دهاليز قاتمة

الأقتم التاسع عشر

كش وجهة وكام
ضرغام:لا ماريد همام رايح اني

تخوصرت
ضي:ما اسمحلك تكش وجهك هيچ هذا التؤام مالتي

ضرغام:التؤام مالتچ يماشي نوح وجاي يصير نفس اطباعة شوي شوي وينسحب لعالم الشرب الحسنة الوحيدة بي هوَ التؤام مالتچ

ضي:انصحة يعوف نوح عفية

چنت اباوعلة وارمش بعيوني تنهد
ضرغام:من تقتنع اختة تعوف نوح هوَ راح يقتنع

نزلت راسي اريد ابچي
ضي:والله ماريدة وجاي احاول انساه وان شاء الله اكدر لأن اعرف نوح مو الية

دخل همام سلم على ضرغام
ضرغام:هلا بالمتغير

همام:اهوووو مو انتَ انوب

ضربة براسة
ضرغام:اكو عقل هنا لو لا ولك تماشي نوح هذا راح يدمرك

باوع لضرغام وكأنما اكو بحلگة كلام بس نزل راسة ما حچة شي حتى اني ما يحچيلي شي غلط عن نوح واوتار برغم يحچيلي كلشي وما يضم عني شي ما فهمت سر حبة الهم

كعدو سوية واني صعدت ما اشتهي اكل ضربتها نومة
كعدت من النوم على اصوات ببيتنة كمت غسلت وجهي ونزلت للصالة وفتحت عيوني مصدومة

نوح وابو كاعدين كدام ابوي وضرغام هم موجود والأثنين واحد يخزر بالثاني وابوي كاعد ما عاجبة

سلمت على عمي وتجاهلت نوح ردت اطلع وسمعت عمي كال
ابو نوح:هسة شگلت ذو الفقار تنطينة ضي لنوح لولا...

****

غيوم:طلعنة من بيت اهلة واني والله ماردت هيچ يصير بس داكن أصر چنت كاعدة بالسيارة منزلة راسي اريد احچي اريد اكول منين عرفت بالحمل بس چان ضايج ويدخن

وصلنة للشقة مالتة چانت صغيرة وحلوة وكلشي نظيف ذب الجنط وحچة بتعب بدون ما يباوعلي

داكن:باچر نرتب كلشي اريد انام نعسان اجيت من الحلة للبيت ومن البارحة ما نايم باچر نتساعد

هزيت راسي دخلت للغرفة غيرت فراش الچرباية چانت مال نفرين بس هم صغيرة دخل للحمام يسبح واني غيرت ملابسي انتظرة واحس خدي بعدة يأذيني من ضربة همام خليت ايدي على بطني واكو ألم خفيف بظهري

دخل داكن بسرعة وخرت ايدي عن بطني نشف شعرة وراح جاب عطوراتة عطر نفسة وتمدد على الچرباية عگدت حواجبي مستغربة چان مابي شي شنو هسة يلا تذكر يزعل مني