قاطع سلسلة افكاري صوت آسر و هوَ يصرخ بقوة
- لكك عبالك تفلتت منيييي و الله لأرجع اجيبككك سهلةة يالدعلج سهلةة نتقابلل و وكتهة شوف شراح اسوي بيك
- الله و ايدك
نطق هذا المُسمى بالدعلج هاي الكلمتين وعاف آسر و طلع چنت اراقب من فتحه القفل مال باب
استغربت كُلش هواية شلون گدر يطلع اذا هوَ مخطوف وليش آسر مگدر يبقي؟
تنهدت اباوع بالمكان هذا مو مكاني اني شسوي هنا؟ اني مكاني ببيتي يم مارتينا شسوي هنا
كُل يوم يزداد خوفي اكثر من اليوم اللي قبله بسبب عدد الرياجيل الموجودين برة الغرفة
اليوم صارلي 9 ايام بهذا المكان و بهاي الغرفه الباردة الخايسه اللي بحياتهة مشايفه بحياتهة ادوات تنظيف
طب آسر يترنح بالمشية و يتمتم بحچي ممفهوم باوعلي من فوگ ليجوة بنظرة رخص و ابتسم تك خد و دار وجهة
گعد على الجهة الثانيه ..... ضل گاعد فترة قصيرة و بعدها تمدد و نام
ضليت اباوع عليه اريد اكله بسنوني كارهتة هالرجال كُلششش و مطايقه اشوف و جهة أبداً
قررت بس يگعد احاچي بهدوء و احاول اسايسة اريد افهم سبب وجودي هنا وجودي ابداً ما ألة معنى
ضليت انتظرة يگعد على نار بس تأخر بالنوم كُلششش
واخيراً بعد مرور ساعتين تقريباً گعد عرفت الوقت من الساعه اللابسها تقربت عليه شفت وابتعدت رأساً خفت يگعد اول ماگعد باوعلي و گام يريد يطلع
- لحظة آسر اريد احچي وياك
- احچي شعندچ
- اريد اعرف سبب وجودي هنا
- ماكو سبب اني اريدچ گدام عيني وخليتچ گدام عيني و هاي هيه
- شنو الهاي هيه؟؟ يعني بهل بساطه عندك؟ اني عايفه بيتي وشغلي واختي وگاعدة يمك بدوون سبب؟؟
- آماليا شتريدين؟
- اريد اطلع منا
- حقچ صارلچ هواي اليوم العصر حسبي نفسچ طالعة منا
گالهة و طلع ضلييت انتظرر يجي العصر اريد بس اعرف كلامة صدُك لو چذب
YOU ARE READING
اوراقٌ مَنسية
General Fictionفي عالم بعيد، حيث تتراقص الظلال تحت ضوء القمر، كانت هناك أوراق قديمة تتنفس أسرارًا غامضة. كل ورقة تحمل قصة منسية، كأنها تشكو من الزمن الذي مضى. الأسماء المكتوبة عليها تتلاشى كأنها كانت مجرد حلم، ولكن الحكايات التي تحتويها لا تزال تتردد في الأذهان، ك...
part 7 + part 8
Start from the beginning
