لاجيت ابكتب عن جمالك تراجعّت وين بيردّني في خيالي

~ ٨ ~

رجعو من الاسطبل لجلستهم يكمّلون سواليفهم وسهرتهم وماصحو على أنفسهم الا لما نادتهم ام دانة:ساعة نناديكم ماتسمعون امشو العشاء خلّص يلا
نوف:ماسمعناتس يااوخيتي
ام دانة:الله يهديكم يلا
دخلو للداخل يتعشّون
نوت:نبي نسوي جلسة حش فيني حشّه مو طبيعيه لازّم شاي وفصفص
ليان حضنت نوت:ياخخي اافف احبتسس تفهمينيي!
ضحكت نوت:وانا اموت عليتتتس ياخخي!
فرح بعصبية:اقول كلّ وحدة تحطّ بحلقها اكل وتسدّه
انفجرو البنات ضحك على غيرة فرح انتهو من العشاء وجلسو يسولفون وراحو يضبطون جلستهم
وجلسو وقّفت جود ورفعت جوالها تصور:بصوركم لاتطلّعون وجيهكم!
صورتهم كلهم مع جلستهم:تجننن الصوورررة
ريما:ارسليها بالقروب
هزّت رأسها جود تردّف:ارسلتها
نوت:يلا ببححش بسررعه
ضحكو البنات وكمّلو سواليفهم الا ان صارت الساعة 11:30مساءاً قامت نوت بعدّ مااتصلّ عليها ابوها يبلّغها انه وصلّ:يلا بنات مع السلامة اشوفكم يوم ثاني ان شاءالله والمرة الجاية عندي
جود:لاا خييير
جوري:اجلسيي لاتروحين
ليان:هيه وين رايحه اجلسي بدرري
نوت:والله مقدر لو بيدّي نمت معكم بس ابوي برا ينتظرني
ريما:تمام اجل بس ياويلتس لو ماتجين مره ثانيه!
دانة:كل مافضيتي تعالي عندنا
فتون:تعالي بحضنتسس
تقدّمت نوت تحضنهم كلّهم وتودّعهم
وقّفت قدّام الباب الخارجي تحديداً تعدّل نقابها بجوالها ولّفت رأسها للجهة اليمنى وشافت أبراهيم مستلقي على الكرسي الي بالجلسة الخارجية وحاط الزقارة بفمّة وقاعد على جواله همست بخفوت:هذا كل شوي اشوفه يمه يخوف
اما عند أبراهيم الي كان مستمتع وبأقصى مراحل سعادته انها قدامه وشاف طولها وشكلها بالعباية وسمع همسّها وضحك بخفة:تراني مااخوف بس انتي خوافة!
فزّت نوت من سمعت صوته وتأكدّت انّه سمعها طلّعت برا على طول اما عند أبراهيم كان يضحك على شكلها وكيف فزّت من سمعت صوته واردّف بهمس:ياخي والله انها حلوه حتى اسمها ودلعها حلو! نوني؟ صحى على نفسة واستغفر خلاص أبراهيم شلها من بالك!
«عند فهد»
اول مااخذ الجوال اتصل فوراً على رقمها
اما عند جود عقدت حواجبها بأستغراب من الرقم وردّت:نعم مين معي؟
تنهدّ براحة:حبيب قلبتس ماعرفتيه؟
فزّت من مكانها تبتسم بفرح:فهههد شلوونك يابعد روحيي
ابتسم بخفة:بخير دامتس بخير يابعد هالدنيا
جود:فهد اشتقت لك متى تجي؟
فهد:تونا مالنا يومين امداتس تشتاقين لي؟
جود:فهد والله مشتاقه لك حيل اليوم رحت الاسطبل مع البنات وعمامي وشفت أصيل وقعدت افضفض له اني مشتاقه لك لاتطّول!
