دَگــة حـِـنــچ

part 2

بسم الله الرحمن الرحيم

« دگــة حـنـچ »
«آمنه عادل»
🌼لا تنسون التصويت لطفاً🌼

♡
♡
♡

گلبَي علىٰ گدي و حِزنَك هُواي .

ــــــــــــــــــــــــــــ

ضربت بالسرج على الخيل وركض بكل سرعته الهوى يضرب بوجهي وشعري طاير والضحكه مرسومه على وجهي ناسيه انا نغم العاشت حياة متدهوره..

فريت البستان كله ورجعت للأسطبل وگفت بـ الباب ونزلت من الخيل وانا اگول..
ــ عمو كُميل احلى فره اخذت من احلى حصاان..

طلع جدي وغيث من الاسطبل و وراهم عمو كُميل
كاظم: چنتي صاعده بالخيل يابت سالم؟
نغم: اي..
كاظم: اليوم اربيچ اناا من جَده وجديد...

كميل: ابو كريم من رخصتك بس خلي افهمك..
كاظم: شتفهمني هااا ولك اناا وحده من بناتي تركب على الخيل وتفرفر؟
كميل: عمي هي ما چانت راكبه على الخيل چانت لازمته تفره بالمكان انا طلبت منها..

غيث: چا ما فريته انتَ كميل كلشي يصير..
نغم: انا طلبت منه..
كاظم: نغم انا تصرفاتچ كلها ما تعجبني و ما الومچ الوم حفيدي الچبير ومرتي الدللوچ زياده وخربو تربيتچ..

نغم: يَابَا ما سويت شي غلط انا چنت ضايجه وگلت اطلع بالبستان..
كاظم: امشي طبي جوه انوب اللسان هاطوله.

دخلت البيت ام كميل ساعدتها بالشغل وهي تسولفلي
وانا مستمتعه بحچاياتها من گد ما حنينه حتى صوتها
دافي..

للعصر يلا رجعني عمو كُميل تشكرت منه و رجعت النفس الضوجه الچانت بيه...

مرت الأيام روتينيه كلش وطلعت النتيجه مالتي ناجحه
وبنات عمو كريم رسبن وابوهن بطلهن وخلصت منهن گمت أروح للمدرسه وارجع وحدي وما انتظرهن چانت جده تطيني مصرف يوميا بدون ما يدري جدي ومادري ليش چانت ما تقبل اگول الواحد..

تفكيري دائماً اني ما اريد اخليهم يصرفون عليه
ويجوز بسبب كلام خوله من چنت صغيره الحد هسه كل
ما تشوف واحد جايبلي شي تگول«عايشه ابلاش» ليش
هو اكو طفل يصرف على روحه غير الأهل يصرفون عليه
كلامها واني طفله أثر بيه كلش هواي بسببها چانت مشاكلي
ونزاعتي النفسيه تزيد..

اتظاهر بالهدوء والا مبالاة بس انا داخلي خراب وكل كلمه تهدم هواي اشياء بداخلي ومن ابتعدت عن غيث زادت..

دخلت للصاله چان غيث گاعد وعمه بدور حاطه صينيه
بيها تمن وتطلع من عنده الوصخ وعمه خوله تلگط خضره
وغيث يباوع بالجريده ويسولفون، رحت للتلفزيون وشغلته وگمت اسمع باخبار وخرابيط كلها ما تهمني بس علمود ابقى گاعده وياهم..