ياسعود شفتها صدفه ومحلى الصدف فيها

Part 11

حائل"
طلعت من مكتبها تتمشى و تفكر بريهام قاطع تفكيرها صوت ام حازم تنادي عليها: لينن
لفت لين وسعت عيونها شافت ورد بحضن حازم و حازم يرجف ركضت لهم: بسم الله وش فيه
ام حازم: ورد عليها حراره و حازم خايف عليها
اخذت ورد: ما فيه شي يخوف حراره بسيطه و بتخف
ركضت للغرفه تقيس حرارتها و اعطتها علاجها
طلعت لين: الحمدلله حرارتها شوي مرتفعه اعطينها علاج و هي نايمه الحين
ام حازم: الحمد لله يارب انا بروح عندها ، دخلت ام حازم
لين: حازم ما فيه شي يخوف عادي كل الاطفال بالسن هذا يتعبون من البرد معليك و هاذا انا امس قلت لك ورد معنا ما نبي نطلع بالبرد بس ما سمعتني
حازم كان يطالع فيها كيف هي تعاتبه و بنفس الوقت تخفف عنه اختفت من انظاره و دخل عند ورد

مكان ما زرناه"

دخل معصب خطته هالمره فشلت جلس على الكنب و يصرخ : كل عاده تفشل ولا طلعت متزوجه ومين الضابط حازم بعد
دخل رجاله: وش فيك
راشد بعصبيه: طلعت متزوجه و فوق ذا كله ماهي بالقصيم الخطه فشلت
رجال1: يعني نقفل غرفه الكهرب
راشد: اي قفلوها اذا تمادت ما ترد ولا ترسل لي جهزوها
دخل رجال3: راشد عرفت شي عنها
فز راشد: بشر وش
رجال3: عندها بنت عمرها تقريبا سنه
عصب زياده راشد: عندهاااا بنتتتتت سمعتووووو انا وش اسوي الي فوق حابسهم انا ابي لين جيبوهاااا
رجال2: اليله او بكره و هي عندك
راشد ابتسم: كفو عليكم

المستشفى "
طلعو حازم و امه و ورد معهم نطقت ام حازم: وين مكتب لين
اشر عليه: هناك
ام حازم: بروح لها ،تقدم معاها و شافوها سانده راسها بين كفوفها و عينها على المكتب
ام حازم ركضت لها: بسم الله عليك فيك شي
فزت لين: بسم الله لا ياعمه ما فيني شي
ام حازم تنهدت: خوفتيني عليك
لين طالعت في ورد الي بحضن حازم: كيفها ورد
حازم بهدوء: حمدلله بخير
ام حازم: مشينا تجين معنا يا بنتي
لين: والله مقدر يا خاله عندي عمليه بعد شوي
ابتسمت: زين ربي يوفقك يا بنتي ، طلعو متوجهين للبيت و لين جلست بالمستشفى

القصيم"
دخلت غرفتها بعد يوم متعب و تروشت و لبست بجامه مريحه و جلست على جوالها وصلت لها رساله من سيف الانستا : كيفك ريهام
ردت عليه: هلا بخير الحمدلله
سيف بضيقه: ريهام صراحه مدري وش اقولك بس انا حبيتك و تعلقت فيك و اساسا ناوي اني اتكلم معك و اخطبك بس فات الاوان و جدتي لقت لي عروس و انا ما ابيها ابيك انتي
وسعت عيونها من اعترافه المفاجئ و تضايقت لانها تحس بشعور حب اتجاهه ردت:
صراحه صدمتني بأعترافك و اساسا علاقتنا هاذي ما ترضي الله لاكن ربي يوفقك بحياتك و مهمها صارت الظروف لا تقسى على زوجته و ربي يوفقك و يبني بيتك اعتقد وصلنا الرحله الاخيره شكرا على وقفتك معاي و ضحك و وناستك معي و ربي يوفقك و نفس ما قلت لك انساني و شفت زوجتك مع السلامه"
اعطته بلوك و دموعها على خدها قفلت جوالها و انهارت
اما سيف الي دموعه ما وقفت اول حب له و انخذل و كرهه الحب وساعته