فهد:ابشري يابعد هالروح ان شاءالله كلّها كم اسبوع ونكون موجودين ان شاءالله
جود:ان شاءالله
فهد:اسمعي الحين بقفل مقدر اطول لاني مهرّب الجوال واخاف يقفطوني قولي لليان تقول لامي وخالاتي والكلّ اني كلمتها وقلت لها اني اسلّم عليهم فهمتي؟
هزّت رأسها بالإيجاب وكأنه يشوفها:ايوه
فهد بأبتسامه:يلا يابعدي انتبهي لنفستس
جود:ابشر،وانت انتبه لنفسك ياحبيبي
قفّل فهد وهو يبتسم وراحت جودّ لليان الي بغرفتها مندمجة بالمسلسل دّقت الباب وسمحت لها ليان بالدخول:ليلي بقولتس شي
ليان:وشو
جود:فهد اتصل علي وق
قاطعتها ليان الي فزّت تنطق بصوت مرتفع:ووششووو،فهد اتصل عليتس وحنا اهله مااتصل علينا!
جود:هدّي خليني افهمتس السالفه طيّب شفيتس مستعجلة!
ليان:يلا فهميني الاان
جود:فهد قالّي انّه مهرّب الجوال ومحدّ يدري عنه وخايف انّهم يقفطونه فا اتصل علّي وقالّي اني اقولتس تروحين لعماتي وعمانّي وتقولين لهم فهدّ اتصلّ علي وهو بخير وكلهم بخير ويسلّم عليكم طيّب؟
ليان بتأفف:يوووهه مشووووااررر ياخي
ضربتها جود:ياليل ليان اخوتس هذا وبعدين ترضين امتس تقعدّ طول الوقت قلقانه على اخوتس؟
ليان:خلاص تمام بقولهم الحين بس انزلي قبلي عشان لايشّكون بشي
هزّت رأسها:تمام
نزلت جود تجلس مع الكل وتسولف معهم ونزلت بعدها ليان بفترة عشان لحدّ يشكّ فيهم ابتسمت ليان ونطقت:السلام عليكم
نطق الكلّ بـ:وعليكم السلام
ليان:بقولكم شي وياليت تسمعوني يعني
فيصل:فيتس شي يابنيتي احد فيه شي؟
هزّت رأسها بالنفي
ام فهد:انطقي اجل ليش ساكته
ليان ببتسامة:فهد كلمنّي ترا ويسلّم عليكم كلكم ويقولّكم تراهم بخير ولاتشيلون همّهم
ام راكان:الحمدلله ياربي جعله دوم عليهم
ام عبدالله:يارب يرجعون لنا سالمين
ام فهد:الله يحفظهم يارب
نطق الكل بـ:امين
فيصل:انتن الحين ورا ماتنامن وراكن دورم يلا يلا قدامي
فرح بهمس:احح يالطرده
نوف بنفس الهمس:اسكتي لايسمعونتس
«أبراهيم»
مستلقي على سريره وحاطّ يده ورا راسه ويهوجس بنوت الي اخذت عقله بالكامل
"تسريع للزمن"
«عند مقرّ المداهمة»
الفريق اول سهم:شبااب استعدّو الاعداء متوجّهين لنا البسو سترتكم استعدددووو
عسّاف بوهقة:ياعيال مين معه سترة ثانية نسيت حقتي!
فهد نزّل سترتة وسلّمها لعسّاف:امسك والبسها زين
هز رأسه بالنفي:لا خذها يارجّال عادي خلاص
فهد بحده:بتلبسها ولا لا؟
عسّاف:الله يهديك عنييد،خلاص ابشر
تفرقو وكل واحد مسّك زاوية يراقب منها كانّو الاعداء يتكاثرون بكثره
الفريق اول سهم:اتصلللللللوو على القوااااتتت الخااااااصصهههههه
ماهي دقائق الا وبدو الاعداء يرمون عليهم بكثره سهم بصراخ:استعجججججللووو،فههد انتبههههه
كان احد الاعداء ورا فهد تحديداً انتبه له سهم وصرخ عليه:فههدددد انتتتببه ورررااككك
لفّ فهد وراه ورما عليه احد الاعداء على كتفه الايمن تحديداً ركض له وهو ينادّيه:فههههدد،يااااسعععااااففف
ركضو الاسعاف وهم يرفعون فهد على حمالة الاسعاف ويركبونه السيارة وينطلقون فيه للمستشفى انصعقو تركي وراكان وصرخ راكان:فهههههددد لاتكسسسررني تككفىى ياخوووككك!!!!
