اشتد حازم على يده بغيظ كلما تذكر ضمتها لذالك الشخص الغير واضح له ..
فى المساء عاد حيدر الى المنزل وهو بيدندن
كانت اميره قاعده مع حنين..
اميره . مزاجك رايق كنت فين يا ولد
حيدر . يا ست الكل انا مش طفل صغير انا شاب وكنت بصيع شويه
حنين . الصياعه مش حلوه لشاب خاطب
حيدر . لا انتى فهمتى ايه انا بصيع لنفسى انا مليش فى جو روميو والبنات وكده.
حنين . همم مؤدب يعنى
حيدر . طبعا
اميره.. همم اب الاب كله اسألينى انا
حيدر . ههه احبك وانتى فهمانى يا ميرو
بينما فى غرفة داليا كانت نايمه بعمق لا تشعر على ذالك اللى قاعد جنبها وبيتأملها بحب لقد دق الباب ولم يجد صوت عرف ان فايز مش فى الاوضه فدلف اليها وكانت داليا نايمه ومش حاسه على اى حاجه اولا وضع لها كاميرات فى الغرفه هو عاوز يعرف هى كانت مع مين او بتعمل ايه لو كانت مع حد غير فايز فالشخص ده مين ومن ثم جلس جنبها وكان بيتأملها بصمت
شعر بأقدام تقترب اتجه الى الستائر السميكه واستخبه هناك والمراضى تأكد من عدم كشفه هو بيعرف ازى يهرب من الغرفه عن طريق الشباك
دلف فايز وكان معاه صنيه عليها اكل وغيره مما تحتاج داليا ابتسم عندما وجدها نايمه واتجه اليها ووضع الصنيه على احد الكمود اللى فى الغرفه وجلس امامها وبداء يفوقها بهدوء . دودو .. ديلا . اصحى يا ذات الشعر الاشقر يلا قومى
فتحت عيونها بكسل . صباح الخير
فايز . هههه قصدك مساء الخير قومى لازم تكلى انتى نايمه من ساعة ما رجعتى
داليا بعدما اعتدلت . اه نمت على طول
فايز وهو بيحسس على وجنتها.. نوم الهناء
ابتسمت له
فايز . همم اكيد جعانه صح
داليا . اه جعانه اوى حسه بأنى مأكلتش حاجه من فتره كبيره
فايز . طبيعى انتى حامل بتكلى عن اتنين والهانم مجوعه بنتى
داليا . بنت مين قصدك ابننا
فايز . لا عاوز بنوته وتكون شبهك وشبه نودى
داليا.. ما احنا عندنا بنت نحلم بولد بقى
فايز . لا انا عاوز بنت واتنين وتلاته انا بحب البنات داليا . عازه شكولاته حسه انى مش مظبوطه
فايز.. استنى شكل ضغط الدم عندك واطى
داليا . انا بتعبك معايا انا عارفه
فايز . بطلى هبل تعب ايه دانتى بنتي مافيش فرق عندى بينك وبين نودى انا قولتلك انا اب لبنتين مش بنت واحده
داليا ببكاء.. انا اسفه كل اللى حصلك بسببى علشانى اتحملت كتير ولسه بتتحمل
فايز . تانى هنعيد الكلام ده مش قولنا انا وانتى مش هنتكلم تانى ابدا فى الموضوع ده اه صح كنت ناسى . خدى وقعى هنا
داليا . ايه ده
فايز . ده شيك بخمسين مليون هتصرفيه بعد اكتمال المبلغ فى حسابات الشركه
داليا بزعل . رجعت تانى تعمل فرق بينا مش هاخد الفلوس دى انا مدتهمش لحد غريب انا فكية بيهم دين على الشركه اللى هى ملك جوزى يعنى ملكى كمان فلوسك فلوسى وفلوسى فلوسك ومش هقبل النقاش..
كان قاعد فى غرفته بعدما قدر يهرب بيسمع كل حرف عن طريق الكاميرات بغيره وعندما دلفت حنين اغلق الهاتف وابتسم لها
حنين . كنت بتعمل ايه يا زومى
حازم . كنت بتابع الانتر نت وحاليا بستعد للنوم
حنين . لا استنى انا بعد شويه هكلم الدكتوره فانى علشان تقولى ايه نتيجة التحليل اللى عملته انا خايفه اوى انا عندى امل قلبى عنده امل بس عقلى لا
حازم ضمها . انا مطلبتش منك حاجه
حنين . نفسى اكون ام يا حازم
حازم . ربنا كبير
YOU ARE READING
🤍 خفايا القلوب 🤍
General Fictionالبداية---> 30/7/2024 النهاية---> 30/9/2024 الحب كلمه لها معانى كثيره وللقلب الكثير من الابواب ما بين الحيره والواقع مابين الحب والهوس مابين الغيره التى لا مبرر لها الاعجاب المفاجأ فى وقت خاطأ رايتك وتوقف الزمن انقلب كيانى رغم معرفتى بالثبات ضحيت...
♕PART*. 16♕
Start from the beginning
