الليل خاطر علي يحاجي جدي وأبوي بخصوص
الموضوع بقينه نحسب ساعه ساعه دقيقه دقيقه
منا لمن صارت المغرب سوينه عشاء وصلينه
تعشينه وغسلنه المواعين وصبينالهم الجاي هذا كله
على السريع خاطر نسمعهم شنو يحجون هههه كملنه
ورحنه يمهم الحمدلله بعدهم ما فاتحين الموضوع
كعدنه شويه تحمحم علي وكال الله بالخير عليكم
جاوبو الله بالخير والعافيه كله التفتت عليه كال
يابه عندي موضوع وياكم كاله أبوي أتفضل
أبني كول
أني ناوي أكمل ديني وأريد أخطب
الرهاب : اي أبني من حقك وليش لا والبنيه
موجوده ومن باجر اذا تريد أخطبه الك
جدي على يابنيه جاي تحجي
الرهاب : رحمه مو هيه كدامك والحمدلله صارت
مره چبيره ومعدله وهم رابيه على ايدك
علي : جدي تحجي صدكك رحمه تدرون بيه معزته
مثل زهراء وجمره اعتبره مثل أختي وما يوم فكرت
بيه بغير شيء مستحيل اخذه وأني أصلا
أحب بنيه وأريد أخطبه
الرهاب : ولكك ما تستحي على طولك تحجي كدامنه
هذا الحجي تحبه شنو وانت تدري ماعدنه واحد
يتزوج غريبه كله منه وبينه افتهمت لو لا
جدي والله هاي المره أعذرني كل مره أخذ بحجيك
وعلى عيني وراسي بس اليوم ما أكدر مستقبلي
وأني أعرفه كلش زين ولو هيه لو ما أخذ غيره
والله وأني كتلك
الرهاب : تتحداني شنو والله على جثتي تريد طبب
غريبه بيناتنه وشنعرف احنه منه أصله فصله
كتلك اني تسويه أذبحك والله
صارت عركه شكبرها وعلي كام يتهدد على جدي يكله
لو هيه أخذها لو ماكو وجدي ما يقبل أخر شيء طلع
YOU ARE READING
اوريانا المُهيب (التيَمُم)
Mystery / Thrillerفي عالمٍ يتنفس النار والجبروت... ولدت أوريانا من رماد القيود، تحمل في عروقها جمرًا لا ينطفئ، وصوتًا سُجن طويلاً خلف قضبان الظلم. حفيدة الطاغية الذي أحرق الأرض لينجو بنفسه، لكنها اختارت أن تحترق لتُنقذ الجميع. حين تُفتح أبواب "التيَمم"، ويختلط النقاء...
part 10
Start from the beginning
