المكامعة الاخيرة(مكتملة)

Part 16

خزرتني وراحت وانا باوعت للناس وكلت

رزان : حجايه وحدده حجايه تنحجييي بظهري اكطع خبر الي يحجيها الي عنده حجي وشريف يوكف كبالي ويحجي ولو عدكم ذره شرف ماصدكتوها وانطيتو بيه انا بت منطقتكم نسيتووو ابوي وافضاله عليكم لو انتو هاي شغلتكم اذا لكيتو البنيه بحدها تاكلووووهااا اكلل ماعدكم ضمير

خزرت الكل لان مابيهم احد شريف وطبيت للبيت ولكيت احمد وخالتي طبو وراي وكعدو كبالي

ام نوح : يمه شهل الحجي وين ابنيييي ولج يمه رزاان وييين ابنيييي كليلييي موووتوووو ابني

رزان : احمد خابر نوح واخذ منه عنوان المستشفى واخذ خالتي وروحو

ام نوح : يمه الرحمن ابنيي شيسوي بالمستشفى

باوعتلها وماحجيت واحمد سوه الي كتله عليه واخذها وطلع وبقت بس دعاء المخترعه بالركن

دعاء : هاي شنو الاخبار كلهاااا شجااااي يصيرر رزان

رزان : دعاء ماناقصتججج امور تخصني واذا على فلوس تميممم هسه انطيهن الج كلهننن والله راااسي صداااع

دعاء : شنو براحتج على هاي المشااكل وبعدين الفلوس مااريدهن كلهن انطيني 30 مليون اسجلهن ب اسم البنات واخذي 10 الج خليهن عندج تحتاجيهن جنت جايه اطمن عليج واسئلج وراح نسافر بعد يومين اصلا

رزان : بالاخير فلوس جهالج وعلى راحتج

رحت صعدت بسرعه لغرفتي وخابرت اسماعيل

رزان : جيبلي 30 مليون وارجعهن الك باجر

اسماعيل : الناس تطلب مليون اثنين مو 30

رزان : تجيبهن الي لو اتصررف من غيرك مافارغتلك

اسماعيل : جايج عمي امري ل الله راح ادبر

نزلت العب ويه البنات لان اخر مره اشوفهن وبراسي الف فكره.... شويه واجت رساله من اسماعيل اجه بالباب وطلعت على كيف

اسماعيل : بشنو محتاجتهن

رزان : دعاء تريد فلوس جهالها مال تميم وبعدني مابايعه شي من املاك ريان اخذ منك وباجر يرجعن

اسماعيل : شبيه راسج وايديج مجرحات هايي شنوو حواجبجج همم

رزان :العصر اجيك لشغلك ونحجي بس خابر المحامي يجي اريد احجي وياه

اسماعيل : شتسوين بيه بس لا راح تتطلكيين

رزان : وشدعوه هل كد فرحان ؟؟

اسماعيل : هيج اسئل

مد ايده ولزم راسي وايده على وجهي وكال

اسماعيل : متأذيه رزان كليلي شصاير ويااج

طكيت ايده ووخرتها بهجوم بسرعه

رزان : كتلكك بعدينن نحجي لاتلزمنيي يلا روح منااا انكلع

دخلت وسديت الباب وانطيت الفلوس لدعاء