بين انيابهم

••العثــࢪة التـاسعـة و الثـلاثـون••

هُـــــــــذام.... ليشش ليش هالبجي شبيج؟

شهكت وحجيت
تــــــاج.... هُـــــــــذام اررريد اختي ارييدهاا

هُــــــــــــــــذام.... اسم ﷲ تــــــاج شنو حلمانة؟

حجاها واخذني الصدرة بجيت وحجيتلة الحلم

تــــــاج... خابر الصديقك هسه ڪُلة شنو صار ما لكوها

اتنهد واخذ موبايلة ردت ابتعد ما خلاني بقيت مخلية راسي على صدرة وادموعي تنزل بسڪتة

هُــــــــــــــــذام.... هلا ابو كرار.... لا لا ما صاير شي اعتذر اتصلت بهيج وقت..... بس على القضية شنو صار عنها ما لكيتو ابتهال لو اي طرف يوصلكم الشُــذير؟

بلعت ريكي وسمعتة يحجي

ليث.... هسه انتَ مكعدني بنص الليل حلمت شبيك ما اكدر الكة البنية اذا ما الكة زرب** وزرب** ما طالعة من العراق موجودة بس هيَ لا محافظة ولا محافظتين تلكاها كل يوم مغيرة مكانها مثل الچلب ولا اڪو خيط اليوصلني الها وبيتهم الكتلي عليه بالبصرة محترك وماكو اي اثر الة

بجيت من ماكو امل ضليت اشهك بصوت عالي سد موبايلة وحجيت

تــــــاج... هُـــــــــذام تعبت والله اريد حل الكووها اليي الكووها

هُــــــــــــــــذام..... على كيفج وية روحج كولي يا الله نلكاها ان شاء الله ليش فقدتي الامل فجأة لا بد اكو يوم ونلكا طرف خيط يودينة الها

ما اقتنعت بقيت ابجي الى ان تعبت اتمددت وضلت بس الشهكة مجلبة بصدري حجيت واني عيني ع السقف

تــــــاج.... دا اتعذب من احس اشكال اهلي تتلاشى من عقلي دا انساهم هُـــــــــذام الة اشكالهم سنين واني احافظ على شكلهم بذاكرتي الة هسه دا انساهم

خجيتها وغطيت وجهي بأيدي دا اتعذب والله دا اتعذب بالدنيا قبل الاخرى شنو سويت بحياتي الدرجة كمت اتمنى بس شوفة اهلي تعبت يا الهي مو كد اختبارك اني والله مو كدة

جر ايدي من وجهي واخذني الحضنة اخذتها فرصة وبجيت بصوت عالي للصبح ما نمت وهوَ وياي يسڪتني اخر شي نمت بحضنة بدون لا احس