طاح على الارض وهو يصارخ بشكل هستيري طاح معه تركي وهو يحضنه:تكفى ياراكان اههدى مابه الا العافيه ان شاءالله
انطلقو راكان وتركي وسهم والفرقه كلها للمستشفى يلحقون فهد الي دخل للعمليات فوراً بحُكم حالتة الخطرة
«عند فيصل»
كانو مجتمعين على سفرة الفطور يفطرون بهدوء
اتصل راكان على فيصل الي فزّ يردّ:هلا يابوي شلونكم
طاح الجوال من بين ايدين راكان واجهش بكاء انصدم فيصل:راكاان فيه شيء وللد ررد وشفيكمم
انحنى تركي ياخذ الجوال يردّ بدال راكان:خالي تعال مستشفى***ونفهمك السالفة
فيصل:لاحول ولا قوة الا بالله يلا يلا جاي قفل
فزّو كلهم مع فيصل
ام راكان:يابو راكان وش فيهم العيال احد فيه شي؟
فيصل:مدري مدري امشو يلا امشو بسرعععه
ركضو يلبسون ويطلعون وتوجّهو للمستشفى ودخلو وانصدمو من شافو راكان ببدلته مليانة بدم فهد ومنهار على الارض وتركي ببدلته الملطخة بالتراب والدم وساند راسه على الجدار متّكتف ومغمّض عيونه فتّح عيونه من شاف الكلّ متقدّمين لهم بلع ريقة:استهدو بالله مافيه شي بس فهد انصاب بكتفة الايمن وهو الحين بغرفة العمليات وشوي بيطلع ان شاءالله
توسّعت عيونهم وطاحت ام فهد على الارض تبكي انّحنو لها ام عبدالله وام دانة وام راكان يحضنونها ويسمّون عليها وبكت ليان وجلست جود بجنبها تبكي معها وتواسيها والكل انهار وانصعق من الخبر
نواف:من متى وهو بالعمليات؟
تركي:والله مدري يمكن من ساعتين كذا
نايف:لاحول ولا قوة الا بالله الله يطلّعه بالسلامة
جلسو على هالحال لساعه ونصف طلع الدكتور وفزّو تقدم ابو فهد ينطق:بشّر يادكتور
نزّل رأسه الدكتور واردّف:للأسف دخل بغيبوبة لانّه نزف دم كثير ولحّقنا عليه على اخر الدقائق ومااقدر احددّ لكم مدّة الغيبوبة لانّ احتمال يطّول واحتمال لا اعذروني مااقدر اعطيكم الاكيد،الله يصبّركم
ابو فهد:انكسر ظهري اننسكررر ضلعي اههخ عليك يافههددد
فيصل:لاحول ولاقوة الا بالله استهدِّ بالله يابو فهد مابه الا العافية وفهد رجّال وبيصحى ان شاءالله
نواف:تفاءل خير يابو فهد
عبدالرحمن:بروح انقله لجناح خاص
نايف تنّهد:رحّ رحّ ياخوك
راح عبدالرحمن ونقلّ فهد لجناح خاص ودخلو كلّهم عليه وشافوه مستلقي على السرير وحوله الاجهزه ومغمّض عيونه ومايحسّ بأحدّ تغورقت عيون جود بالدموع من شافت حالته تقدّمت تطلع برا الغرفة بسرعه ولحقتها فرح لانها عرفت هي ليش طلعت
جود بنبره مهزوزه:فرح احضنيني تكفين
تقدّمت لها فرح بسرعه تحضنها دفنت جود وجهها بكتف فرح تنهار بحضنها نطقت فرح:اتصلّ على نوت لانها من اليوم تتصلّ علينا واكيد انها قلقانه هزّت راسها بالايجاب وبالفعل اتصلّت فرح عليها وماهي ثواني الا وردّت نوت بهدوء:فرح صاير شيء عندكم احس قلبي قارصني
فرح:فهد انصاب بكتفه ودخل بغيبوبه
شهقت نوت:جود جود وينها تكفين انتبهي لها تكفين فرح
-نوت تعرف بموضوع جود وفهد بحكم انها اقرب الناس لجود فا علّمتها بالموضوع-
تنّهدت فرح تشوف جود الي غفت ووجهها شاحب وعيونها ذبلانه:نامت توها بكت بكاء مو طبيعي ياعمري عليها
