دَگــة حـِـنــچ

part 2

بدور: هذا سجاد من راح للكلية الصبح يتعرك ويه ذبان وچه
خوله: هو اليصير بل كليه هنياله انا هذن بناتي بكلشي عوبات لا بالدراسه فالحات لا بشغل البيت دوث ياكلن وينامن..

بدور: چا شنسوي بعد..
ــ هنا من صغرهن ثول ربحي بالولد غيث وآياد...
ــ انا عكسچ نورهان و سجاد وباقر بالضيم يالتنشد عليه.

غيث: ليش عمه شبيهم باقر صار معلم وسجاد بعد ما رسب بالسادس سنتين طلع معدل وراح هندسه..
بدور: الحمدلله هي نعمه وصلو، بعد بقت بس وردتنه الصغيره..

ابتسمت ودرت وجهي عليه دزيتلها بوسه بالهوى وهي ضحكت وگلتلي..

ــ شونها دراستچ
ــ الحمدلله..
ــ درسي زين ونجحي محد يفيدج..
خوله: درسي هيَ هاي اخر سنه الچ بالمدرسه ادور تبطلين.
نغم: ليش عمه انا ما ابطل..
خوله: چا البنات كلهن بطلن شني انتِ وحد؟

بدور: خيه خليها بلكي يقبل عمي تبقى وتخلص دراستها.
نغم: گتله جدي انا شاطره مو مثل بنات عمي واطلع طب واصير دگتوره وتتفاخر بيه گدام الوادم وتگول حفيدتي دگتوره..

خوله: ليش شبيهن البنات؟
غيث: كااااافي سدو الموضوع انا گاعد وانتن تتناگرن..

رجعت اباوع للتلفزيون وگلبي محترگ
گامن عمه بدور وعمه خوله للمطبخ وبقينه
گاعدين وحدنه الهدوء محاوطنه..

گمت من مكاني لان ما احب اگعد وياه بنفس المكان ولا اريد ينفتح موضوع بيناتنه ونبقى نتعارك طلعت من الصاله تلاگيت ويه سجاد دخل من الجامعه..

ــ يا اهلاً بست الكل..
ــ اززيك ياخويه؟
ــ زي الزفت..
ــ اريد يوم بحياتك تگول الحمدلله..
ــ ولچ اسكتي مني توني راجع من امتحان ومشگوگ شگ من البارحه لليوم اقره وكلمه ما جاوبت..

ــ چا شقريت..
ــ ما اتذكر..
ــ خرب حظي..
ــ وحظي النايم بالخـ**
ــ وخر خلي افوت..
ــ وين موليه؟
ــ شعلللليك..
ــ تفضلي اختي..

اول ما عطت بوچه وخر مسوي روحه خايف ضحكت
عليه و رحت الغرفتي طلعت دروسي وگعدت اقره.

لليل گمت فرشت اسناني وباوعت على نفسي بالمرايه
شعري مظفور واصل النهاية ظهري..

طلعت من الحمام توجهت الغرفتي و لگيت غيث واگف بالباب فتحته نورهان..

ــ نغم هنا؟
ــ لا راحت للحمام، هاي اجت..

التفت عليه تقرب عليه ونورهان دخلت وسدت الباب
مدلي ايده بيها علاگه بيضه وگال..
ــ جبتلچ ذني الدفاتر..
ــ ليش؟
ــ خاف تحتاجين للدوام..
اخذتهن من ايده متردده بس بنفس الوقت فرحانه

ــ شكراً..
ــ ادللي بويا..

دخلت للغرفه وسديت الباب..
نورهان: شجابلچ؟
ــ دفاتر
ــ بالعافيه..
ــ الله يعافيچ..