وقف السياره بالكراج ونزلت قفل السياره ومشى بخطوات موازيه لخطواتها غنى تتامل الحديقه وكبرها كانت على مد النضر وجميله لابعد حد غنى لمعت عيونها بفرحه ومسكت يد بسام:بسسسام
بسام فز قلبه من مناداتها باسمه:هلا
غنى اشرت عند الجلسه الي مقابل نافذه غرفتها:فيه مرجيحه تو اشوفها
بسام ابتسم لفرحتها الغريبه:تو تشوفينها ؟
غنى هزت راسها:اي لانها بعيده عن النافذه تكفى بروح لها امانه
بسام حك دقنه :لو تشوفك جدتي تسبب لنا مشكله
غنى صدت بزعل:ممنوع علي لاني عديمه اصل؟ صح ان ما عندي اهل بس مو كل شخص ما عنده اهل فاسد او مايخاف لله ليش ماخذين فكره مو حلوه تجاهي؟
بسام ماكان مهتم لكلامها وسرحان بطريقه كلامها العفويه ونعومتها مسك يدها وحرك اصابعه على ضهر يدها:بحياتي مالمست مثل نعومتها
غنى رفعت عيونها وتلاقت بعيونه تآه في عيونها وجاذبيتها شبك يده بيدها :تعالي اوديك لها ياقسو قلبي لو رفضت طلبك
غنى نقزت بفرحه:مررره شكراً
بسام عض طرف شفته من فرحتها الطفوليه بحت مشى بخطوات سريعه وهي وراه ميلت شفايفها بتعب:ليه بعيده كذا
بسام :ماعندك ليياقه يابنيه
غنى عدلت نقابها وبطرف عين:مو بيت هاذا الدوله العثمانيه
بسام ضحك بصوت عالي:ههههههههههههه جبتيها اقسم بالله
غنى سكتت وعيونها تدور حول المكان باعجاب كانت المرجيحه من خشب بني والسلاسل الثنتين يلتف حولها غصن اخضر مزين بورد وردي وحولها ورد من كل مكان بشكل دقيق وجميل حيل :الله اول مره اشوف مرجيحه كذا
بسام كانت عيونه عليها وعلى كل حركاتها الي تبين شخصيتها العفويه اول مره يتمعن فيها حساسه اذا صار بقربها احساس اب تجاه بنته يشوف انها تحتاج الامان والراحه فرحتها بالمرجيحه مثل فرحه الطفل صحى على صوتها:عادي انزل نقابي؟
بسام تلفت يشوف القصر ماكان فيه نافذه تطل علىيها هز راسه:ايه ماحد ان شاءالله يشوفك
نزلت نقابها كانت الشمس تجاهها انكسرت عيونها من اشعه الشمس بسام جلس وهو يتاملها وهو مصدوم من نفسه ومن عيونه الي تتاملها بدون ملل على كثر ما مرو عليه بنات اشكل والوان ما اعُجب الا فيها وفي ندره جمالها كانت ترفع شعرها بنزعاج تقدم صوبها ووقف قدامها:وقفي ثواني
غنى كانت تتمرجح وبضحك:ابعد بسام لا اصقعك
بسام ضحك من ضحكها :وقفييي بعطيك شي
غنى بعناد:لا لا لا خلني خلني
بسام ابتسم وهو مذهول من شخصيتها الجديدة:لا والله تعانديني؟
غنى هزت راسها وهي تضحك بسام وقف قدامها غنى صرخت لانها كانت بتصكه بالمرجيحه غمضت عيونها وهي خايفه عليه مسك قاعده المرجيحه الي كانت جالسه عليها وصارت قريبه منه حيييل وصدرها على صدره نزل عيونه تجاه عيونها الي مسكرتها بخوف:افتحي عيونك
غنى فتحت عيونها بنرفزه:بسسسام ليه خوفتني ليش يامتهور
بسام ابتسم ونفاسها المضطربه تلفح وجهه:تخافين وانا حولك
غنى ميلت شفايفها:سراحه انت ما تؤتمن اامنتك على نفسي مرتين وخذلتني
بسام رفع اكتافه:وش تبيني اسوي انا ما اكون قريب منك دايم تعرفين انتي بصوب وانا بصوب ولما حصل الموقف الاول اعتذرت لك الموقف الثاني والله ما كنت في البيت ولا انا مستحيل اسمح لاي شخص يلمس شي ملكي لكن اخذ جزاه وشوفييي راسه عشرر رتب وكسر في عضمه الكتف وبعد في عضمه الساق وكسر في الذراع
غنى بذهول:امانههه كل هاذا سويته فيه؟
بسام بنص عين :طبعاً يستاهل يتعدى على محارم غيره وين احنى عايشين
غنى شتت عيونها بخوف:اخاف يصير شي اكبر من كذا
بسام ابتسم وعيونه تنطق أمان:لاتخافين دامني حولك
