Only One Limited Edition (Completed )

Chapter 18

ခခလေး အပိုပြောခြင်း မဟုတ်မှန်း ဝေယံလည်း
သိပေ၏...ဖိတ်စာကို  မြင်သူတိုင်းက ထိုသို့ ပြော
နေခြင်း ဖြစ်သည်...
" ဘုရင် မလာရင်မလာနဲ့တော့... ခခလေးပဲ လာခဲ့ "
" OK ...ငါမလာရင် ကလေးငယ်က လာမလား ဆိုတာ သေချာမေးလိုက်အုံး "
မထီတရိ မျက်နှာပေး ကတော့ တကယ့်ကို ဒေါသထွက်ချင်စရာ.... ခခအား သူဘယ်လောက်ပိုင်ကြောင်း မဏ္ဍပ်တိုင်တပ်ပြနေလိုက်တာ...ဒါတောင်ခခလေးကို မမှတ်မိလို့ မှတ်သာမှတ်မိလို့ကတော့တွေးတောင် မတွေးရဲစရာ....
" မင်းတစ်ယောက်တည်း လိုက်ဖိတ်နေတာလား
...ဟိုကောင်ရော... "
" သူဒီမနက်ပိုင်းမအားဘူး...နေ့လည်မှ အတူတူ
လိုက်ဖိတ်မှာ..."
" ဘုရင်... အလုပ်တွေကို ဖိုးဖိုးကကူလုပ်ပေးနေတာလား "
" အင်း...ဟုတ်တယ်... နောက်တစ်ပတ်လောက်ဆို
ရင်တော့ ငါလည်း ပြန်လုပ်ဖို့ စဉ်စားထားတယ် "
ဘုရင် ပြောလိုက်တော့ ချက်ချင်း မော့ကြည့်လာ
သည့် မျက်နှာကလေးက အလုပ်လုပ်မည်မို့ စိုးရိမ်နေမှန်း သိသာစွာပင်...
" မင်း ခေါင်းက သက်သာသေးလို့လား "
ကိုယံ မေးသလို ခခလည်းသိချင်နေ၏...
" အင်း..သက်သာပါတယ် "
" ကိုကို..မနက်စာ လာပို့ပြီတဲ့...ခခသွားပြင်လိုက်အုံးမယ်... "
" သူတို့ကိုသာ ဆက်ပြင်ခိုင်းလိုက်...ပင်ပန်းမခံနဲ့
လေကွာ..."
" ရပါတယ်... ကိုကို...ဒီလောက်က ခခလည်း မပင်ပန်းပါဘူး "
ဘုရင် ​တောင် ဘာမှပြောချိန်မရလိုက် အနားက
လှစ်ခနဲနေအောင် သွားလိုက်ပေ၏...
တကယ်ဆို အလုပ်သမားတွေကို ပြင်ဆင်ခိုင်းလို့
ရပေမဲ့ ခခကိုယ်တိုင် ကိုကို့ကို လုပ်ကိုင်ပေးချင်လို့ဖြစ်၏...ကိုယ်တိုင်ဝင်ချက်ချင်ပေမဲ့ ကိုကိုတို့ အကုန်လုံးက လက်ခံမည်မဟုတ်ပေ... ကိုယ်ဝန်ရှိနေတော့ပိုပြီး မလုပ်ခိုင်းကြခြင်း ဖြစ်သည်...
" အလင်းလည်း လိုက်ကူလိုက်မယ် "
ထမင်းစားခန်းထဲထိ လိုက်ကြည့်နေသော ဘုရင်
ကြောင့် ဝေယံ လက်မြှောက်မိ၏...အတိတ်မေ့နေ
သေးလို့သာပဲ မဟုတ်ရင်တော့ အာခံတွင်းထဲများငုံထားမလား မသိဘူး....ပြောရတာမဟုတ်ဘူး ငုံထားလို့ရရင်ငုံထားလောက်တယ်...
" ဘုရင်...မင်းအတိတ်မေ့နေတာ သေချာရဲ့လား...ပြောသာပြောရတာ မင်းဟာက ခခလေးတစ်​ယောက်တည်း ကွက်မေ့နေတာဆိုတော့ "
" ကလေးငယ် အကြောင်းကို စဉ်းစားလို့တောင်
မရဘူးကွာ "
" အမယ်လေး...သတိမရဘူးဆိုပြီ...ကလေးငယ်တဲ့ကွာ "
ဝေယံ ခနဲ့တာတောင် ပြန်မပြောဘဲ ငြိမ်နေပုံက သူ့ကိုယ်သူ အားမရ ဖြစ်နေပုံရ၏...
" အဲလောက်လည်း မျက်နှာပျက်မနေပါနဲ့ကွာ...
ခခလေးက မင်းမှမင်း... သူကြည့်ရတာ မင်းကို
စိတ်ခုပုံလည်းမရပါဘူး... "
" ငါသိတယ် "
အမယ် ဒီကောင်က အလာကြီးပါလား... နှစ်သိမ့်
ပေးမဲ့ စေတနာတောင်ပျက်တယ်...
" တော်ပြီ..မပြောတော့ဘူး...ဟေ့ကောင်...
စေတနာပျက်တယ် "
" နားညည်းသက်သာတယ် "
ဘုရင့် အပြောကြောင့်နှစ်ယောက်သား ရယ်လိုက်
မိ၏...