فاتنة الآسر 🔞🔥 [مـكـتـمـلـة]

part : 32

أما هما نزلو من الدروج اللي كيخرجو لوسط الجردة فين كاين الحفل.. ݣاع الحضور وجهو عيونهم ليهم والصحافة حولات كاميراتها ليهم ..
دعاء حسات بالتوثر وأيوب كان مبتاسم فرحان .. بقاو كيتمشاو فوق داك السجادة الحمراء الطويلة.. حتى وصلو للݣليسة المخصصة ليهم كانت مزينة بالورود الممزوجة ألوانو بين الابيض والاحمر .. النݣفات قادو دعاء فبلاصتها ݣلسات وأيوب ݣلس حداها حط يدو على يديها وشاف فيها مبتاسم وقرب لودنيها ونطق بهمس: كنبغيك..

دعاء بقات مبتاسمة كتحاول تحافظ على هدوئها وأيوب كيقرب ليها لودنها كل مرة كيقولها شي هضرة تضحكها..

العائلات بجوج كانو ݣالسين فطبيلة وحدة نورهان كانت حدا أمجد اللي هاز لؤي بين يدو وهي كانت لابسة قفطان فالأخضر دايرة معاه فولار فنفس اللون جات زوينة بزاف وأمجد كل مرة كيلوح ليها كلمة كيخليها غارقة فحوايجها ..

غزل حتى هي كانت ݣالسة معهم لابسة قفطان فالأرونج طالقة شعرها الأشقر ودايرة ميكاب خفيف جات كتحمق ..

كان واحد المغني كيغني أغاني شعبية ضايفة للمكان بهجة وحماس اكثر..أما البوفيت فكان فاخر ومتنوع. الطاولات كانت معمرة بجميع أنواع المأكولات اللذيذة، من المقبلات إلى الأطباق الرئيسية والحلويات. كانو كاينين مقبلات مغربية  وكذلك  عالمية باش ترضي جميع الأذواق. الحلويات كانت مزينة بشكل جميل وكتفوح بريحة الزهر والفانيليا.بالاضافة الى عصائر متنوعة..

دعاء وأيوب كانو مراقبين الوضع وفرحانين ببعضياتهم وأيوب قرب لدعاء ونطق فودنيها : شبانليك نمشيو دبا ماعندنا مانديرو لشي عرس أنا بغيت المعقول..

دعاء شافت فيه : شمن معقول..

أيوب بتاسم ونطق : بغيت نحو*يك..

دعاء خرجات عينيها بصدمة وهو بقا كيضحك عليها وهو نطق : شحال وانا كتهربي مني ولكن اليوم والله مانفلتك..

دعاء قربات لودنو ونطقات: مالك دبا كتخلعني خليني نفرح فعرسي أصلا قلتي غنمشيو لاسبانيا فاش نساليو .. اذن خاصنا فاش نوصلو نرتاحو..

أيوب ضحك ونطق : ماشي مشكل أحبي نحو*يك ونعسو..

دعاء ماموالفش كيقول ليها داك الكلمة حشمات منو وخشات راسها فكتفو وهو جاتو الضحكة عليها : نوضي الحمقة صافي ..

دعاء هزات راسها كتغبن : ماغتديرلي والو ياك..
أيوب : لا..

دعاء : شنو اللي لا..

أيوب بتاسم : غندير ليك..

دعاء جاتها البكية : حشومة عليك هانا تقلقت..

أيوب : واصافي ماتقلقيش دبا نفكر ..

دعاء هزات راسها بفكر : صافي عفاك فكر ..

أيوب زير ليها على يديها .. وبقاو كيشوفو فالناس واللي كيجي عندهم باش يتصور معهم كيعطيوهم وقتهم ويضحكو معهم..  حتى من العائلة ناضو كيتصورو معهم باش دعاء تمشي تلبس لبسة أخرى..