غنى ادركت قربها الغير معقول منه ونزلت راسها بسام كان مساك بيدينه الثنتين قاعده المرجيحه فكها فجاة شهقت ولفت يدينها حول رقبته ضحك وابعد عن المرجيحه لا توجعها وهو محوط خصرها بيدينه غنى ضربت ضهره بيدها:حيوان
بسام ضحك وجلس على الارض وهي بحضنه:اعجبتك الجلسه هنا
غنى بحماس وهي تحرك يدينها:مررره عجبتني ترا اول مره اشوف مكان زي كذا ودي اجلس دايم هنا
بسام اتسع ثغره ببتسامه:لا تطلعين من باب غرفتك شبر الا وانتي مرسله لي تمام
غنى بهدوء:تمام
شهقت من شافت وضعها وقامت ضحك بسام وهو معجب بفهاوتها الغير معقوله:ياحلوك ياغنى مفهيه صفه جديده
غنى ضربت راسه وهي تلبس نقابها:معطيتك الحريه
بسام وقف وهو يعدل ثوبه:والله ياحلوها من حريه خليني دوم كذا
غنى لفت له بتجاهل: نقابي مزبوط؟
بسام قرب لها وماصار الفارق بينهم كبير انحنى بضهره وصار قريب لها:مشكلتك قصيره لازم انحني لك نقابك انتي تحلينه ولا عليه ولا ملاحظه
غنى ميلت شفايفها :ماني قصيره انت طويل بزياده
بسام ابتسم ومسك يدها :قولي من بغى الورد ينحني له
غنى صارت ترددها وهو ذايب معها لفت له من قربو من الباب:مابي
بسام رفع حواجبه:ليه؟
غنى شتت عيونها ورفعت كتافها:يضايقوني بكلامهم
بسام لف لها ومسك كفينها بيدينه وبهدوء:ليش تتاثرين كلامهم ما يجيب ولا يودي ولاهو مغير من نضرتك تجاه نفسك اذا طنشيهم وعطيتهم طاف صدقيني يمليون ويسكتون تحملي وخليك صبوره
غنى اخذت نفس ويدها ترتجف بين كفوفه ميل راسه :ليه الرجفه
غنى:ما اتحكم فيها نهائيًا
لفو من انفتح الباب وطلعت لمياء بكامل زينتها وهي لابسه العباه الملونه مفتوحه وعليها بنطلون واسع بيج مع بلوزه بيضاء رسميه :بسسسام؟
بسام ابتسم وترك يدين غنى:هلا حبيبتي
تقدم لها وهي كشرت:وششش تبي؟
بسام عقد حواجبه:وين بتروحين ؟
لمياء وعيونها على غنى بحقد:بروح لصحباتي في الشليه عندك مانع؟
بسام:لا بسسس كنت حاب اجلس معك
لمياء طنشته ومشت بسام شد على يده بخيبه ونقل عيونه لغنى :شفيك؟
غنى هزت راسها بنفي:مابييني شي
بسام عقد حواجبه ببتسامه:مابيني؟
غنى ابتسمت بخجل :بعض الكلمات ماغيرتها من نطقها ايام كنت صغيره
بسام رفع حاجبه:وليه تعرفين تنطقينها صح بس تعاندين؟
غنى رفعت اكتافها بسام :يبيلي جلسه معك
مسك يدها وبهمس:سوي نفسك تعبانه
غنى لفت له بصدمه:شَيشَ؟
بسام عض شفته :والله مدري وش تقولين بس عشان مايشغلونك
غنى مشت معه بتمثيل وخطوات بطيئة وهومساندها :السلام عليكم
ردو بهدوء:عليكم السلام ورحمة الله
الجد:الحمدلله على السلامه
غنى بهمس:الله يسلمك
بسام بثقل:بوديها ترتاح عن اذنكم
الكل:اذنك معك
مشى فيها غنى رفعت راسها تشوف وجهه:طلعت تعرف تمثل
بسام ضرب جبينها:اسكتي ياطفله لا يسمعون ترا عندهم اذاني مثل الخفاش
فتح الباب الغرفه وابعدت عنه:بدخل ابدل ملابسي
بسام هز راسه :تمام انتظرك
غنى ناضرته مستفهمة ؟ بسام ابتسم بهدوء :بسولف معك بما انك فاضيه
غنى هزت راسها بهدوء ودخلت غرفه التبديل بعد دقايق طلعت وهي لابسه بجامه حرير علاق لونها ابيض على نقوش لونها وردي تعلقت عيونه عليها بعجاب غنى تحرك شعرها بعفويه:بسام ماشفت جوالي ؟
بسام سرحان فيها صحى على صوتها:بسسسام وين ساهي؟
بسام ابتسم يشتت عيونه عنها:معك وش كنتي تقولين ؟
غنى جلست على الكرسي :جوالي ماشفته
بسام طلع جوالها من جيبه ومده لها:حافظي على اغراضك ترا ماهو دوم تسلم الجره
غنى بعدم الفهم:كيف يعني؟
بسام :تعرفين معنها بعدين تعالي جنبي
