انولد الطغيان

15

<انولد الطغيان>

بارت 15

للكاتبة سجى المالكي

اللهم صل عل محمد وال محمد
تصويت ومتابعة لطفا
••••••••••••••••

سيف،
بعدما الشباب راحوا حسيت بملل وضوجة بس كلت هذا الملل ولا اروح لهيج مكان

كعدت اتصفح بموبايلي وهم حسيت بملل،

كلت اللعب رياضة احسن
ونزلت للكاع ادك شناو واحسب

اني شاطر بالشناو وما اتعب بيها اكدر اوصل فوك المية لان متعود من زمان اسويها،

وصلت للستين ودك جهازي

طلعت رشا فتحت الخط وسمعت عيطتها

رشا-ولك يا لماتستحي شلون تروح وتعوفنا مافكرت شلون تعوفني يم اهلي ذولي الكلهم مشاكل لككك سييف ليش رحت

-شبيج دسكتي خل نتفاهم

زفرت بغضب و ردت-ليش سافرت واني جنت بالدوام حتى ماكتلي رايح

-اي لان اعرفج ماتقبلين اروح وبعدين كلت لامي

-وامي صوجها مامنتعك كبل كالت روح مو

ضحكت-لا اصلا كالت يجوز تضيع واخلص منك

نصى صوتها مستغربة -هي هيج حجت

ضحكت احاول اخفي بضحكتي قهري
رديت- اي هيج كالت، يجوز ملت مني واني كلت يلا دعاء الام مستجاب بلكي اضيع

-سيف لتخوفني بهذا كلامك فدوه

-وشكو تخافين من كلامي روحي لامي كليلها ليش هيج كلتي عل ابنج

-تمام رايحه اكللها

-لا ولج رشااا تعالي وين رايحة

-قابل اسكتلها

-انجبي يلا

زفرت،

سيف-شبيج تزفرين بوجهي

-ضايجه والبيت وحشه بدونك متعوده اكعد اسولف وياك ونتعارك هسة ويامن اسولف

-روحي اتعاركي ويا اهلي هم يحبون العرك

-لا عدى الشقة ليش رحت جان اخذتني وياك واشوف اربيل شلونها

ضحكت واني اتذكر الولد ليش اجوا وعلمود شنو

رشا- لاتضحك، انت فرحان ومتونس واني عايفني هنا اريد اسافر يلا

-هي طلعة شباب وين تردين اخذج

-اوف ماعندي حظ هي كوى

ضحكت وهي بقت تتمشكل وياي
تالي راضيتها لمن كتلها اجيبلج هدايا

°°°°°°°
صفوان،
بقيت مصدوم واني اشوف هالعالم الغريب

بلعت ريكي اباوع حبيب اندمج وراح كعد عل قنفة