ضليع الملبس

مشاهد 🔴

- ابتسمت بفرح لانُ عجبتني الفكرة
كلش ولازم اسويها ليـشہ لأ .

_____
مُشهد • الثاني •

- اندگ باب الشقه وگمت افتحة وفجأة دخلوا زلم مُلثمين
بدون كلام و لا شي فقط دفعوني ودخلوا و بدو يكسرون
بـ غراض شقتي وانا مخليتهم على راحتهم لانُ مو مهمه
الغراض تتعوض بس اريد اعرف شنو يردون مني !

- باوعوا علية و صاح واحد منهم .
:- بسببچ كله بسببچ غدر بينه بسببچ انتِ بربـ* وبنت ملا* .

- استغربت من كلامه واني ما فاهمة شي
خزرته وصحت بـ علو صوتي .
‏
:- اطلعوا بره بسرعة

- ظلوا واگفين ويباوعون علية عطت بصوت اقوة من قبل
:- داگول اطلعوا تره راح يجونكم
ويفطسونكم تفطس انقذوا روحكم .
‏
- انتبهت صار حذاء شخص گبالي رفعت وجهي
وشفته هوَّ أي هوَّ عامل النظافة ؟ شنو دا يسوي هنا
فتحت عيوني على كبرهن وهوَّ صاح بأقوى صوتة .

:- اطلعــوا عـــارات ، گادرين على بنيه ، امداكـــــم .

- طلعوا راسًا وهوَ دنگ گدامي ويحاول يلزم أيدي بس متردد .
:- بيچ شي ، سوولچ شي .

- باوعت على حذائه كُله طين، صحت اني وأشر على الباب .
:- اطلـــــــع بســرعه و سد الباب .

_____
مُشهد • الثالث •
‏

- گاعده بـ نفس المقهى الي عرفته بي ، شفته من
الشباك دا يمشي، گمت بسرعة وطلعت اريد ارضي
فضولي صعدت بـ سيارتي وبديت اراقب حركاته شويَة
واجته سيارة وصعد ليورا واني راسًا بديت امشي وراهم
بس شويَة بعيدة عنهم

- ربع ساعة وصلوا يم بيت أو هيكل بالأحرى
نزلوا ودخلوا كلهم واني كتلني فضولي ونزلت
وراهم بديت اتمشى بـ حذر ودخلت ، وگفت وره الحايط
‏
- شفت تقريباً ثنين لو ثلاثة مُلثمين وضخمين وهوَّ
من ضمنهم وشخص گاعد على الكُرسي ومربطينه
توترت وبديت اراقبهم، سمعته يگول .
‏
:- ويــن وديتهـــن ابن المطي بعتهن مو واخذت فلوسهن الك .

- عصرت ايدي بخوف واستغربت من كلامه و شنو
باعهم فجاة بده يضرب بي بوكسيات والي ويا يوگفون
بي، اندار عليهم و صاح بـ صوت عالي .

:- لك ذبوها بـ راسي اني شعليه خلي
يعترف هسه لا هسه أجرم بي وحگ هوَّ علي .