فرحَان داويت الغُصن
ثاري المرض بالشجرة
✨
گلب فجر عيونه بضجر حاس ان اذانه راح اطگ
علگد ما سولف مرتضى يحچي عليهم من طبوا للسيارة وهسة بقه بس نص ساعة ويوصلون للحفلة ومرتضى ما سكت ابدًا!
زينب تضحك عليه وهية گاضة مبايلها تگلب
بالتيك توك ودهَر حاط سماعاته البلوتوث ومو سامع شي بس شكله فجر راحت عليه وگضه مرتضى
يبهدل بيه.
لحد ما انفجر فجر يندار على دهَر يشيل السماعات
من ذانه ويضربه على چتفه يحچي وية مرتضى
"هذا مو دهَر!؟
احچي وياه هم مو بس اني تحچي علية! "
باوعله مرتضى وهو يلف الدركسون
يغير الاتجاه ورجع حچى
"انچب فوگ خيستكم الكم عين تحچون هم؟
ياباه شگد صلافة عليكم!. "
گلب فجر عيونه للمرة الألف يدير وجهه على الطرف الثاني ما رايد يشوف مرتضى او يسمعه تنهد ورجع تذكر حاچي بأنفعال وإنزعاج يسأله
"هسة ليش ما حچيت على دهَر بس علية
تحچي؟مسوين علية حزب مو!؟ "
ماگدر فجر يگض ضحكته الي فلتت مباشرة
دار فجر وجهه يباوع له ويخزره يريد يگوم يخنقه
سولف دهَر من بين ضحكه يبرر لتصرف مرتضى
"لأن اني گلت لمرتضى من امس قبل كل شي
ماريد اروح بسيارتك بس هوه اصرّ علي وگلت له
لعد ما تفتح حلگك وياي بحچاية وحلفته وهوه
حلف ما يحچي وياي لحد ما نوصل"
فجر الي حس انه مضحوك عليه يتبادل النظرات
وية مرتضى بمراية السيارة الزغيرة مرتضى
حابس ضحكته وبس انتبه عليه فجر فتح عيونه
بخفه وگض مسكة الباب رايد يطلع من السيارة ما يتحمل بعد كل هل استفزاز
مرتضى من شافه هيچ صرخ علي
"ولك فجر! فجر السيارة دتمشي عوف الباب!! "
ما سمع له فجر رايد يطلع من السيارة لحد ما
كمشه دهَر يوقفه
"خلص فجر اگعد.. السيارة دتمشي
هسة اذا تنزل تتكسر من الوگعة لو تندعم!"
گعد فجر يبعد دهَر عنه بشمأزاز حاچي
"من خرا عليكم وعلى اليطلع وياكم انوب! "
ما حچو شي لحد ما وصلو للمكان والقاعة
المسوين بيها الحفلة.
الي سوو الحفلة ثلاث اشخاص الواضح انهم
شركاء او شي. لا مرتضى حاچي ولا فجر لهل
سبب دهَر رايح على العمياني
چانو آخر الواصلين لأن تأخروا اربعين دقيقة.
نزلت زينب اول شي لابسة فستان أسود ساتان
طويل ضيگ ووياه كعب عالي باللون نفسه
و مرتضى الچان لابس بدلة انيقة
بنطلون أسود وجاكيت البدلة أحمر داكن
وحذاء كلاسيكي
YOU ARE READING
بَعد دهَر وجيِل
Fanfictionدهَر جيِل محضرلِك هوايه حچي بس كون اريدنك تچي بـ أولها نگضيها عَتَب تاليهَا نتشابگ بچيِ عراقية مثليه +