نوت:انتبهي لها فوفي تكفين
فرح:معليتس بعيوني
نوت تنّهدت:يلا مع السلامة اي شيء يصير معكم علميني تمام
فرح:تمام،مع السلامة
قفلت وسندّت راسها على الجدار وغمّضت عيونها
طلعت نوف برا الغرفة تجلس بجانبهم وتسنّد ظهرها على الكرسي بعد دقائق طلع الكل وأصّر عليهم أبراهيم انه يرافق مع فهد انطلقو كلّهم للبيت يرتاحون وجلس أبراهيم بالكرسي الي بجانب سرير فهد وكان يقرأ قرآن
وقفّ وقام ينسدّح بالكنبة المقابلة لسرير فهد يرتّاح فيها شوي
«اليوم الثاني»
توجّهو كلّهم للمستشفى يزورون فهد دخلو الاباء والامهات وبقو فقط البنات والعيال بعد ماانتهت الزيارة اخذهم نايف يرّجعهم البيت تقدّمو راكان وتركي راكان:بنروح نشتري مويه تجي أبراهيم معنا؟
هزّ رأسه بالايجاب وقعدو ليان وفرح وجود الي اصّرو انهم يروحون مع راكان وتركي
ليان:جود استغلّي الفرصة وروحي لفهد يمكن يحسّ فيتس ويصحى
هزّت رأسها بخفة تتقدّم تفتح الباب وتوقّف بجانب سرير فهد تسحب الكرسي تجلس بجانبة تفكّ نقابها وتفتح طرحتها تتركها تطيح على اكتافها تنزل دموعها على شكله تقدّمت تحضنه وتقبّل جبينه تمسك يدّه:فهد تكفى قوم قطّعت قلبي تكفى لاتطّول علينا انت قوي وتقدر تصحى وماتطّول وتكسرنا صح؟ فهد احبك لاتكسرني فيك وانت وعدتني وعد رجال انك ماتتركني يلا قوم ولاتترك حبيبة قلبك لحالها
كان يحسّ فيها ويسمعها بس مو قادر يتكلّم ومافيه حيل يتحرّك قرأت قرآن وخلصت وقامت تلبس نقابها وتطلع برا الغرفة تتصل على راكان ياخذها لانها ماصارت تتحمل المكان
«بعد مرور أسبوعين»
كان مرافق راكان عندة جالس بجانبه يقرأ قرآن تحرّك فهد بخفة وفزّ راكان بفرحة:فههدد تحسّ فيني تسمعني فهد؟
فهد بصوت مبحوح:اسمعك ياخوي انت اسمعك
ابتسم بفرحة وحضنه:تدري انك دخلت غيبوبه لمده اسبوعين؟تدري اننا بكينا عليك؟ ياخوي كسسرتناا
فهد:ماعاش من يكسركم يااهلي
راكان:بتصل عليهم
اتصل على نواف:ننووواافف فههدد صححىى
نواف فزّ والكل التفت له:اسألك بالله ياراكان
راكان:اقسم بالله تعاللو ببسسرعه
نواف:قفل يلااا جاايينن
نزّل جواله والتفت للكل:ابشششرركم فههد صححىى
ابتسم الكل وحضنو بعض فيصل وهو مبتسم:الحممممدلله يالله دامه صحى ولله الحمد بكره نسوي له عشاء بمناسبة سلامته
ابو فهد:ماتقصر يابو راكان
ام فهد:يابعد روحي يااخوي خيرك سابق
ريّان:يلا يلا امششو مشتاق له ترانيي
اتجّهو كلهم للمستشفى يتحمّدون له بالسلامة
جود ماقدرت تتحمل وراحت للحمامات تبكي
«عند فهد»
حسّ انها متضايقه وتبغى تبكي ولما شافها طلعت التفت لنايف وقال:تكفى ياخالي
نايف:اااببكك احتتزم
فهد:سّوولي خروج تكفون انكتممت
نايف:اابشر
ابتسم له وقام فهد واتجّه لجود الي كانت تبكي انتظرها الين ماطلعت وسحبها معه لغرفة من الغرف الفاضيه المخصصه للمريضين شهقت وناظرت عيونه بعيونها المليانه دموع ناظرها وابتسم:مابتقولين لي الحمدلله على السلامة؟
هزّت رأسها بالنفي ابتسم من عرف انها زعلانه:افا طالع من الموت وماتتحمدين لي بالسلامة ولا تحضنيني ولا شي؟
ضربت صدره بخفة:فهد لاتقول كذا!