غنى قامت وتوجهت له كان جالس بنص السرير وبيده كتاب جلست متربعه قدامه وميلت راسها:ايش هاذا؟
رفعت راسها وشافت عيونه على اكتافها العاريه بلعت ريقها بخجل :احم بسام
بسام بدون شعور مد يده يلمس باصابعه عظم الترقوه ونزل يده لعضدها كان معجب بنعومتها وبيضها الاسر لرجُل مثله انحنى بضهره تجاهها كتمت انفاسها من قربه الغير معقول وحراره انفاسه قريبه من عنقها جمدت كل خليه بجسمها من باس عنقها بحنّيه غنى ارتجفت وبهمس:بـ..ـسـ..ـام
بسام رفع راسه وبضحك يحاول يرقع فعلته:وش تبين؟
غنى انصدمت من ضحكه وسكتت كمل بسام وهو ماد فمه:فيه جرح في رقبتك قلت اعطيه جرعه حنيه تشافيه
غنى نست توترها وبستغرب :كييييف حنيه تشافي؟
بسام مسك كفوفها بيده:لو يكون بيدك جرح من سكين وانتي بنفسيه زفت وش بتكون رده فعلك
غنى رمشت بعيونها مرتين:ببكي
بسام ابتسم:ولو بنفسيه كويسه
غنى عقدت حواجبها:ببكي
بسام رفع حاجبه:ولو بست مكان الجرح؟
غنى رفعت اكتافها:ببكي
بسام تنرفز وضرب جبينها:غبيه
غنى تاوهت وحطت يدها على جبينها:انا مو غبيه اقول لك الحقيقه
بسام تكاتف:برهني
غنى:ايش برهني؟
بسام ابتسم:برري ليه؟
غنى تحرك اصابعها بعدد حالات المزاج:اذا كنت بحاله زفت ببكي لان مابيدي حيله واذا كنت بحاله كويسه ببكي لاني بكون محتاجه احد يهتم فيه واذا احد اهتم ببكي لانه تحقق شي كنت ابيه بحالتي الكويسه
بسام كانت عيونه على طريقه شرحها البريئه والعفويه حك دقنه وبهمس:عادي احضنك؟
غنى انصدمت من طلبه وبلعت ريقها بسام:بس حضن مابي شي اكثر
غنى تعلقت عيونها في عيونه الواسعه بتشتت قرب بجسمه ناحيتها وحاوط خصرها بيده ويده الثانيه يمسح على ضهرها بهدوء بلعت ريقها من سيل المشاعر الدافية داهمتها بحضنه وكميه الراحه الي هي تحس فيها ماتعودت عليها شبكت يدينها حول ضهره وبكت بحزن تعبر فيه عن روحها المُتعبه ونظراتها الشارده وندوب لا تكاد تشفى بروحها تعبر مع كل دمعه مالحه ذبول مشاعرها كميه الوجع والوهم الي عاشت فيه من طفولتها اختفى من جمل نطق فيها بسام بدون مايعرف حالها قبل مايقولها همست بصوت متقطع:خـيـ...ـره يـاربـ..ـي ما ارحـمـ..ـك
بسام اوجع قلبه عليها وصوت شهقاتها يوجعه شهقاتها الي مامرت على مسامعه من قبل شهقات شخص عانا شي كبير شدها لحضنه اكثر وهو الود وده ينتشل حزنها ويحطه بصدره :بس بس يابنتي بس عذبتي عيونك ما اكتفينا حزن؟متى تبين الفرح يدخل قلبك ؟
غنى شدت يدينها ماتبيه يبعدها بسام ابتسم وهو يحاول يجلسها بحضنه:تعالي هنا
غنى هزت راسها بنفي:لالا تخـ..ـلـيـنـي
بسام غمض عيونه وهو يستشعر انكماشا بحضنه وكيف تبحث عن الامان والراحه ورافضه البعد تركها تبكي براحتها عشان يخف الحزن لو شوي بعد وقت جلست على رجوله وراسها على كتفه بسام حاوط بيده خصرها ومد يده الثانيه يمسح دموعها:ارتحتي؟
غنى هزت راسها بدون ماترد :نعسانه؟
غنى وهي تحس بنعاس تمتمت:لا تـروح
بسام دق قلبه بعنف من وقع كلمتها لف بجسمه وحطها بنص السرير حط المفرش عليها يدفيها عن بروده الغرفه تامل ملامحها وشي بداخله يجبره يضمها ويرافقها بنومها وشي يجبره يبتعد لين تتقبل وجوده هز راسه تاييد للخيار الثاني وقام من السرير طفى الضو وترك الابجوره وطلع
YOU ARE READING
مابغيتك من فراغ ولا تمنيتك عبث ✨.
Romanceبــلا عُنــوان "قال أنت جالس لحالك تنتظر من يجيك ؟ قلت أنتظر نفسي ، اللي ما أعرف وينها " روايتي الثانيه بقلم :أمالــيـا🤍🌷!.
