Usa ka madugo nga insidente ang nahitabo kagabii sa usa ka panimalay dihang 99% nga kagaw ang napatay sa kalit. Ang salarin? Isopropyl Alcohol nga wala'y kaluoy nga naglaglag sa halos tanang mikrobiyo. Apan ang usa ka 1% nga nakasurvive, padayon pang ginapangita sa mga KPulisan (Kagaw Patay Pulisan), usa ka espesyal nga yunit nga nagapanalipod sa kahimsog sa katawhan.
Ang Eksena sa KrimenMatud sa saksi nga si Kamot, "Naguol ko kay grabe ang pagpangamatay. Gibubo lang nako ang alcohol sa akong palad, unya sa kalit lang, nangamatay ang 99% sa akong lawas. Ang 1%? Nakasibat, murag mas kusog pa kay sa kriminal nga nakaikyas sa presohan!"Ang mga awtoridad sa kahimsog misusi sa lugar ug nakadiskubre nga bisan pa sa gahom ni Alcohol, adunay pipila ka resistant nga kagaw nga nagapanuko pa sa lawas sa tawo.
Ang Pahayag sa KPulisanSi Hepe Hand Sanitizer, nga nanguna sa operasyon, mipahayag, "Dili ta magkumpyansa. Bisan 1% lang ang nabilin, dako kini'g tsansa nga mopadaghan pag-usab. Kinahanglan nato ang suporta sa tubig ug sabon aron matabangan si Alcohol sa iyang misyon."
Nagpabiling PeligrosoAng publiko gipasidan-an nga dili lang magdepende sa alcohol, kundi maghugas og kamot gamit ang sabon ug tubig, ug maglikay sa paghawid sa nawong kung gikan sa gawas.Ang Pangutana:Makaplagan ba sa KPulisan ang nakasibat nga 1% kagaw? O makapangita ba kini og bag-ong biktima? Magpadayon ang imbestigasyon.
- Sad Girl
Manunulat sa Davao City
Pebrero 27, 2025