فهد ضحك بخفة:طيب تدرين اني كنت اسمعتس يوم تقولين لي قوم لاتكسرنا واحبك،شوفيني قدامتس قمت وماكسرت بوعدي
بكت بضعف وحضنته:فهد كنت بموووت بببممموووت!!
فهد شدّها له وباس راسها:بسم الله عليتس يابعد الدنيياا لاتقولين كذا
مسح دموعها بطرف اصبعه:اليوم بيسوون لي عشاء ابيتس تكشخين لي غمز لها توردّت ملامحها دفته وطلعت
الساعة7:30مساءاً
كان الكل متواجد اهل ام راكان والبنات والامهات والرجال والعيال بالمجلس الخارجي دخلت عليهم ام حصة [طبعا ام حصة انسانه حسووده والكل يكرها تصير اخت زوج لطيفة ام عبدالله يعني تصير عمة عبدالله وتركي وريما وفرح وبنتها حصه الوحيده حقووودده وتحب فهد بشكل جنوننني وكانت تتلصق بليان]
دخلو وسلمو عليهم وأشّرت حصه اصبعها السبابه ترفعة فوق وتحت وتنطق بدلع:انتي جود؟
جود بهمس لليان:خلّيها تنّزل اصبعها لا اكسره على راسها
ليان بنفس الهمس:عدّيها تكفين
ابتسمت بتسليك:ايه انا جود
حصة وهي تلعب بشعرها وتتكلم بدلع:وش تصيرين لفهد حبيبي؟
عقدت حواجبها جود واردّفت بهمس:فهد حبيبي حلوه هذي!
نوت:يابنات فكوني عليها اقطّع شوشتها اليابسه هذي
فرح:ااافف حلاة من مسكها ودبغها بالارض
ليان بهمس:بناااات تكفون امسكو نفسكم
قامت حصة تتقدّم للبنات:بنوتات وين فهودي بكلمه شوي؟
فرح رفعت حواجبها:بنوتات؟
انفجرت جوري ضحك:هههههههههههههههههههههههههه يممممه مممقققدرر بنوتات انفجرو البنات ضحك
ونطقت جود بهمس للبنات:بنات تبون نصفقها؟
فرح ونوت:اااايييي
التفتت جود لليان بهمس:معليش بس بتاخذ فهد منّي لازم اادبها شوي
قامت جود تمدّ يدّها لحصة بستهزاء:امشي حبيبتي اوديتس لفهودي حقتس
ضحكت فرح بقوه:يمه بنات جود تضحكننني!
دّفتها جوري وهي تضحك:ياويلتس منها لو تمسكتس اسكتي احسن لتس
طلعت جود بالحديقة الخارجية مع حصة مسكتها ولوّت يدّها وطيحتها على الارض وطاحت فيها ضرب والبنات ماقصرو معها دفتها جود وطلعت تمّر من المطبخ وهي تتحلطم:قال ايش قال فهودي حبيبي حلاة من حط جزمتي بحلقتس ياشيخه حاوط خصرها فهد:افا من مزعّل حلوتي؟
جود بعصبيه:لايشيخ مين هذي حصه احمد ربك تركتها سالمه والا كنت بذبحها على يدّي!
رفع حواجبه بصدمه:ضربتيهاا!!
جود:ايه صفقتها وش بتدافع عنها بعد تبيني اصفقك معها؟
فهد:لا لا خلاص احسن تستاهل
دخلت حصه وهي تبكي بكاء متصنع وتتكلم بدلع:فهودي شوف هذي واشّرت على جود تضرب حبيبتك!
توسّعت عيونه ومسكتها جود مع شعرها:حبيبتس هذا ولد الجيران فهد ابعدي عنه احسن لتس ولا ترا موتس على يدي صدقيني ياحصيص والتفتت لفهد تنطق بحده:وانت اطلع برا وخلنّي اشوفك جاي هنا
طلع فهد وهو مصدوم اما عند جود الي تركت حصه بعد مابردّت حرتها فيها قامت حصه تعدّل شكلها وشعرها تنطق:طيّب انا اوريتس ياجود هيّن!

لاتنسون النجمة✨