اوراقٌ مَنسية

part 7 + part 8

مرت فترة طويلة واخيراً اجه آسر

- يلا آماليا گومي خل نطلع منا

گمت اركض اخاف يغير رأيه طلعني من الغرفة مشينه بممر عريض و طويل نفس الغرفه هم قذر و مابي ضوة

وصلنا لنهاية الممر اكو باب فتحها بالمفتاح و طلعنه انصدمت من جمال المكان بيت كُلش چبير والاثاث يجنن كُله ابيض ومطعم قليل بذهبي والوان رسمية

نصيت عيوني و مباوعت على اي شيء حتى ميگول هاي مشايفه اني حالياً همي اطلع من هذا المكان

مشتاقه لمارتينا و لشغلي و لبيتي حتى رَمْـد اشتاقيتله

طلعنه من البيت باوعت هذا الشارع اعرفه عدنه بيت بي

انصدمت يعني خاطفني و بهيچ مكان هاي منو يصدگ اني ادري الخاطفين يحطون المخطوف بصحراء مو هنا

تمشينه بأتجاه السيارة صعدت بالسيارة انتظرة يصعد باوعت عليه ديخابر خلص وصعد و انطلق...

ضلينه نمشي والطريق حيييل طوّل لحد ما وصلنه لطريق اني اعرفه هذا مو طريق البيت و لا الشركه و لا حتى بيت اهل لُبيد

- آسر هاي شنو منين جايبني

- شبيچ طريق مُختصر

- لا ماكو طريق مُختصر منا اني اعرف كُلش زين
وين موديني احچييي ترا والله افتح الباب واشمر روحي

- سويها اذا سبعه

بدون تفكير رأساً حاولت افتح الباب لكن مقفوله ضليت ارگع بالسيارة و الباب و احاول اشوشه و الزم بالستيرن افر بي و هوَ ميسوي ايي شيء فقط من الزم الستيرن يدفع ايدي

استسلمت للأمر الواقع و گعدت و سكتت و مرت فترة نصف ساعه هيچ شيء و وصلنه للمكان المنشود

صف السيارة و نزل فتحلي الباب و گال

- شتنتظرين ست آماليا متنزلين؟

نزلت گالبه وجهي جرني من ايدي و ضلينه نمشي فات بفرع ضيق و هم ضل يمشي بعدين طلعنه من الفرع باوعت ساحة كُلش چبيرة و بنص هاي الساحه سيارات كومةة من شافونا اجينه كلهم نزلوا

خفت خوفف مو طبيعي شراح يصير شراح يسوون بية معقوله يقتلوني

وصلنه يمهم ضل واگف يباوعلهم فترة بعدين شمرني بأتجاههم رأساً لگفني واحد منهم و حط كلينسه على خشمي و وراها فقدت الوعي..

گعدت على صوت انين واحد فتحت عيوني باوعت على نفسي مربوطة بحبل سميييك

دورت انظاري بالمكان شفتة مكان عادي يعني غرفه عادية مصبوغه ابيض مابيهة اثاث فقط اشياء عشوائية

مو مثل هذيچ الغرفه القذرة هاي الغرفه فقط ناقصهة گلوب اكو شباك كُلش كبير گزاز ومتروس كتائب يمكن حتى ضحاياهم ميهربون

بديت ابحث بعيوني عن مكان صوت الانين شفت طفل مبينة بس رجله حاطي ورا برميل خطيه چان يون مااعرف شبي

چنت مااگدر اركز اكثر وعيوني مغوشه وراسي ديوجعني حيييل

ردت اطلع صوت حتى يجون يشوفون هل طفل المسكين

بس بعدها تذكرت انو اني مو يم آسر.!

آسر انطاني الهم.!

حرت مااعرف شنو اسوي نزلت دموعي بضعف مقهورة على نفسي و على اختي زحفت يم البرميل و رفعت رجلي و دفرته وگع و طلع صوت عالي لان الغرفة فارغة فَـ اكو صدا

على اثر هذا الصوت طب رجال للغرفه يركض حچه بصوت خشن

- شكو شبيييچ؟؟

انخلست من عيطتة هاي و حچيت بتردد

- هذا الطفل دا يونون تعال شوف شبي

- باقين عليچ احنه حتى نشوف شنو بي

اجه شاله وطلع من الغرفة ارتاحيت شويه چنت مقهورة عليه صوته يقهر

ضليت گاعدة فترة طويله بهذا المكان حايرة مااعرف شنو اسوي

مرت فترة و اجه نفس الرجال حط صينية اكل وطلع باوعت بالصينيه حاطين تمن و روبة  و گلاص مي

لعبت نفسي من ريحة الروبة اكرهها اموت منها اني چنت جوعانه فَـ اخذت بس التمن و اكلته

حطيت الماعون بالصينيه و دفعتها من سمعت صوت خطوات يم الباب

وجهت انظاري للباب انتظر اللي راح يدخل بس اللي دخل صدمني صدمة عُمري

الرجل اللي دخل هذا نفسه اللي جابه آسر مدمى من چنت بهذيچ الغرفه.!

الدعلج.!!!!!

_____________♕______________

# نضل نكتب لحد ما نشتهر 🌚💅

ايي شنو التوقعات شتسوي آماليا يم الدعلج؟ 💅

و الدعلج أصلاً ليش جابهة شيريد منهة؟ ✨✨

باي جُـوَياتي🤏🏻🎀