ندمان ونخيتك ... توبت حر اجيتك
مااريد ابتعد عن خيمة اعيونك
انطيني البشاره ... عيني عالمناره
واقبلني عبد أخدم عبد جونك
راجعلك .. مو مثل ذيج الجروح البيه
اقبلني .. ابداعت الصاحت يفضه اعليه
من دونك .. روحي كل لحظه بذنب مسبيه
كل مره اتوب اورجع اذنب
جني بخيامك جاي اسلب
يالماترد حافر ولسهام
فدوه بعباتك خل اجلب
ندمان وضايع مولاي
اقبلني اجيلك ... اريد اصبح ذليلك
واريد ابجي لحد ماتطفه العيون
عيشني بهيامك ... واحرگني بخيامك
مثل حرك العبايه احترگ كون
كون اختي .. بدال اخيتك تنسبي ياعمري
وكون اني .. بالحوافر انسحگ ياذخري
يا غالي.. مثل صدرك كون يصبح صدري
اشكد اروح ويمك ارجع
كون الحوافر بيه تكطع
ياريت اصير الضعنك افياي
وين بناتك بالبر اطلع
ندمان وضايع مولاي
الزمني امن اديه .. وتحافظ عليه
اخاف بسرعة اضيعن لو عفتني
تسويني عبد كون .. مثل عابسكم وجون
اذا رحت وعفت دربك صحتني
غطيني.. بجفك المتروس رحمة وغيرة
واسترني .. ابداعت الضلت وحدها بحيرة
وخليني .. گبال عينك يا جبير الديرة
ابداعت عضيدك لا تهدني
احسبني زاير لا تردني
يا باب ادكه يكلي معذور
بس باب كلبك ما طردني
ندمان وضايع مولاي
ربيني اعل كيفك ... وخليني بمضيفك
اصيرلك عبد حدما تطلع الروح
موتني بعتابك ... واجرحني بمصابك
على ضعنك اريد ابقى مجروح
اذبحني .. بالسهام النامت بنص گلبك
والزمني .. لا تخليني ابارح دربك
واجرحني .. رايد بروحي يضل بس حبك
كل خادم ويختلف وضعه
امنيتي اموت واني انعه
ياريت جفي حافر يصير
بالطم ضلعي كون اوكعه
ندمان وضايع مولاي
