هوس العيون

part 4

رقـيه :: والله مامجبور ياخذني علئ اساي ميته
عليهم اني طبهم مرض اهم شب اني عاجبني
الساني وتصرفاتي مو مهم زوجيي

- لا والله

رقـيه :: اي عيني جا شنو

بنـين :: كافي يمه صرعتني لاتندكين وياهن مايتحملن شقه هذني يلزمنج ويسحلنج

- منو وياها

بنـين :: ريتاج عبالج بس هيه لا حته اختها هي
معلمتها

ريتـاج :: ليشش يمه شبيه اني احسن ماتكون
فقيره وثوله مثلجن لا يمه ماريد اعلمها علئ
الثول طالعه قويه علئ اختها عفيه رقيه عفيه

رديت بفخر
رقـيه :: تربيتج اختيي

كالت وحده من البنات يضحكن عليهم

-بويه الله اليستر منجن انتن ولقران اني اريد
اعرف منو تعيس الحض الي الله راح يبلي بوحده
منجن الله اعلم يمكن انتن تتحكمن بي مو هوا
يتحكم بيجن

كالت الثانيه
-يمكن هن يصيرن رجال البيت مو هوا

كالت هيج واحنه نفجرنه بضحك صوتنه صار
عالي لحد ماصاح بينه جدي نسكت خنسنه كلنه
من الخوف وصرنه نضحك بصوت واطيَّ حاطين
ايدينه علئ حلكنه حته صوتنه ميطلع وناكل رزاله ثانيه

كملني البنات وراحن ثاني يوم الصبح
اخذوني للصالون ختاريت بدلتي حمره راحت وياي عمتي للصالون البنات كلهن يردن يرحن وياي بس عاطت بيهن عمتي وماخلت وحده تروح وياي

رحنه بس اني وياها سوت اليًّ المكياج طلعت
من ساعه 8الصبح ورجعت بـ 4العصر تقريباً
جان هوسه بصالون وتاخرنه اول ماصولت

شفت نسوان هواي جايت من عمامي وخوالي
وجوارينه كعدوني بالكرسي اجن البنات
كعدن يمي وجهال يتعاركون علمود يكعدون
يمي علمود البدله. صارت هوسه وخنكه

~ رقيه ~

اول مادخلت بنين بدا الهلاهل وصياح الاطفال
يصيحون

-اجت العروسس اجت العروس اجتتت

كعدت صاحت عليَّ مرت جدي
-رقيييه تعاي تعايي

رحت يمها كلت

رقـيه :: ها؟

- روحي عدليي الكحله والحمره مال بنين ماكدر
ادخل اني شوفي هوسه وجهال

هزيت راسي ورحت دخلت بين جهال هوسه واني اصيح عليهم
رقـيه :: وخرووو شويه شنيي هيه ماشايفين
اخذو جهالكم شويه خل تتنفس العروس يمه
شهل لزكه