تساقط أوراق الخريف مع الأمل المزروع إلى ذات الشخص الذي افنى ذاته لأجله يجبر على الوداع وترك كل الذكريات التي تتالت عليه بذات الوقت يصبح الحاظر والماضي شيئان لا نفع منهم كمن أفلت الكون من كفوفه يصبح كل شيء ضبابي
..
شلون ماتت "
كان السواد يحيط اسلام من كل الجهات مو هين الي جاي يصير ويسمعه ويدركه اسلام ما كان هين يسمع هيج خبر بهالوقت خصوصا بعد ما أصبح باوج مراحل اليأس وكانت هي الوحيده التي تجعله يعيش حتى وقتنا هذا
انقتلت"
جحوض عينيه بعد ما قاله غياث أدى إلى وقوفه من مضجعه أمامه بتفاجئ كبير تتوالى الاخبار المؤلمه واحدة تلو الأخرى بدون استيعاب
هز راسه بالنفي كل أصابع الاتهام ترجع لابوه بالمرتبه الأولى وهو طبعا ذاته الي قتله لكن حاليا راح يتفادئ اخباره بهلخبر يبتسم اسلام برهبه يوكف على حيله يدخل لاحد الغرف يلبس ملابسه بسرعه وغياث كان مو فاهم بالضبط شنو براس اسلام
وين؟ "
سال بسرعه والثاني لبس كلشي واتجة للباب بسرعه جبيره وبكف ايده سويج سياره غياث الي وكف كدامه بسرعه جان على حافه انه يطلع
اروح اخلص من كل هلشي اعرف منو تعرض إله تريد ابقى كاعد"
رفض غياث هلشي إذا طلع اسلام منا ممكن يعرف واذا عرف يكون هليوم اخر يوم العز ويحرك بي الأول والتالي
لا تصدني باقي بمزاجي واطلع بمزاجي وخر"
حاول يدفعه والثاني رافض هلشي رفض كامل ما جان بعقل يستوعب كلشي بس البيت خنكه يحاول يبقى ثابت وما ينهار على موته
اريد اروح غياث بس خليني اروح"
الباب جان مفتوح اول ما دفعه اسلام طلع من المكان يلحكه غياث بسرعه اقل شي ما يطلع وحده
لك والله يكتلك يدري بيك حجيت كلشي تموت قبل ما توصل المحكمه وتنطي شهادتك ضده ابوك كلشي ولا مصالحه"
وكف بعد ما جان معارض يبقى دقيقه وحده بهل بيت ما تفاجئ فعلا من كلام غياث والده بالفعل كل شيء يهدد مصالحه ينمسح بدون أثر
أدار نفسه يشوف غياث واكف بثبات متأكد انه راح يرجع اسلام وعلى الاقل ما يريد يموت اليوم يشمر المفتاح على غياث يروح الغرفه بسرعه ويقفله علي والآخر ثابت مكانه جان لازم لاسلام يعرف الحاله الي همه بيه وما يتهور
.
كلشي انكشف اسلام درى بكلشي "
غياث جان على علم بهلشي لكن جان بوده هو الي يكله بهلشي.
بعد ما خابر على حر يجي للبيت يفكرون شلون يرتبون كلشي حتى يلقون القبض علي بدون ما يتعبون
الي شاغل عقلي ليش لسى مخلي يمك بقائك هنا غلط لازم ترجع للموصل"
بقاء اسلام كان أكثر من زائد على الخطه بعد ما تغيرت وأصبح اسلام غير مستهدف بيه وكل الهدف على عز جان لازم يتخلصون من اسلام الي يعتبر عبئ عليهم
