🤍 خفايا القلوب 🤍

♕PART*.20 ♕

بعد ايام تدهورت الحاله وتوفه كانت قهره للجميع ولكن اميره فضلت على ذات الوضع خافيه ما تشعر به من الم وتخفى زعلها من زوجها ومن كيان التى لا ندعوه كره فهى لا تعرف كيف تكره احد..
عوده.. 

_ انا بحبك وهفضل احبك انت كنت سندى انت واولادى كل حاجه ليا هعمل بالثقه اللى كنت حططها فيا وهاخد بالى من لحمك هحاول اتقبل كيان وبنتها رغم ان ده صعب على كرامتى وقلبى بس دى على اسمك والبنت من دمك
اتجهت الى الحمام غسلت وشها ونامت شويه..

      .ــــــــــــــــــــــــــــــــــــــــــــــــــــــــــــــ. 
فى سيارة حيدر كان فى الطريق لشركة الموجى ومعه راغب اللى شارد
_ مالك يا ابني  فى ايه
_ الفلاشه دى فيها جريمة جدى اللى ارتكبها من 20 سنه
_ جريمة ايه  ..  هو اه جدك مجرم كبير بس مش معقول فى عليه دليل فلتت منه المراضى
نظر له
_ جدى اعتدى على الشغاله اللى كانت عندنا ومستكفاش علشان يخفى على جريمته حرق البيت انا كنت فاكر ان هو عمل كده علشان يخلص من بابا بس هو عمل كده علشان يغطى على الجريمه اللى عملها كاميرات البيت سجلت بابا جاب التسجيل من شركة المبرمجه للكاميرات وخفاها علشان تكون الورقه الوحيده اللى تحميه من شر جدى ولكن جدى اكتشف اكيد امال ايه اللى يخليه يقتله الا السر ده صح مكنش بيحبه بس مكنتش توصل لانه يرمل بنته وييتم ولادها الا لسبب قوى

_ يا اخى ايه الرجل ده انا بجد مش عارف هو جايب الجبروت ده منين
_ الفلاشه دى لازم اعمل منه نسخ تانيه انا معدش عندى ثقه فى اللى جاى
_ ادى لفايز نسخه.
_ داليا عاطفيه لو عرفت هتروح عنده وتفضح كل حاجه واكيد مش هيهتم بكونها حفيدته هيخلص عليها
_ على فكره انت واخد فكره غلط عن اختك داليا اعقل من كده بكتير يمكن هى طفوليا شويه  وحساسه بس عندها قلب كبير اختك مش زى ما انت فاكر
_ ههه اللى يسمعك كده يقول حب عمرك
_ هاهاها  ياخفه انت جايب منين خفت الدم دى يالا انا بتكلم على اساس فهمى ليها طول الفتره اللى شرفت بيها على بيتى
شرد راغب وهو ينظر الى الطريق
كان حيدر بيتابعه  ..
_ بتخطط لايه يا راغب
نظر له
_ انا هروح بيت جدى اقعد هناك
نظر له بعتاب 
_ وده ليه الخدمه عندنا مش عجباك
_ افهم انا لازم اكون جنبه حوليه احسسه انى معاه مش ضده لازم يحس بأنى دعمه الوحيد دلوقتي يقوم يبطل يحوم حولين اختى واخوك ومن تحت لتحت هسحب منه كل حاجه وادفعه تمن اللى عمله فى اهلى واختى المسكينه
‌_ محدش هيوافق على الكلام ده
_ لازم يوافقه لازم اعمل كده اختى فى خطر ومش بس هى واولادها وكل اهلك فى خطر ليث الكيلانى مش سهل ولا بيهمه حاجه غير نفسه ثم نفسه ثم مصلحته
_ شوف انت عاوز ايه وانا معاك
ابتسم له بأمتنان
صمتوا قليلا ولكن راغب اردف
_ ايه اخبارك انت وايسن
نظر له
‌_ عادى
_ تقبلت انها اختك
_ لا ومش حابب افتكر غلط ابويا اللى نتجت هى عنه
_ يعنى هى مش هماك بجد
_ لا
_ يعنى لو قولتلك دلوقتي انها شغاله فى شركة مسعود وليث بالشراكه مش هتهتم
اوقف السياره سريعا مما جعل صوت عالى يصدر من الاحتكاك بين العجل والارض
_ ايه الهبل ده
_ انت مش قولت مش همك
_ راغب  ..  تحدث بغضب
_ هى بتعمل كده علشان تذرع كاميرات فى الشركه وتوقع السستم لحسابنا احنا وبفضل مساعدتها الفتره اللى فاتت فايز كان بينتقل ليه صفقات كتيره وانجاز ملحوظ
_ فايز على علم بأنها هناك
نفى راغب  ..  لا هى محبتش حد يعرف غيرى وغيرها بس.
غصب بشده 
_ ايه الهبل ده بترمى نفسها فى الهلاك برجليها ليه فكره ان اخواتها ضعاف
_انت متقبل انها اختك بس بتطلع عصبيتك من ابوك عليها صح
نظر له بصمت
_ حيدر اختك بميت راجل انت لازم تكون فخور بيها مش كل شويه تهينها على حاجه ملهاش زنب فيها ولا علاقه بيها راجع نفسك وراضى اختك انت وفايز سندها فى الحياة لو وقعت هتجرى عليك او عليه بلاش تحسسها ان وجودها غلطه وملهاش لازمه انت كده بتغلط حط نفسك مكانها كنت هتكون حاسس بأيه
نظر له بصمت ومن ثم اكمل طريقه وظلوا صامتين طول الطريق