲ သားလိမ္မာလေးပီပီတစ်ချက်တောင်မတွေဝေဘဲတန်းငြင်းလိုက်သည်။
"အေး အဲ့တာဆိုလဲမင်းထိုက်နဲ့မင်းကံ ခံလိုက်တော့ဟေ"
"ဘာလဲအဖေတို့ကသားကိုရောင်းစားတော့မလို့လား အဲ့တာဆိုလဲဈေးမြင့်မြင့်ရမှရောင်းနော် သားကဒီကမ္ဘာပေါ်မှာတစ်ခုထဲရှိတဲ့ limited edition လေး ဟဲဟဲ"
ဂယူးဗင်းကကပြောင်စပ်စပ်သာပြောလိုက်သော်လဲ အဖေပြန်ပြောသောစကားကြောင့် ကော်ဖီပါသီးသွားရသည်။
"နောက်မနေနဲ့ငါ့သား ငါတို့မင်းကိုတကယ်ရောင်းစားတော့မှာ…"
"ဗျာ!!! အဟွတ် အဟွတ်!"
ဂယူးဗင်းအဖေ့မျက်နှာကိုကြည့်လိုက်တော့နောက်နေတဲ့ပုံတစ်စက်မှမပေါ် အမေ့မျက်နှာကြည့်လိုက်ပြန်တော့လဲ မျက်နှာသေကြီးဖြင့်သာ
ဂယူးဗင်းခေါင်းထဲအတွေးပေါင်းမြောက်များစွာဝင်ရောက်လာသည်။
'ငါ့ကိုမာဖီးယားဂိုင်းထဲရောင်းလိုက်တာများလား ဒါမှမဟုတ် သင်္ဘောသားတွေဆီများရောင်းလိုက်တာလား အဲ့တာဆိုငါစည်ပိုင်းထဲဝင်ရတော့မှာလား!'
ဂယူးဗင်းတွေးရင်းဖင်ပါကြိမ်းသွားရသည်။
"အဖေ့!! သားကိုဘာလို့ရောင်းစားမှာလဲဟင် ဒီလောက်ချောတဲ့သားလေးကိုဘာလို့ရောင်းမှာလဲလို့ ကမ္ဘာပေါ်မှာရှိတဲ့တစ်ခုတည်းသော limited edition လေးနော် အဖေတို့ဗျာ သားကဒီလောက်အဖေတို့အတွက်ရုပ်ချောပေးခဲ့တာကို အဖေတို့မို့လုပ်ရက်တယ်ဗျာ~~"
ESTÁS LEYENDO
𝙷𝚘𝚗𝚎𝚢'𝚜 𝚂𝚝𝚛𝚊𝚠𝚋𝚎𝚛𝚛𝚢
Fanfictionအကြွေးနဲ့သိမ်းခံလိုက်ရတဲ့(ရောင်းစားခံလိုက်ရတဲ့)ဂင်မ်ဂယူးဗင်း🥭🎀 Start date - 16.5.2025 End date - 7.6.2025
