دهاليز قاتمة

الأقتم السابع

نشتهي نشوفك
مثل لهفة گلب يعگوب وأزيد .

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

~~~~~~~~~~~~~~~~~~~~~~~~

غيوم: دگات گلبي من قوتهم حسيت گلبي ضل يوجعني بس ألم حلو هواية حلو رفعت راسي للسقف احبس دموعي واهفي على وجهي حتى اطفي النار الي اشتعلت بية شعل

بلعت ريگ وهدأت نفسي دزيلة
غيوم:ليش تريدني؟

جاوب بكل بساطة
داكن:لأن تحبيني

عگدت حواجبي وتنهدت
غيوم:اني احتاج انحب مو بس احب

رد
داكن:انتِ محبوبة وبسرعة تنحبين الحب يجي بعد الزواج

غيوم:اكو احد جابرك علية؟

داكن:لا قابل منو يجبرني؟ زلمة شگدني وشكبرني انجبر؟

كلامة حبطني هواية وبدون ما احس دموعي صارت تنزل سديت التلفون وغطيت وجهي وصرت ابچي بقلة حيلة

هالگد صعب الگة احد يحبني؟
هالگد اني مكروهة ؟

زين ليش شنو الي بية ناقص ومحد يحبني حتى عماتي يكرهوني وخالاتي بس عمة من عماتي مادري شعجب تحبني

وخرت ايدية من وجهي من سمعت صوت اشعار فتحتة لگيتة كاتب
داكن:جاي تبچين؟

فزيت ومن كل عقلي صرت اتلفت عبالي يشوفني كتبتلة بسرعة
غيوم:شمدريك؟

جاوب
داكن:حسيت واعرف احساسي ما يطلع غلط ليش تبچين اني صريح وياچ من البداية كلتلچ الحب يجي بعد الزواج واذا تردين مجرد كلمة اكولها بس المشاعر صعبة تنگال بچذب

مسحت دموعي وجاوبتة
غيوم:لا الحب ولا الأهتمام ينطلب بس اني ماريد ادخل بتجربة وابقى طول عمري انتظر اليوم الي تحبني بي اني ماريد ارجع لبيت اهلي داكن

داكن:ولا انه اسمحلچ ترجعين انطيچ معلومة عني انه ما اتخلى عن احد ومستحيل بيوم من الأيام اتخلى عنچ اذا صرتي زوجتي راح يكون بيناتنة كل الأحترام

سكت ثواني رفعت حاجبي وهوَ رجع كال
داكن: بيناتنة كل الأحترام والحب وانتِ بكيفچ بعد تردين انهي كلشي لو اكمل لي بديتة