فاتنة الآسر 🔞🔥 [مـكـتـمـلـة]

part : 32

النݣافات طلعو دعاء لبسوها قفطان آخر كان باللون الأخضر وبدلو ليها المشطة وحتى الميكاب وطبعا داروه خفيف كيف قاليهم أيوب.. جات فنة وهاد اللبسة جاتها حسن مللي قبل .. دخل عندها أيوب وثاني داخ فيها حمقاتو وهي كيعجبها الحال فاش كيمدحها...

نزلو بجوجهم فالدروج وهاد المرة قبل يخرجو بجوجهم .. ركبو دعاء فالعمارية .. أما أيوب رفض انه يطلع فعمارية أخرى بقا واقف قدامها وهما هزوها خارجين بها..
مرة أخرى ݣاع الأنظار تحولات ليهم دعاء فوق العمارية مبتاسمة كتشير بيديها وأيوب واقف سابقها وحتى هو مبتاسم ..
كان مغني سابقهم كيغني وفجهة أخرى كانو واقفين الشيخات اللي طلبات دعاء كيشطحو على أنغام الموسيقى .. دعاء شافتهم وجاتها الضحكة من فوق العمارية ماكانتش كتظن غيديرها .. وبعد مدة وهي فوق العمارية .. حطوها حدا داك الكرسي اللي كتݣلس فيه.. ووقفو كيتصور هي وأيوب ... بوضعيات مختلفة مرة يبسوفها فراسها ومرة يحاوطها من خصرها .. المهم وثقو أي لحظة فهاد العرس..

فيروز كانت ݣالسة مبتاسمة وهي كتشوف فختها فرحانة .. وليدتها كانو فيديها كتبوس فيهم مرة مرة.. حسات بيهم عياو وناضت وهما فيديها ودخلات لداخل طلعات بيهم لواحد البيت كان حاطة فيه حوايجهم..

حطاتهم فوق الناموسية بدلات ليهم ليكوش وخلاتهم كيلعبو على راحتهم وهي كتضحك معهم .. واخا باغية تحضر للعرس كامل ولكن ولادها اهم من اي حاجة .. بقات معهم حتى جاهم النعاس ... وعطاتهم البيبرون ديالهم حتى نعسو .. وتكات حداهم ماعطاهاش خاطرها تخليهم بوحدهم.. خافت توقع ليهم شي حاجة وبقات معهم ..

داز الوقت ..
دعاء بقات من لبسة للبسة حتى عيات وسخفات بغات غي فقاش تسالي .. وجاها الجوع والخلعة كلشي تجمع عليها ..

كانت ݣالسة حداها أيوب وهي ساهية جهة الشيخات كتشوف فيهم مبتاسمة..

وأيوب فقاش ماكيشوف فيها كيلقاها كتشوف فيهم وهزها : وااختنااا شفتك خليتيني انا وكتشوفي فيهم هما ؟؟؟

دعاء شافت فيه وبتاسمات : وامقودين كنحبهم تفرج فيهم حتى انت المتعة..

أيوب صغر فيها عينيه : نشوف فيهم ماكتغيريش؟؟

دعاء : شفتي الشيخات أحبي غي شوف فيهم والله مانغير..

أيوب جاتو الضحكة : مسطية..

دعاء ضراتها ضراتها كرشها من الجوع ونطقات : وا أيوب راه فيا الجوع فقاش غنتعشاو..

أيوب شاف جهة البوڤيت ونطق باهتمام : شنو نجيب لك ؟

دعاء دلات شفايفها: والا انا بغيت نتعشىاااا ..

أيوب هز راسو بأه: واخا احبيبة دبا ..

دعاء بتاسمات وهو شافت جهة نوفل وشير ليه باش يجي لعندو وقاليه يقوليهم ينزلو العشا...

داز الوقت .. فيروز بعدما فاقو ولادها نزلاتهم وݣلسات فبلاصتها... أيوب ودعاء حتى هما جاو ݣلسو حداهم باش يتعشاو.. بعد مدة قليلة تحط العشا اللي كان عبارة عن حولي مشوي فوق كل طبلة .. وبعدهم تبعوهم بالبسطيلة المغربية وأطباق فخمة أخرى..