لَغوث وَألامان يِِاصَاحـِب ألزَمان 🤍🌱.
الهم صلي على محمد وآل محمد.
استغفر الله.
أل مُلهم،
ــــــــــــــــــــــــــــــــــــــــــــــــــــــــــــــــــــــــ
طلعت من المدرسه كاتلني الحر
اباوع على بنات كُل وحده وي صديقتهه وضحكهن خابص الدنيا تمشيت بوحدي اريد الحك على امي.
ركضت للبيت بسرعه شفت امي تريد. تنضيف
الغرفه كبل نزعت جنطتي ورحتلهه اخذت المكناسه منهه
.
فجر: يمه اكعُدي اني انضف مو كتلج لاتتحركين
: لايمه ماكدر اذا ابقى كاعده اتكسر
فجر: لا يمه اني اكمل روحي اكعدي
راحت امي وكنست الغرفه وجبت سطل خليت معطر ودايت وعصرت الوصلة ونزلت امسح خلصت لميت الغراض اخذت ملابس دخلت اسبح غسلت ملابسي وعفتهن ينشفن
طلعت حميت الغده وصبيت لامي والي
: يمه فدوة لاديج الحلوة تعبتي حيل
فجر: اني اروحلج فدوة بس اشوفج يروح التعب
: كون الله يكتبلي عمري واشوفج مرتاحه مثل البنات
فجر: الله كريم يمه تفرج
شلت الصينيه ورحت توضيت وصليت الظهر والعصر.
شربت امي العلاج ونومتهه وابديت بشغلي لف كُبه مثل علمتني امي اسويهه اسوي كميات جبيرة حتى ابيعهن اني امي ولدتني عن كبر اني واخوية ضيم ڰلبهه وتعبهه واني اجيت بعدين.
وابوية ماعرف عنه شي بس يكلولي ميت ام اخوية معبالك اخوية عدوي عنده سوالف مكسرة ويكرهنا دائما يضربني وياذيني بكُل طريقه
واني ماسكت ابقى احجي عليه هو يعيل كله هذا علمود ياخذ فلوس منه واني اشتغل علمود امي وعلاجهه عندهه خفقان وضغط.
انكسر ضهري من شغل لبيت للمدرسه التعب مبين على ملامحي رغم عمري صغير
في بعظ الاحيانن الصغير يتحمل مسؤليه اكثر من الكبير.
وهكذا لحد المغرب اني مخلصه 100 قطعه بديت اغلف بيهن واضمهن بثلاجه قليت للعشه النه وحظرت صينيه وتوضيت ورحت كعدت بعد مابيه اتحرك.
:-سوده عليه تعبت وانتِ باول عمرج
فجر: لااسم الله عليج هو العمر وياج يسوه عمري كُله
:-اغديلج فدوا على هل حجايات البغداديه
ضحكت لان ماما خلصنه عشه وصلاة بديت ادرُس وماما تباوع على تلفزيون.
سمعت الباب يندك عرفته هو.
اخذت جنطتي ودخلت جوة احنه بيتنه 50 متر استقبال وصاله وبنفس الوكت مطبخ وغرفه وبس
سمعت غلطه وفشايره وكفرانه.
ESTÁS LEYENDO
ٱل مُلهم
Misterio / Suspensoعندما تمر بحدث يصعب عليك التعامل معه عاطفيًا، قد تشعر كأنك تخرج من جسدك وترى الحدث كما لو أنه يحدث لشخص آخر. ويمكن أن يساعد الهروب ذهنيًا بهذه الطريقة على تجاوز الأوقات الصادمة أو المزعجة أو المؤلمة..
